728x90 AdSpace

Hot
Menu
Zon-ol na Donate

Latest News

Pasal’ Ta Neihtheihna A Nawngkai Sakthei Thutuamtuamte.

Pasal’ Ta Neihtheihna A Nawngkai Sakthei Thutuamtuamte.


            Pasalte pen Numeite tawh kibang lo-in a khan sung tawntung  ta a neihtheih lam uh ih theihsa ahi hi. Ahi zongin pasal cidamlo pawlkhatte in khanggui kizom ta neihtheihloh natna hangin zatui tuamtuam tawh a hih kei leh ki atna nangawn tawh ta neih ding a hanciam hangin a ngah zolo zong om veve hi. Pawlkhatte ahih leh khanggui ki zom taneih theihloh natna nei kei mah tase leh nuntak gamtat daan, nek leh dawn daan siamloh hangin Pa dinmun a ngah zolo zong mi tampi tak om hi. Tua ahih man in a nuai aa thute limtak ciamteh in zat pah ding thupi mahmah hi.

A theihhuai leh ki dophuai thute
1.         Zu tam dawn luatna in nau neih nading nawngkai sak hi.

2.         Coffee tam dawn lua kei in. Ni khat hai thum val dawn ding hoihlo hi.

3.         Zatep kei in.
•           Zatepna in Pasal’ buatui sungaa lungno hoih susia thei hi.
•           Numei’ lungno hoih kiang a tun  zawh nading thahatna kiamsak thei hi.
•           A cidam Pasal’ lungno hoih neihtheih nading a ki sam pipen Vitamin C zong siasak thei hi.


4.         Tuilum sungah sawt ki sil luat zong hoihlo hi. A cidam Pasal lungno hoihte susia  thei hi.

5.         Computer Laptop zat ciang phei tungah koihaa zat hoihlo hi. Tua bangin pheitungah sawt zang semsem le cin phei leh zummawh hong sasak ding aa tua in a cidam lungno hoih susia thei hi.

6.         A ki gaklua sungten teng kei in. Pasal’ciltang in adang ih pumpi sangin khuavot deih zaw hi.

7.         Sawt tutluat zong hoihlo hi. Gtn; sawtpi mawtaw hawlna, tutna ah sawt tutluatna , pumpi tatna tawmna te in zong pasal’lungno hoih a cidam ding zahin cidam sak lo hi. Tua ahih man in pumpi tatkhiatna exercise a hi lam siauhna, singsakol tuanna , na lunglut kimawlna khat ah kihel aa ki mawlna cih bangte kal khat in a tawm pen  li vei bang sep ding ki sam hi.

8.         Lungsim gimluatna hoihlo hi. Lungsim gimluatna hang in pumpi sung pand Cortisone hormone hong pusuak hi. Tua hormone te in Pasal’lungno hoih paikhiatna ding nawngkai sak hi.

9.         A nellua nekna zong lauhuai hi. Vokthau, Bawngthau cih te leh sathau sungah a ki kan behbeh mohte ih nek khit ciang  pumpi sung a tun khit ciangin tua a thau  te pen Gu hong suak aa tua in nau neih theih nading lungno susia hi.

10.       Tha om theih nading nek leh dawn tuamtuam nekna in pumpi cidamna bek hong pia hilo in nauneih theih nading thupi mahmah hi.
-           Iron dat tam a kihel a mel a san satak, buhsih, kai kuang, mehteh mehgah tuamtuam tampi ne in.
-           Folic acid dat  tam a ki hel a eng dup mehteh tampi ne in.
-           Antioxidant a ki hel lothang kang,lothang san , lenggah te zong tampi ne in.
-           Protein dat tam a kihel aktui zong ne in.
-           A ki sap leh Vitamin C,. Vitamin D leh Vitamin E te zong a thei Siavuan te tawh ki kum in ki ne thei hi.

Deihsakna tawh,
Taksinthu

Ref :
Pok Pok,
Healthcare.com.mm

Zomi eLibrary / Laibusaal in hanciam in akigelh ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Pasal’ Ta Neihtheihna A Nawngkai Sakthei Thutuamtuamte. Description: Rating: 5 Reviewed By: Cinpu Zomi
Scroll to Top