728x90 AdSpace

Hot
Menu
Zon-ol na Donate

Latest News

Pumpi cidam na in Lungsim cidamsak (Healthy Body and Healthy Mind). Agelh - Pau Do Lian

Pumpi cidam na in Lungsim cidamsak
(Healthy Body and Healthy Mind)
 Agelh - Pau Do Lian

Thumasa
1994 kum in Malaria [khuasik natna] nasiatak in kathuak a kha sagih sung lummun tungbek a om in kalungsim bektawh nasepding kangaih sun aa bangmah kasem zo nawn kei hi. Alamdang Pasian nasepna hangin zatui zawhloh natna hong aman dam hi. Pasian hoihna gen nuam mahleng ih thulu hilo ahihteh ihgen nopzom kikni. Malaria kangah khitteh gawng lua mahmah in anlim lualah kine zolo ahiman in kei leh kei ka ki etciang lungkiat huai mahmah din mun katung hi.

Ahizongin 2006 ciangin Haka kalawmte khat, a pumpi [body] hoih mahmah cidam mel mahmah khat tawh Pasian na semkhawm in atangthu kadot ciang amah zong TB natna tawh gawnglua mahmah in atawpna ah fitness center [sikluum dopna] ah paizel a tua khitciang aci lah dam, a pumpi [body] lah hoih in tangzang’ mahmah ing ci hi. Anuai aa ihgen dingthu ahihleh a technique lam hilua lodinga fitness pan hamphat na agen nuam ihi hi.


Zuih ding pawlkhat
Exercise bangzahvei kisam hiam cihleh, 2008 Physical Activity Guideline America te bawl na ah atawmpen minutes 150 kaalkhat in atawmpen kimawl hamtang ding ci hi. Na kimawl anam tawh kizui in leh nangimna tawh kizui in hunzat ding trainer te honggen ding uh hi. Gentehna in competition ciang asawm nahih leh Monday to Friday nikhat nai 2 bang hunzat kul ding hi.  Zan ihmut pongman in 6-8 ciang ihmu hamtang ding in a hunzong kibang sak ding. Gentehna nitak nai 10 lum zingsang nai 7 nathawh leh tuabang mahin zansim in hanciam ding kisam hi. Sa [Bawngsa] leh Bawngnawi [Milk] protein tamtheithei ne/dawn ding kisam hi.  Ih omna mun leh gamtawh zong kisai a, USA gam a omte bangahih leh an hoihtam na ahihman in lem mahmah hi. Kawlgam bang ahihleh kaalkhatin Sa meh livei atawmpen meh in [Celcium Kuaikar Oh] leh Aktui leh Bawngnawi dawnzo leng hoih mahmah hi. Athei sa leh trainer omlo in kimawl huai lo hi, ahangpen themkhat ihthagui ihguh kisu khatleh akumin damlo thei ahihman in asiamsa leh honghilh theiding a omkei leh kimawl kei zaw in.

Bangtan thasan ding?
Zaang/light
Ol/Easy
.Oltak husang thei/breathing easily
. Cilumsak khua ulsuak lodeih
. Paukawm zo labang sakawm zo
Zaanglaihawl
Light moderate
Akhauhlua in kimawl lo
.awltak nakthei
.Khua ul tawmkai
.Awlsa laipian lasa zolai
Hoihbek/Moderate
Kimawl mahmah ta
.husan nawhpian
.khua ulzong kai
.paukawm, lasa zonawn lo
Khauh kimawl mahmah/vigorous
Khawllo kimawl suak/superset
.nawh nak mahmah
.khua ul kai ziahziah
.pau nuam/zo lo

Om sitset ding/Be Smart
Nikhat nai khatsung nathuak, siklawm dopna leh naki mawlna in na nuntak na tampi honglaih ding hi. Tuni nakimawl, zingciang kithei pahsam lo hi ahizongin a kum in na kimawlleh, na pumpi cidam na hongkhang dinga, ihmut nuam in ankam lim in na kihei napeuh ah tangzang’ mahmah ding hi. Nipi nikikhawp sung nai 1-2 sung lusu cih bang omnawn lo hi J. Na pumpi na etciang nangleh nang lungnuam na [self-confident] tampi hongpia atua in nasep peuhpeuh hihzo ding hing cih lungsim [mindset] hongpia ahihman in thupi mahmah hi. Nang leh nang kilawpsak [self motivation] pen gym fitness pan in tampi hongpia in tuate in, agik mahmah sawmvei nadop nadingin tha nakpi tak nasaan kul a, nalungsim in zoding cih aneih ding thupi pen hi. Tua bang mahin nadang nasep ciangzong hihzo ding cih lungsim hongpia hi.

Pumpi cidam na in Lungsim Kha damask
Weight gain leh bodybuilding te adingin protein tam leh hunman in na neka hunman mahin nakimawl leh kumkhat khitciang hongnikhan ding hi. Na muscles tena etkawm in nangleh nang nacidamna namit tawh mu nahih man in tua in innkuan sungbuai na leh lungkhamna [depression] tuamtuam te khah [relief] ahih man in Pasian thu nanangaihsut ciang inzong thaksuak deuh in nangaih sunthei zawding hi.  Na pumpi limlangh [mirror] pan na etciang nalungsim ngaihsutna 25% lawpna leh lungkiat theih na hongpia hi. Tua hi a, limlangh na etsim in napumpi namuh na in hong lungkia sakthei a zong hongtha lawpsak hi.

Pumpi leh Kha kizop zia
Pumpi cidam na in ngaihsutna man [accurate perception] hongpia a, tua in na ngaihsutna[thought] leh na thuakna[feeling] kizompah lian ding hi. Nang leh nang hoih nakisak kei leh nangaih sutna tezong negative tamzaw dinga, na pumpi cidam in namel zong cidam mel leh namai taai [smiling] mel dinga tua in thutam pi sai hi.
Apostle Paul in, “Khasiangtho tenna na pumpi uh” ci Corinthian tekiangah thu nahilh hi. Pasian in ihpumpi ihkep dinga hongpiak hi zong kici thei hi. Apumpi itlo in tuasang zu leh gamtat hoihlo te thupi asa zawmi khatin apumpi itlo cihna hi a, zongsawt kimang lotakpi hi. Laisiangtho sungah, Lungsim, Kha leh Pumpi kizopzia genzawh loh in tam hi. Ihlungsim ikepzawh lohciangin ih kha nuntakna susia thei zel a, tuamah bangin lungsim kemcing’ zote’ adingin khalam ah picin na tunpi zel hi. Kha tha ihat nadingin pumpi cidam photkul a, pumpi damlo in Pasian thuzong kingaih sunzo lo hi. Tua ahih man in Pumpi leh Kha kizop zia pen ei muhpak nasangin thuk zaw leh zai zaw bilbel hi. Pasian zat mi, John Wesley in pumpi siangtho na leh Pasian thu akizomden hi naci hi. Tua siangtho nuntakna lotawh kua mahin Pasian min thang sakzo ngei lo hi.



Gym kimawlna pan taksa hamphatna
Harvard Medical professor, Jake Miller in taksa exercise bawlna in adiak in cardiovascular nakimawl leh natna damtheilo [chronic diseases] damtuam sak hi ci hi. Tua ban ah anlim nezo, athaute adingbangin athaute kaang [burn]sak ahihman in tua athau[ fat] te satak [muscles] in piangsak hi. Agawngte sangin satak [muscles] ngahbaih zaw hi. Ih Khuak [heart] leh sihui [blood vessel] te kizopna cell khat leh khat kikal system ah oxygen puak kawikawi ahihman in lungtang ading leh pumpi avek adingin akigen thei lo damna pia gige hi. Ih theih ding athupi mahmah khat a, sikgik [weight bar] nadop simin nakhuak [brain] in sihui te tungtawnin kizopna [contact] ahihman in na khuak leh sihui te kizopna hoihsak mahmah hi. Na ci warmup nabawl khit na muscle te hong sanpian ciangin nasihui [thagui] te nasepna hangin na cell te kikaang [stretch] a tuain na pumpi adingin lungsim vaakna hongpia hi. Na guh adingin bone tissues akici te bodybuilding nahih kawmin kisiasak [dismantle] a tuaciang hongna mahmah ding hi. Ahizong in good news khat om a tua akisia bone tissue lui [old] te athak [new] bone tissue in laihding a tua hangin calcium tampi nanek dingkisam a tuabang hileh guhthak [new bone] aneina himawk hi. Na hormones [guhtui leh nuleh pa’ hihna tui] te siklom nadopna in nakpitak sukha a, epinephrine leh norepinephrine om a tuate in nangaih sutna GTN hehna, lungkham na, dahna leh lunggim natuamtuam tena lungtang kisat [heart rate] tawh kizom sak hi. Cihnop na ah napum pi member khempeuh kizopna hoihsak zawa lawpna ding kisam, alawpzo lo mun aomleh zong stimulate/lawpsak tuam hi. Hih exercise bawlna hangin natna hoihlo kilawh [immune] theihna system zong resistant hoihsak tuammahmah hi ci hi.

Keiphat tuampihna te
Thumasa aa kagen mahbangin gawnlua in kaguhbek phial mah in ka omzawh kum 4/5 ciangin Gym ah kimawl kakipan hi. Amasa kha 9 sungbang haksa mahmah in van [equipment] tezong hoihlo, vuikhu lakkhawng ahihman in ahithei bangin kum 2 tua kumpi te a, Ensein Yangon ah akimawl khitteh Loikaw ah nasep hoihzaw khat ngah kahih man intua pan in gym club ah kaki mawl tongekngek hi. 2008-2011, Boston kasang kahmasiah nisim hunman in kaki mawlna hangin kaci nosuak, an kamlim, kathadim leh kamel nangawn hongkhangno suah mawk hi. Trainer hoih khat in honghilh ahihman in kum 2 ciang Kayah Day ni competition dingin hongzawn a, ahizongin kei thu-um mi Christian sia khat kahihteh kilawm kei ci inkanial hi. Kisialh nopna hilo zaw in agawng mahmah adamlo denkhat tuaciang katun theihna pen amasa in Pasian hi a anihna ah gym ahi hi. Ih pumpi Pasian in ihkep dinga hongpiak ahihman in zatsiam ding leh adamna ding eimah in hanciam akul ahihlam katel semsem hi. Gym kimawl pen namniam te concept[muhna ah] leitung vailua cih hi a, keimahmah zong pawlkhat in hong criticize uh hi. American sang mun nih ah kakah nate ka etciang Gym kimawlna in pumpi damask a tua in khalam ah hongpan pih mahmah ahihna hongtheisak ahihmanin kalungdam hi.

Tu inzong advanced laisim kawm course 3 la leh tai [miles] 200 gamlatna ah commute in sangka kahhang gym ah kalkhat sung nai 3 peuhmah hun kazanga tua in mawtaw hawlciang hongnosuak [fresh] sak mahmah hi. Hun omlo cih hilo in deihna [passion] ihneih dingbek thupi hi.

Thukhupna
Asim mimal tungah kalungdam a, keibangin pumpi zawngkhal ngeina hih a nalung akiat leh lungkia lo in kum 1 sung nasin inla tuaciangin napum pi na enin, khantohna na muding hi. 


Laigelh Siapa kiang ah “Pumpi Cidamna ding” article/thuluui ingetna tawh kizui in hong gelhsak ahi hi. Lungdam mahmah hang. Amah pen Pumpi Cidamna ding akimawl den khat hi.

from:   jeffrey Pau Do Lian
to:        Cinpu Zomi <cinpuzomi@gmail.com>
date:    Fri, Oct 28, 2016 at 3:03 PM
subject:            Article Healthy Body, Healthy Mind
mailed-by:       gmail.com

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Pumpi cidam na in Lungsim cidamsak (Healthy Body and Healthy Mind). Agelh - Pau Do Lian Description: Rating: 5 Reviewed By: Cinpu Zomi
Scroll to Top