728x90 AdSpace

Hot
Menu
Zon-ol na Donate

Latest News

Sumlepai sangin Pilna thupi zaw hi. Agelh - Khoi Lam Thang (August 4, 2007)

Sumlepai sangin Pilna thupi zaw hi
Agelh - Khoi Lam Thang (August 4, 2007)


Mihing nuntak manphatsakzia (life value system) in i hanciamna, i thungaihsutna khempeuh hong uk ahi hi. I nuntakna ah bang thupi i sa hiam? A taktak in hauhna le pilna i cihte amah le amah in thupha hipah lo a, zatsiam leng thupha, zatsiam kei leng hamsiatna ahi hi. A nei a zang mite zatzia tungtawn in thupi thei a, zong thupil thei hi.

Hi thei hi leh hauh le pil thuah leeng uthuai pen sa ing. Khat zaw sangsang tel ding hi leh, Sumlepai/ huahna sangin Pilna telhuai zaw hi. Hau a hai sangin, zawng a pil uthuai zaw cih nopna ahi hi. Leitung nuntakna pen aituam nopsak nading lel leh khangkhat bek ading hilo a, midangte' le khangsawnte' ading ahi hi. Pilna masak in hauhna in a nung zuih ding leitung khuahun paizia in hong tawng hi.

Sumlepai
Sumlepai pen Hauhna cih kammal tawh a kibangin kouh ni. Lawh olzaw ahih manin Hauhna ci zaw ni. 2005 kum Human Development Indicator lam muhna ah Kawlgam pen leitung ah a 131 na ahi hi. A zawng mahmah Kawlgam ah a zawng pen Zomi namte ihi hi. Ei gen hauhna pen midangte hauhna tawh kibang khollo ding hi. “Leiah ka hih thiilthial hang …” cih la khawng tawh tungnun a sawm mahmah minam hihang. Neihsa behlap nang zong ahi lo, gilpi puah nang liuleu tawh hauhna zontheih zonmawh in i zong a, Kawlgam vaigam mun citeng i tuan hi. Zomite sumzonna tangthu sungah paltan hun, kumpi nasep hun, tembaw zuih (oabFmom;) hun, suangbawl hun, suangkhuk tawh hun cih bangin in kikhel toto a, tulaitak gamdang pai hun ahi hi. Tuma kum 10 pawl zg;uefY? rkdif;&SL; hun lai in “Hau nuam kisa siphot zawzen” cih paunak pianlawh liang hi. Nuntakna pen sumlepai bek tawh i tawikhai ciang thumanna kiam a, nuntakna ciip thei nawnlo hi.


Pilna
“No … te bel pil thei mahmah uh cin, na ciim ding uh kisam lai Nanguh … tebel, pilsei mamah uh tin, na tiim ung in sam lai” cih thu thuk khat ka za ngei hi. Hih thu siksan in Pilna namnih in khen ni. Khat pen Ciimpilna i ci ding a, adang khat pen Sinpilna i ci ding hi. Ciimpilna i cih ciangin pianpih pilna hi a, pulapate nuntakna ah kimu thei hi. Pi masa Pu masate in sang a kah loh uh hangin hih ciimpilna tawh u sung nau sung, khua le tui sung, gampi ki-ukna ciangah na thupi mahmah ngei uh hi. Thu ciin hat uh a, nung le ma na khual uh hi. Hih ciimpilna zong hauhna sangin thupi masa zaw hi.

Sinpilna icih pen a huampi in a kisin ahi hi. Sang ah tan lang pan i pat tan 10, buaih, leh a ban kizomzom Ph D dongah a kisin ahi hi. Sang pilsinna banah, pilsin theihna tampi om lai a, mihingte in sih masiah a kisinsin thei ahi hi. Sinna pan a khong dong siam cih bang om thei lo a, a siam zaw deuhte in a siam loh lam kithei semsem hi.

Sente'n “Tien Way Yu Tien” cih thugil khat nei a, Van mong gal khat ah van mah om lai hi cih khiatna nei hi. A cihnopna taktak in: Siam cih gal khat ah siamna om lai a, thei cih ban ah theihna om lai hi acihna ahi hi. Greek mipilte in, “Ka muh ka theihkhiat te bel a taktak in mi masate liangko tunga tuang hilel ing ee” ci uh hi. Mipil masate' muhsa tungah a thuapthuap in sin thuahthuahna in leitung a picingsak toto ahi hi.

I thulu Zomi (Tedim mite) dinmun tawh bulh dih ni:
(1)  Khamtung gam pen a huampi in kenlak ngallak hi a, khawhsa kikhamlohna gam ahi hi. I leitang pan hauhna pianglo ahih manin i lungtang ah hauhna i tuh a minamdangte khantohna phak dongin i delh hi. Tuma kum 30 ciangciang Zomite in nuntak haksatna siksan in pilna i hanciam hi. Pilna a thupisak Zomite ihi hi. Tua pilna in hong tawisang a, vaang i nei hi. Makai muanhuai tampi piang hi.
(2)  Tuma kum 30 le tu kikal sung Pilna sangin huahna nung i delh hi. Hauhna zondan pen a khangkhang a kikhom ding tualsung nasep, tangpi tawh mapan theih nasep tawm mahmah hi. Sumbawl sumzuak nasepna (arSmifckd) tawh hauhna tam pen hi. Gamgi kantan sim a vankham puakna tawh hauhna nam ahi hi. Lamban hauhna, tuitakhang bang hi. Kisiatna, manthanna, lampialna piang hi. A sem a zong pa in banglokhat tuak le bangkua namkhau kitat hi.
(3)  Zomite in pilna i sin ciangin tulehei tawi lo a, niliap sunga nuntak theih nading ngimna bulpi ahi hi. Nasep ngah na ding, kahsum san na ding ahi hi. Pilna pen i nuntakpih, i siam bangbang i zat khiat theih nasep tawh kizom leh hoih pen hi.
(4)  Ahi zongin, Pilna i cih ankuang ding bek hi lo a, leitung puah nading zun nading ahi hi. Khanghamsa sangkah khat peuh om leh “Teek nung vuai nung a, bang hun ciang neman nawn ding” kici thei hi. A taktak in pilsinna pen sihdong kizom suak hen la, mimasate in a muhkhiat uh thute khang thakte a dingin hong nusiat leh, tuate dapphah in pilna a kisuangtoto ding ahi hi. Computer i bawl theih loh hangin a kibawlsa i zat theih mah bangin, a omsa computer pilna tungah a thak khat i muhkhiat theih dongin pilna kisam hi.
(5)  Zomi khangthak a tamzawte in pilna zangkhai ngaihsut kha hi hang. Kumpi ngeina kician lo sungah guk theih le gu, lei theih le lei in lampi manlo tawh pilna i zon khangkhat pai khinta hi. Khangkhat i ihmut manin i lawmte khang sawm sim in i delh kul ding hi. Paunak 11: 29 A innkuan sung a ukkhial mite hawmsuak ding a, a haite pen mipilte' sila suak tawntung ding hi.

Tua hi a, Sang a kisin pilna tuamtuam a kipan a pua lam pan a kisin thei pilnate thupisak ding hun hi ta hi. Sum nung bek a delh minamte hihna pan, pilna a lunggulh masa minamte ihih ding hun ta hi.

Gamdang pai a, hauhna behlapte in sumlepai tawh lungkim zo nawnlo uh hi. Amau bangkua pilna kipattah ding thupisak semsem uh a, minamte pilna ah kikhaisan theih na dingin hong vei thei mahmah uh hi. Hih thu in hauhna sangin Pilna a thupizawkna teci ahi hi.

(6)  Sinpilna pen khang lamh thupha hi a, phak dongin delh ding ahi hi. Khangthakte a dingin hauhna le Pilna hih thunih teel dingin a om leh pilna lampi tawt masak hamtang ding ahi hi. Zomi mipil mihau i neihte hauhna kitawphah tawm pha mahmah a, zawng taleh pilna mah a ci tentante in khangkhom ding thupha le tangko ding mualsuang nei uh hi. Sum leitawi a pilna sinte in lohlah ngeilo hi. Innlam lo in tate sangkahsak in pilna a guan pa a teek ciangin a tate in inn khat ciat lam uh a, tate pilna pantah lo in inn a lam pa, a tate a liat ciangin a pa' lamsa inn zuak in leiba lohna in nei uh hi. armifi,f&ifaoG; embdao;avmh thu lungngaih huai hi.

Paunak 22:4 “Kiniamkhiata Topa zahtakna thaman in hauhna, minthanna le khansauna ahi hi” Paunak 4:7 Pilna na ngahna ding a thupi masa pen hi a, na neih khempeuh na beilawh zongin na zon' ding ahi hi.

Sumlepai sangin Pilna thupi zaw hi.

****************************************************************************

Laigelh siapa in Zomi eLibrary/Laibusaal ading in Phalna ahong piak ahi hi.


Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

1 comments:

  1. Hih a tunga, article ka simin, ka lung hong taisak a, ka zingthawh hong nuamsak mahmah hi. Hi hi. Zomi ten Pilna leh Hauhna ih kisap tuaktuak lak ah, Pilna mah zon masak (masak bel ) ding thu laigil ka za a, pilna zonna dingin sumleitawi a laten lohlah ngeilo a cihpen 100 ah 100 ka pom hi.

    ReplyDelete

Item Reviewed: Sumlepai sangin Pilna thupi zaw hi. Agelh - Khoi Lam Thang (August 4, 2007) Description: Rating: 5 Reviewed By: Cinpu Zomi
Scroll to Top