728x90 AdSpace

Hot
Menu
Zon-ol na Donate

Latest News

THE CHRISTMAS TRUCE 1914. Agelh - Thang Khan Lian


THE CHRISTMAS TRUCE 1914.
Agelh - Thang Khan Lian
 


The Christmas truce (German: Weihnachtsfrieden; French: Trêve de Noël) kici pen Galpi Khatna (28 July 1914 - 11 November 1918) a nasiat mahmah lai takin kumpi thukimpina o mom lopi-in kikaptuah nawn lohna “official ceasefires” om lo napi-in 1914 in Western Front ah kikapna tawl khat a daihna genna ahi hi. 1914 Christmas ni-in Western Front sunga leidai kitohna/kulh a umcih (trenches) munte ah thau ging dai in, galte khat leh khat kilawm bawl uh uh hi. Galpi Khat kipat a kipanin kha nga sung kidona nasia mahmah a, German ten Belgium panin France va sim uh a, ahih hangin September kha bul in Battle of Marne kici ah British leh France galkapte kipawl in Paris khuapi ah Germante na dal zo uh ahih German galkapte Aisne phaizang ah nung kik in tua munah galphual sat uh hi. Battle of the Aisne kici kidona ah Allied Force (Soviet+Britain+France leh a pawlte) ten Germante panmun nawk zo lo uh ahih manin tua a kipanin a gualzo zaw mel om lo ahih manin trench-te zangin kikaptuahna nasia mahmah hi. German galkapte leilu lamah pangin "Race to the Sea" kici kidona ah Allied galkapte leh German galkap (Central Power/Forces) a panmun uh kilaksak nuam in kikaptuahna nasia mahmah hi. Kha bangzah hiam kidona nasia mahmah a, British galkap ten German galkapte lel zaw pian uh ahih manin Aisne panin kinungkik uh a, Flanders leilu lamah galphual sat uh uh hi. November kha sungin Aisne leilu lamah kidona nasia mahmah a, a gualzo zaw mel om lo uh ahih manin North Sea leh Switzerland gamgi kiim tengah galphual sat tuak uh hi.

Hih bangin kidona a nasiat mahmah lai takin Christmas hong nam ciaiciai ta ahih manin kilemna ding deih pawl tuamtuam ten - 1914 bei dek kuanin 101 British women suffragettes ten public message khat “Open Christmas Letter” kici kilemna ding deihna tawh “"To the Women of Germany and Austria" kici tangkopih in, Dec. 7, 1914 in Pope Benedict XV in zong Kha Siangtho ten Christmas zan ciangin la a sak hun sungun thau ging dai hen ci-in kidona a kihel gam tuamtuamte tungah official truce a om theihna dingin kunh napi a thukimpih gam kuamah om lo hi.

Ahih hangin German galkap ulian Capt. Bruce Bairnsfather in Dec. 24, 1914 in kigal bawl nawn loh photna dinga kithukimna (truce) omsakna ngimna tawh Ypres, Belgium kiim-a trenches khempeuh ah truce a omna ding pulak in tua kiim teng lim takin khuai meivak leh Christmas singkungte tawh German galkap ten zem (decorated) uh a, Christmas carol lasakna nei uh hi. British galkap ten carol la kisak a zak ciangun amau zong amau la tawh carol lasakna tawh dawng kik uh a, khat leh gal a galphual pan un kinosiatna kam (greeting) kipaih khum uh hi. Britishte’ 19 Infantry Brigade galkapte commander Brigadier-General Walter Congreve in truce pen Christmas pi ni (Dec. 25) in a omna theihna dingin Germante laikhak hi. German ten a laikhak na thukimpih uh a, Christmas ni-in kuamah pai lohna ding leitang “No Man’s Land” kicihna ah German galkapte hong pai uh a, Chrismas late sa-in British galkapte nosiat in awng uh hi. Ahih hangin British galkap ten German ten ngian zangin sniper rifle tawh hong kaplup sawm uh hi ding hi ci-in ummawh uh hi. German galkapte a lungsim takpi tawh hong pai uh hi cih a theih ciangun British galkapte zong No Man’s Land ah kam kisangtuah dingin va pai uh a, khat leh khat van tuamtuam kipiakna (gifts) – an, zatep, zu, laibu etc kipia tuah in lasak khawmna nei uh hi. Tua khitin bawlung kidemna nei uh a, German ten British galkapte goal 3-2 in zo uh hi. 
 


Hih Cristmas Truce a kihel Captain Sir Edward Hulse in a tawpna dingin 'Auld lang syne' kici lasak khawmna ka nei uh a, pau tuamtuam - English, Scots, Irish, Prussians, Wurttenbergers, etc in sak khawmna ka nei uh hi ci hi. Hih Christmas Truce pen mun pawl khatah Christmas zan dong kizang a, mun pawl khatah Kum Thak dong kizang to suakin thau ging dai hi. Hih truce hangin German leh British galkap 100,000 kiim in Western Front ah kikaptuahna khawlsan uh hi.

Hih Christmas Truce pen British II Corps commander General Sir Horace Smith-Dorrien in deih lo a, British galkap ten German galkapte kilawmtatna a bawl lohna dingun thupia a, tua hun in German galkap khangno Corporal len Adolf Hitler in zong hih tawmvei sung kilemna neih ding deih loin langpang hi. Hih Christmas Truce hun sungin French galkapte kihel uh a, Kidopi Khatna nasiat lai takin French, British leh German galkap ten kigal bawl nawn loh photna dinga kithukimna (truce) a neih uh pen Christmas Truce 1914 in kiciamteh hi. Christmas Truce pen Western Front bekah kizang lo a, Eastern Front ah zong Russia galkapte leh Austro-Hungarian No Man’s Land ah a kikaptuahna uh khawl uh hi. Hih Christmas Truce pen gam uliante thukimpihna om lo ahih manin 1915 panin kidona nasia mahmah a, 11 November 1918 in bei pan hi. Hih Kidopi Khatna ah galkap million 70 (Europe galkap bek million 60) kihel a, galkap million 9 a sih banah nautang million 7 in sihna tuak hi.

Allied Powers lamte: (a kum ki-atte pen a kihel sung uh hi a, a ki-at lote a kipat cil pan a dong a kihelte ahi hi).
France
British Empire
Russia (1914–17)
Serbia
Montenegro
Belgium
Japan
Italy (1915–18)
Portugal (1916–18)
Romania (1916–18)
Hejaz (1916–18)
United States (1917–18)
Greece (1917–18)
Siam/Thailand (1917-1918)
Central Powers lamte:
Germany
Austria-Hungary
Ottoman Empire
Bulgaria (1915–18)

Christmas Truce ah a lasak uh a tawpna la Aung Lang Syne.

Hih Christmas Truce tawh kisai Collin Raye in a phuah leh a sak “It Could Happen Again”

Sources :
Wikipedia and History.Com

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: THE CHRISTMAS TRUCE 1914. Agelh - Thang Khan Lian Description: Rating: 5 Reviewed By: Cinpu Zomi
Scroll to Top