728x90 AdSpace

Hot
Menu
Zon-ol na Donate

Latest News

Baal leh Cidamna.

Baal leh Cidamna.


            Baal pen tha namkim  a ki hel cidam nading in a manpha mahmah meh nam khat ahi hi. Ih duh daandaan sa,ngasa, kaikuang cihte tawh ahi zong, mehteh tuamtuam tawh ahi zong, amah kia bek ahi phial zong ki tuak mahmah in zong lim mahmah hi.

         Baal sungah Vitamin A, Vitamin B, Vitamin C, Vitamin E, Viber dat cihte baan ah Potassium, Magnesium, Calcium, Copper, Protein(Sadat) cih datte zong ki hel lai ahih manin Baal namkhat bek ih nek nangawn ciang tha namkim hong piangsak thei meh na hi mawk hi.

            Aalu sangin bal sungah viber dat a zahthum in tam zaw ci hi. Tua ahih man in baal pen tamnek luatloh hangin gil hong vah baihsak hi. Viber dat tam mahmah napi pumpi hong thausak thei  Calorie tawm ahih manin a gawng nuam ten zong hunman in nekhuai hi.

          Baal pen adang mehte tawh a kibat loh alamdang deuhna in Baal huan in a sat mahmah hangin a sungaa kihel Vitamin E kiam tuanlo in tampi tak om lai veve hi.

Baalin hong piaktheih cidam nading hamphatnate

Mittha hatsak hi. Mit natna tuamtuam damsak hi. Mittang’anelna ahoih bek dingin kem thei hi. Mittang kiim aa vunte zong cidam sak thei lai hi.

- Pumpi sungah Oxygen kicin loh hangin asia cell pawlkhat mun ah zong cell thak a pian theih nading in huh hi.

- Muk damlohna,muk puakkham in ki tapna pan damsak thei hi.

- Guh leh taang cidamin athahat nading huh thei hi.

- Sisan sungaa a khumdat omzah pongman sak hi.

- Gawl bawkna, Thyroid hormone manloh natna te damsak thei hi.

- Pumpi thaguite cidam sak hi.

- Lungzing, lungap, luaksuaknate damsak thei hi.

- Vun damlohna tuamtuamte damsak hi.

- Sampulhna pan dal thei bekthamlo in sam cidam sakin vom sak hi.

- Chorestrol phazah zong pongman in kem thei ahih manin thauluatna pan hong dal hi.

- Pumpi ci leh sa zong cidam sak in a khangding bangin khangsak hi.

- Sikhang kiamsak thei hi.

- Taneih theih nadingin zong huh hi.

- Ha leh hanii zong cidam sak hi.

- Tuap cidam sak hi.

- Pumpi lungsim gimluatna pan tawldam sak tuam hi.

- Pumpi gihna kiam sak thei in hong gawngtuam sak hi.

Khuazakna hoihsak hi.

Liamma te dambaih sak hi.

- Gilpi thahat sak hi.

- Pumpi asung tawnglam cidamna ding ahuh mah bangin pumpi vun zong ngeksak in hong moisuah sak hi.

- Sungpai theih tawntungna pan damsak hi.

- Pumpi natna dalzawhna hatsak hi.



Ki Dop Ding
            Baal pen cidam nading in hoihtah ci-in a ki samzah saang tamnek luat ding zong hi sam lo hi. A hoih bek nek theih ding ki sam hi.

            Baal sungah Oxalates a kici dat namkhat in pumpi ading guu piangsak thei hi. Tua ahih manin Baal pen met khit phet huan pah nek pah ding hilo in zankhat tui sungah diah phot ding kisam hi.

            Tua ban ah, tua Oxalates a kici dat in Gout natna ahi guh leh taang natna leh kal ah suang thamna pian nading thapia thei ahih manin Baal meh pen a so venven in huan photin a min mahmah bek nek huai hi.

            A tungaa Gout natna leh kal natna anei te in baal meh pen ki dekding hoih zaw aa a ki dek zolote in Calcium dat tam a ki hel Keel Nawi, Bawng Nawi cih bang tawh mehkhop ding ki sam hi.

Deihsakna tawh,
Taksin thu

Ref :
Promise Pauk ,
Nutritional Value of Taro Root and Taro Stem,
Taro’Health.

Zomi eLibrary / Laibusaal in hanciam in akigelh ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Baal leh Cidamna. Description: Rating: 5 Reviewed By: Cinpu Zomi
Scroll to Top