728x90 AdSpace

Hot
Menu
Zon-ol na Donate

Latest News

US kumpi kiteelna hawm 4 na. Agelh - Rev. Dr. John Thang Hum

US kumpi kiteelna hawm 4 na.
Agelh - Rev. Dr. John Thang Hum


R - Republican Party
DP - Democratic Party

Tutung US kumpi kiteelna pen abeisa dangte tawh ki banglo lamdang phadeuh ahihna tel ciat hang. A kilam en ngam hetlo R party pan DT in hong ngah pen, lamdang kisa, ki-um veilo ahih manin tuni dong mah kibuai pih lai hi. Abuaina pen adeihlo te in tazavuanlo (ill-legitimate) a cici lai hi. Popular vote pen piteeknu in ngah a, electoral vote pan DT in ngah hi. Adeihlo te in tuni dongin Russia te in hong nawngkaisak hi, cici lai hi. Hih banga nawngkai sak takpi ahih leh banghang kumpipa in gen khia lo hiam? kici uh hi. US makai masa te in popular vote pen khemna om thei ding ahih manin electoral vote neih ding a koih uh pen pilna hi ci in, Harvard ah Professor khat in gen hi. DT in p[opular vote deih hi leng ka hih zia ding ka thei a, ahi zong tua ka ngimna hilo ahih man ka hahkat kei ci hi.

R ten ngah ding a kilamen masa lo
US ah om mainstream media a tamzaw in piteeknu a ding nak panpih mahmah ahih manin thu langgen mahmah uh a, mikhempeuh zo mang ci leng kikhiallo ding hi. Tua ban ah R party te sung pan makai pawlkhat in DT panpih lo lai hi.

DT in  a ngah na
Media te khat in hih candidate nih te kilamdanna hi bangin gen hi.

H. Clinton
  1. Mihing lungkim na ding zong. Thulet kician vilvel neilo in, mi a tamzaw deihdan in kihei kawikawi
  2. Thubuai nei. Secretary asep sungin Lybia a om US ambassador pa kithah na tawh kisai in, a mawhpuakna lian mahmah zolo ahih man in a thuteng kikan phakik na teng tawh mite lungsim sungah muanna kiam
  3. Sumbawlna tawh kisai in mikhemna leh muanhuailohna tampi nei. Amau khutnuai a aseppih mi pawlkhat sihna zong kipaaikan ding upmawhna om
  4. Bernie Sander- Amau party sung pan a kidempihpa’ miteng lungkia in piteeknu pia nonlo
  5. Mee suai zia khial: Mivom te leh gam lut (immigration) te muitun in thugen a, kikhelna ding, sumbawlna ding, leh mikang nasep neilo te don lo.
  6. Khalam dinmun lauhuai. A pasal leh ama nuntakzia pen Pasian zahtak nuntakzia kimu lo. Tapidaw te maikhak ding gen ahih man evangelical ten panpih lo

D. Trump
  1. A sepnop tel mahmah in khel themthumlo, thangah sa in, lawp sa in thugen, ahauhna, mi tawh kizopna ah miten muang
  2. Wikileak. Thusim keh. A beisa a piteeknu laigelh leh thugen pawlkhat keh a, tua in puteekpa a ding lampi hon sak
  3. Kammal zat te mite telnop ziauziau ding in gen
  4. Mipi leh mipi kisapna huam in gen thei. US sum bawlna khan na ding, miten nasep ngahna ding leh mikim huam in thugen
  5. A Sim thahat evangelical leh conservative ten vote pia. Liberal ten vote pia lo uh hi. America ah liberal te pen PS a kam in a lawh uh hang a sungah thugil (law) omlo uh hi. 

DT in a lungdamkoh thugenna te ah, evangelical te panpihna a lungdamna nak gen mahmah hi. A diakin Flanklin Graham in state 50 te ah amite tawh khualzin in, thugenna nei kawikawi zong hih kiteelna a ding kha galdona khat ahihi. DT in Flanklin nasepna leh Paula White te amin loin a lungdamna gen hi. Kha galdo thungen pawl in, hih kitelna pen Kha galdona lianpi ahih lam gen uh hi. Tua te lak ah hih kitelna ading Zomite zong kha galdo in kihel ngiat hi. Kumpi pa innkang kiang ciangdong vapai a, kha galdona vanei uh hi.

Pasian mite lunggulhna
Clinton in kumpi asep pan kipan US gam sungah Pasian ngeina langpang in nuntakna zulhzauna hong kipan hi. Sia khat in agenna ah, gamsate a huuk ciangin a sungpan gimnam (scent) khat paikhia sak a, tua pan in sakhi pa (male) te in vadelh hi. Tua mah bang linlian in, hih pa in a thuneihna zangin siatna ding lam hong hon ciangin dawi leh khanin ten hong bawm pah hi, ci hi. Hih pa hun pan in nauphiatna, neih kibang kitenna cihte hong piang toto hi. Nidang a kumpi sangte ah thungetna kinei theite kiphiat hi. Ama nungah tulai tak a kumpi sempa hong kahtoh ciangin kumpipa zum ah nasem pen muslim te tampi hong koih hi. America pen Christian gam hilo cih te zangh hi. Israel te panpih nuamlo hi. Pastor te bangin Neih kibang kitenna gen kha leh thong khiat theih nading law bawl sawm hi. Numei leh pasal dailenbuk zatkhop theih na ding lampi hong hi. Piteeknu hong kah hi leh tapidaw te maikhak tan na ding gen khin hi. Hoby Lobby (Christian company) te a zakdah mahmah na zong pulak zelzel hi. Tua ahih manin tapidaw tading thuakhak mahmah a, kilau mahmah hita hi.

R party ten amau tangmi a kipsak ding nizan in buai ngeingai a, tua leh thakhat thu in mivom pastor khat ( a kisehsa maw khat hi ding) dingto in I vaiteng teng Topa ap  ni, ci lian in, kithutuak na ding thu ngen lian hi. Tua mahmah pan hih R party ten Pasian muanglai ei, cih kimu thei hi.

Kuama peuh in DT ngah ding lamen ngam lo hi. Ahang pen TV ten piteeknu lam pan bek in nak genlua ahih man in, mite lungsim zo khin hi.
Ahi zong hih kiteelna na ding bekbek in, ni 40 bang antang pawlpi na tam mahmah hi. Tua ahih man Pasian in amite lungulhna pia hi kici hi. Pasian in naikhat halsung na ngawn in thukhempeuh lumlet thei hi, cih kimu hi.

Thumin kim nailo sungah kiom
DT in kumpi a ngah theihna Russia ten huh hi, cih thusuak om a, thu kikan san laitak ahihi. Tuni in 12/29/2016 ni in, Russia te hih kiteelna buaisak hi ding ki ummawh mi 35, nai 74 sungnin US pan apaikhiat ding kumpi Obama in thupia a, tuaten zum a azat innpi nih zong khak sak hi. Russia ten zong ko zong no nongbawl bangun kong bawl ding uh hi, ci pah hi. Tua hi a, tulaitak US leh Russia te kizopna diklo ahihna ki mu hi.

Kuakua in kumpi a sem zongin hun nunung sungah ki om a, kumpi semte ading baih hetlo ding hun ah kiom ci in, thumu ten gen hi. Tua hi a, Laisiangtho in kamsanna a gen te nisim in khat khit khat a tangtung ahih mah bangin, mihing lungtang khauh semsem hi, cih kimu thei hi.

Source :
from:John Hum hum470@gmail.com
to:Cinpu Zomi <cinpuzomi@gmail.com>
date:Thu, Dec 29, 2016 at 3:28 PM
subject:lai
mailed-by:gmail.com

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: US kumpi kiteelna hawm 4 na. Agelh - Rev. Dr. John Thang Hum Description: Rating: 5 Reviewed By: Cinpu Zomi
Scroll to Top