728x90 AdSpace

Hot
Menu
Zon-ol na Donate

Latest News

2017 Vision bangcineih ding. Agelh ~ jeffrey Pau Do Lian

2017 Vision bangcineih ding
Agelh ~ jeffrey Pau Do Lian


Thumasa
Gamkhat, minamkhat, Institution khat, leh organization khat in ihdin ciang vision kinei ciat hi. Gentehna in Kawlgam Football Federation te vision ahihleh, “Kawlgam kimawlna in Leitungbup zeelding”cih ahi hi.

Anuai a kikup dingte ahihleh adawldawl in gentehna, Mimal, Innkuan, Pawlpi, Organization, leh minamkhat a ihdin ciang Vision ihcih banghi a, tua Vision ihngahzawh nadinga akisam, Goal [kung/sawmnamun], Objective [tupna/ngiimna], leh Mission [nasep] te bang kilam dang hiam? Cih ih en nuam hi. VisionMissionGoal, leh Objective te kitelkhial [confuse] nuam mahmah hi.

Vision
Vision lo-in organization hitaleh, Pawlpi hitaleh, innkuan mimal hitaleh khantoh nading omlo hi. Vision, ei Zokam in ngimna, tupna, cihbangin aletzong om a, ataktak in Vision cihpen mailam saupi [long-term] ading mitkha [imagination] a,muh kholhna ahi hi. Mangkang mipilpawl khatin, ‘Think Big’- [Lianpitak ngaihsun] ‘Big Picture’ [Limlianpi] cihbangin vision khiatna gen uhhi.


Vision statement leh Mission statement zong kitheikhial zelzel hi. Vision ihcih pen mimal nuntaksung, Innkuan ading khangkhat/nih sung aiding ngaihsutkholhna leh Pawlpi bangahi leh, tuapawlpi a-omlai teng or leitung a-omlai teng hihpawlpi in bangna teng sepsawm hiam cih ahihi. Kammal dangtawh gen nicileng Vision cihnopnapen nang koi a pai nuam? [where you want to go?] a hihi. Tua ihpai nopna [direction] or natunnop na [destination] bangtawh tungzoding, napai nadingin bangzatsawm nahiam? Tua vision, ‘Think Big’-or ‘Big Picture’ na ngah zawh nadingin na vanzat te pen Objective [ngiimna] kici a, tuate ngentel [detail] takin sepkhiat kul hi. Tua objective [ngiimna] natun simin tua objective te goal [kung] atung na hi hi.

Objectives
Kawlgam bup kimawl[games &sports] te vision in, “Kawlgam kimawlna in Leitung bupzeel zoding” cih hi a, tua level atungzawh nailoh hangin atungzawh nadinguh’ village, township, state, leh national level ah [gentehna] tukpeng kimawlna a dawldawl in tournament kineisak hi. National level panin Asia leh Leitungbup [world cup] dongah zeelzo ding cih vision nei uh hi.

Pawlpi bang ahihleh Leitungbup ah gupkhiatna thugenzawh nading, ‘vision’ bang hileh tua leitungbup ihzelh zawhna ding in pawlpi member khempeuh in abul akipan atuamtuam sepkul pah hi. Gentehna in Sani sim antan thungetna leh outreach paina, homecell innkim ah neihna cihbang in lawptakin zatthoh pahkisam hi. Khatha ah picinzawh nadingin Bible Studies, Crusade, Camp, Home visit, Music, Khangno te leh Praise & Worship department atuamtuam in mapan tekkul hi. Hih department tuamtuam a ihsepna tepen vision hilo a, vision itun nading a ihsep nate ahihi.

Tua hi-a, objective tepen detailed takin gentehna, kum nga sung biakinn ding building hoih leizo ding, kumkhat sungin music van akim aneizo ding cihbangin timeframe leh detailed takin geelkul a, hih ahunciangtan sunga ihngahzawh te pen vision hilo in, vision ihtun zawhnang ihzat [instrument] te ahihi. Department tuamtuam tekpan ih ngiimna ciat ihtun ciang pawlpi ii vision, gentehna, ‘Leitungbup ah gupna thugending’ cih nasep damdam in kipan zo ding hi.

Gentehna khat tawh kikupna ihkhawlbawl ding hi. Bawhlung [soccer] tawh genteh ni. English Premier League ah team 20 kimawl a, a team 20 un akhatna ngah dingpen a VISION uh ahi hi. Akhatna pen team 1 bekin ngah thei ding ahihman in akimawl [match] simin goal akhupding uh leh tua match [kimawl]na khempeuh azawh dinguh objective ahi hi. Trophy ngahding vision ahih mahbangin training tuamtuam, kimawlsiam tuamtuam, equipment [vanzat] hoih nono tawh kum 1 sung hoihtakin kimawlzo in hun manman in a planning bangun azawh uhleh atawpna ah trophy ngah ding uh hi. Training, cidamna, vanzat, annek leh adang discipline tuamtuam te objective ahihman in tuabang in asepkhiatzawh uh leh a vision uh ngah ding cih na hi.

Kum 2017 sung mimal, innkuan, kipawlna te ah vision kician aneizo dingin Topa honggual zawhpih tahen!

Deihsakna tawh
Pau Do Lian 
Study Ph.D. Intercultural Studies.

Source :
rom:jeffrey Pau Do Lian lianjeff@gmail.com [zominam]zominam@yahoogroups.com
reply-to:zominam@yahoogroups.com
to:"zominam@yahoogroups.com" <zominam@yahoogroups.com>,
"ZomiDaily.com" <zomidaily@gmail.com>
date:Wed, Dec 28, 2016 at 4:37 PM
subject:[ ZOMI NAM ] Vision [ alunglut tebek]


Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: 2017 Vision bangcineih ding. Agelh ~ jeffrey Pau Do Lian Description: Rating: 5 Reviewed By: Cinpu Zomi
Scroll to Top