728x90 AdSpace

Hot
Menu
Zon-ol na Donate

Latest News

Zomi Guitar Siam minthang masa pen Pu Pum Za Dal Taangthu tomno.

Zomi Guitar Siam minthang masa pen Pu Pum Za Dal Taangthu tomno.


Min : Pum Za Dal

Suahni : Aug. 4/1950

Nu leh Pa min : Pa Go Cin leh Nu Vial Ngaih Cing

Beh : Ngaihte

Pute beh : Thawmte

Khualui : Tonzang


Laitan : Tan 10 (High School)

Pianpih sanggam U le nau :
1. Nu Niang Go Cing (Hongnusia khin)
2. Nu Don Khaw Ciin (hong nusia khin)
3. Pa Pum Za Dal
4. Nu Go Lam Ciin (Ygn. Yankin)
5. Nu Niang Khan Suan (hong nusia khin)
6. Nu Vung Zam Mang (hong nusia khin)
7. Tg. Pum Khan Mung (neutung asi)
8. Nu Dai Khan Niang (Japan ah om)
9. Lia Dim Ngaih Lian (hong nusia'khin)
10. Lia En Lian Cing (hong nusia khin)
11. Lia Ciin Lam Man (hong nusia khin)

Zi le ta neih na :
1981 kum in U Aung Min leh Nu Sian Za Cing’te tanu Sianu Nian Zam Cing tawh kiteng in ta pasal 7 leh ta numei 2 nei hi. Atate in :
1. Tg. Cin Zam Lian Mung ( hong nusia khin)
2. Lia Cing Khawl Dim
3. Lia Cing Lian Lun
4. Pa Aung Tung Mang
5. Tg. Dal Sian Suang
6. Tg. Kham Cin Mang
7. Tg. Zam Sian Kip
8. Tg. Thang Mun Lian
9. Tg. Mung Kiim Khai

Suahna Khua :
Khualai Veng, Tonzang 
Chin State Zogam

Khan khiatna leh Teenna Khua :
Pinlong No. 12, Ward 3
Bogyoke road, Kalaymyo (Kawlpi)

Biakna pawlpi : Roman Catholic Mission


Ukna ;
·         Guitar tum leh
·         Mang lasak.

A guitar siate :
1.    Sia Thawng Gin ( St. Marry School aa Father’pa anhuanpa)
2.    Sia Peter ( Sia Sein Thwe’ tapa),
3.    Sia En Lam Cin

Nasepna leh mapanna’te :
·         Tonzang Lawm Kipawlna - President (Kalaymyo)
·         Ngaihte beh Kipawlna - President
·         Kalay Catholic St. Mathew khawk - President

A lungulhna :
·         Cidam ngiat ding,
·         Pasian thupha tangko thei den ding,
·         Innkuan sung makaih zo den ding.

Lai Siangtho bulphuh :
Paunak 3 : 5 - 6
·         Na lungsim khempeuh tawh { Topa } muang in la, nang' theihna suang kei in.
·         Na hihna khempeuhah amah phawk in. Tua hi leh lampi man amah in hong lak ding hi.

A kammal bulphuh :
·         No men is prefect.
·         Time and tide waits for no man.

Zomi namte minam vai ah amuhna leh adeihsakna :
Zomi te’n na sang ngim lualo ding, Ei dinmun leh ipilna, isiamna, ikivakna’te tawh akituak in na isep ding.

Zomite laphuahna ah adeihsakna :
Gam leh Minam Itna a-om den ding la hi ding.

Zomite La lam ah amuhna :
A la-aw tek tawh kizui in hoih kim sa hi.

Zomite Music lam ah amuhna leh adeihsakna :
·         Zomite Leitungbup level kiban ta hi. Zen Lian leh Etuang bang.
·         Music Band kician ineih zawhna ding.

Zomi Music siam tampite lak pan siam asak diak mi3 :
1.    Deihpih (Zogam leh Kawlpi ciang ah Guitarist.)
2.    Thangpi (KB.)
3.    Cinpi (Lazy Club, Kawlgam level ah.)

Zomi lasiam tampite lak pan Siam asak diak mi3 :
1.    VCMang
2.    Sangpi
3.    Mr. Muan (Hau Muan Thang, Numei aw tawh lasak siam pen.)

Zomi pil tungtuang madawk tampi’te lak pan etteh taak asak diak mi 3:
1.    Hong nukhia khinsa Dr. Zam Khen Thang, zuihding in akibawl ngeina စည္းကမ္း anei phadiak khat hi.
2.    Dr. Pau Khan En, Pasian thu leh leitung thu picing hi
3.    Dr. Go Za Kham, Thukhual in apawl lutang sepna khempeuh ah kip in ta’ngcing hi.

Gamdang azin nasa gamte :
1.    India
2.    China

Mundang gamdang apai nopna deuh gam 3te :
1.    USA,
2.    Germany,
3.    France

Leitung ah lasak siam asak tampite lakpan mi3 :
1.    Elvis Presley
2.    Cliff Richard
3.    Connie Francis

Zomite sungpan laphuak siam asak tampite lakpan mi3 :
1.    Lengtong Pauno
2.    Thawn Kham
3.    Kam Khen

Zomi kimawl nalam ah siam asak tampite lak pan mi3 :
1.    Tg. Suan Lam Mang (football)
2.    Phamsa Langh Khat Thang (football)
3.    Ka sia pipa U Lam Cin (Batminton)

Mang lasak (English songs) na uk sese-na ahang nong gen thei diam?
Ka neulaai in ka u numei’te geel Mandalay R.C. sang ah kah in Sangkhak sung hongciah uh ciang Mangla (English songs) vive hongs a den uh hi. Tua ute lasak kazak ciang zaknop sa mahmah in a-uk pah lian hi ing.

Mang lasak nasiam nading in nakisinna leh Music tum nakipay dan tawm nong gen thei lai diam leh?
Genthei ee… Ka sang kahlaai 1959-62 sung akipan Radio English  Request Programme nitaak sim in ngai den in tuapan asa toto thei pah hi ing.
Music tawh kisai bang bel, Guitar tum cil aa kipan katan 7 kum bang pen Radio ngai in Mangla’te tei, a aw zong sin in ngahpah, a guitar chord zong, lasak kawm in zong tumthei pah ing. Ka sia Lam Cin bang tawh kaki muhkhak ciang zan khuacak in guitar tumkhawm zo ung.

Tua leh Music band na nei ngei uh hia leh?
1972 kum in U Cin Sian Thang Library Fund zonna ding show bawl dingin hong kicial ciang Sia Ngul Khan Pau tawh Makai in “The Torrent” Band na ci ung. Kawl pawi peuh ah hong kicial ciang in amau theih ding in “ေတး သ ႏၲာ” Band na kici ung. Tua hun in Lead Guitar kei, Bass – Khan Pau, Rhythm – Suan Khan Hau, Drum – Cin Za Sing leh Vocal Suan Khup (ခ်င္း ေမာင္ ေမာင္) ko teng hi ung.

Show bangzah kiim bang bawl in, koi mun, koi khua teng ah kua teng tawh vazai thei kawikawi nai vua leh?
·         1966 – 1974 ciang bang Kawlpi khua sung Pawi tuamtuam ah hong kisam zeel in, Tahan veng bang ah cileeng Mopawi khempeuh phial ah hongs am uh hi. Mangla khuah (English hot songs) vive mah kava sa ziahziah hi.
·         1993 kum in Kei tawh, Lengtong Go Hau, Thangpi (KB.), Khaipi (Vocal, Rhythm / Tun USA ah), Phamsa Thang Lian Piang @ Heavy Piang -ZRO (Bass) leh Vocal Mungtawng (Tun USA), Am Pau, Ngaihno, Senboih leh a U Kim’te tawh Kachin (Behte) gam  Phaakant Khua ah show bawl in nuam sa mahmah ung. Ken zong ak show bawl khempeuh lak ah nop kasak pen hi. Mipi in lah thangah, ko lah thangah mahmah cih dan hi.
·         1995 kum Imphal/Bombay, India ah ni 4 sung show bawl ngei ung.



kizop nading :
Cell Phone : 09400525422
Pa Pum Za Dal
No.12, Pinlong ward (3)
Bogyoke road, Kalaymyo

***************************************

 Zomi eLibrary/ Laibusaal in Mi masa'te pahtawina in kong gelh uh ahi hi. Hih tawh kisai Pu Pum Za Dal kiang ah hong dotsak Ciimnuai Siapi nu tung ah zong lungdamna lian mahmah hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Zomi Guitar Siam minthang masa pen Pu Pum Za Dal Taangthu tomno. Description: Rating: 5 Reviewed By: Cinpu Zomi
Scroll to Top