728x90 AdSpace

Hot
Menu
Zon-ol na Donate

Latest News

KA KHAWKHAI MAI TANG EE: Agelh - Khoi Lam Thang

ka Khawkhai mai tang ee:
Agelh - Khoi Lam Thang


Ka khaw khai mai tang ee gualsa no bang ka khaw khai mai tang ee.
Ka gial mang lo lai ee gualsa no bang, ka khaw khai mai tang ee.

Kammal khiatna
Ka khaw khai mai tang ee: Zo pau in Khaw cih ciangin Khe cihna ahi hi. Ka khe khai ing cihna ahi hi.

Gualsa no bang: Khisa no a ci zong om hi. A taktak in Gualsa a cihna hi ci-in khanghamte in ciamteh uh hi. Gualsa cih ciangin lakam hia, sagual cihna hi-in, a khiatna taktak ngalno cihna ahi hi.

Ka gial mang lo lai ee:          Ngalno suaktungte a dung zui in gial uh hi. A upat deuh deuh ciangin a gial uh mang semsem a, a tualtei ciangin mangsiang hi. Gial mang nai lo ngal note a neu mahmah laite ahi hi.

La khiatna bulpi
Gamlak ah ngalte a honhon-in kikhawl diamdiam uh hi. Ngal hon a tamte 100 kimkim pha thei hi. Ngal pite a suah ciangin vok mah bang uh a, 6 pan 12 ciang bang pha thei hamtang hi. Ngal hon lakah ngal pi 3 le 4 om hen la a no suah kituak leh ngal no hon 30 bang 40 bang pha thei hi. Tam uh ahih manin a tatna uh kithei baih mahmah hi. Lo khawng na ne kha leh hun tom no khat sungin lo ciing khat ne mang zo uh hi. Hih ngal honte in gal le lauhuai ahi sabengte ahi zong, sahang le humpi ahi zong tuak kha thei uh hi. Tua ahih manin ngal honte a cing dingin ngal khaat-te in a kimkot, a vei le tak ah panla in gamta uh hi. Ngal khaatte in ngal hon kalsuan zia ding makaih uh hi. Lauhuaina gal a om leh galphawnna aw gingsak uh hi. Tua bang ciangin ngal honte in thakhat thu-in a bil uh tungsak uh hi. Ngalkhaatte’ aw a ngai lo cih bang om lo uh hi. Ngai loin a tuampek aom leh sihna le siatna in a dawn tuah hipah lian hi. Ngalkhaatte in galphawnna aw a zak phetun a mailam khe khat khai lian uh hi. A tai ding lianin a mansa in om uh hi. A tai uh ciangin a kibangin tai uh hi. Suk le suk khawm, to le to khawm, diamdiam liailiai a cih ciangin galsia le lauhuai, liamna le sihna panin suakta uh hi. Hih ganhingte tatzia a tel mahmah khangluite in mihingte’ tatzia dingin kilawm sa lua uh ahih manin “KA KHAW KHAI MAI TANG EE” cih la phuakin, a sa, a lam uh ahi hi.

Pu le pate in hih la phuakin, lam la in na zang uh a, nipi hunpi ciang, vaipi a hawm ciang, zinpi a dawn ciang le zin mang a muak ciang sa thei uh hi.  2014 Union Day le Zo minam-ni hong tung ding hi ta. KHAW KHAI la le lam sin hun lam hun hong tungkik ta hi. KA KHAW KHAI MAI TANG EE ci khawm ni. 

(Tua bek hi lo, adang zong om lai)

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: KA KHAWKHAI MAI TANG EE: Agelh - Khoi Lam Thang Description: Rating: 5 Reviewed By: Cinpu Zomi
Scroll to Top