728x90 AdSpace

Hot
Menu
Zon-ol na Donate

Latest News

PANPIH MAW PAMPAIH? Agelh – C.K. Khai

PANPIH MAW PAMPAIH?
Agelh – C.K. Khai


Zusa matna ding in nupate in zusa- ‘thang khat lei-in a inn sung ah zansim in thangsiah uhhi. Zusa khat khasia lua dah lua-in akpi kiang huhna ngen hi. Akpi-in kei tawh kisai kei hong huh thei keng cih san hi. Vokpi kiang pai leuleu a bangcih ding ka hiam? Huhna hong ngen ing a cih leh vokpi-in an na ngawl kulve na vakvak leh si ding cihna hi ei, hong-panpih thei keng  cih san ziau hi. Bawngpi kiang pai a huhna a va nget teh  bawngpi-in kei zong na sem in buai peuhmah ing ham-ham nawn kei o, awi ta bek ing ci-in thu don lo ahihman in zusa thanem mahmah sa in hong ciah hi.


Zan khat, zusa’thang ging in, innteknu in a va et leh zusa hilo in gulgunei khat na awk in a gul in nupinu na tu pah lian hi. Nu pinu dam lo in a tha bei a hihman in a thadimna dingin akgo hi. Phatuam lo a hihman in a lawmpa in a vok sehsat in zuak a,a lawmnu zato lumsak hi. Kamsiatna tawh dam thei lo in hong nusia a,a kivui ni-in sigal khempeuh anvak- na dingin a bawngpi go hi. Tua laitakin zusa lungdam takin an- khing nek ding ngaihsun in ngak hithiat hi.

Tapidaw nuntakna i cihpen cimawh mite, lamet bei mi te taisan a nusiat ding hi lo a, tha kipia a Pasian kammal tawh a kihanthawn ding te i hihi. Sumlehpai neihsa tawh i kipanpih zo kei zong in thungetna tawh i ki panpih thei hi. Tua a hih manin sum hong leitawi te na piak zawh kei leh zong khasia sa in ciah sak ken. Dam lo a zato hong zuan khat hong zekai lua uh teh ci-in mawhsak in hang lualua pah ken.


I The 5: 11 b
“Khat leh khat ki hansuah unla
Khat leh khat kikipsak un”
            Laisiang tho genbangin a kipampaih dingte i hi keia, a kipanpih dingte i hihi.

Panpihna na kisap mah bangin na panpihna a kisam mi om hi.

NANG
HANG IN ;

Maigumte
maitai thei a,
thanemte
tha khauh thei hi.

NANG
HANG IN ;

Guallelte
gualzo thei a,
lunglengte
lung nuam thei hi. 

* Panpihna kisam - Nang
* Na panpih kisam - Mite

***********************************************************************************

Source :

NA KISAP KHAT (Laibu)
Agelh – C.K. Khai
Ahawm khia :  Khan International Intercession Ministry – KIIMinistries

Laigelh C.K. Khai leh ahawmkhia KIIMinistries in Laibusaal / Zomi eLibrary  ading in Phalna ahong piak ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: PANPIH MAW PAMPAIH? Agelh – C.K. Khai Description: Rating: 5 Reviewed By: Cinpu Zomi
Scroll to Top