728x90 AdSpace

Hot
Menu
Zon-ol na Donate

Latest News

Zomi Innkuan Laibu (History of Zomi Family) azom... Agelh - J. Gin Za Tuang

Zomi Innkuan Laibu (History of Zomi Family) azom... 
Agelh - J. Gin Za Tuang

Photo Credit : Thor Thorn
Amun : Myoma Khuanu veng, Tedim Zogam.

A sunga om Thu lunote :
-       Mangpa In Sing Ngen
-       Gungal Gam Ngahna
-       Kum 3 Guah Zu Lo
-       Tedim Sim Ding Meitei Kuan     
-       Meitei-te Thu Phuah
-       Meitei-te Kituh

31. Meitei Mangpa In Sing Ngen
Meitei Mangpa in, Tapei lui gei-a sing kung khat a phuk nop ciangin Kam Hau in a phal kei hi. Tua sing kung ama gam sung hi. Tua ciangin, Meitei Mangpipa in saiha dial tong 9 tawh a nget ciangin, phuk theih na ding thu a ngah hi.

Gungal Gam Ngahna
32.  Kam Hau in, gungal gam Lamthaw, Lalkhul, Satta, Singgial, khua te tawh kisim in a zawh khit ciangin, Zahau gam Darlang innpipa kiang ah hi bangin a gen hi:

“Tu laitak gungal gam ah kuamah a tam teen nail oh hangin, nidang ciangin mi hong teeng nuam ding hi. Tua ahih ciangin gungal gam teng kei gam a suah na dingin hong pia in”, ci-in a nget ciangin, a pia hi.

Mi pawl khat in a theih ciangin haza uh-a Phalam innpipa kiangah a ko uh hi. Tua thhu a theih ciangin sial 100 tawh Phalam innpipa kiang ah pai in a va ngetkik ciangin a nuai-a bangin gam a hawm hi:
(1)        Nawng lui leh Lawh lui kikal teng Khan Thuam,
(2)        Lawh lui leh Thui lui kikal teng Gawh Pau,
(3)        Thui lui leh Tan lui kikal teng Khan Lam,
(4)        Tan lui leh Civu cikhuk kikal teng Kam Hau a pia hi.


Kum 3 Guah Zu Lo
33.  Tedim khual inn 100 a phak laitak in, kum 3 sung guah a zu kei hi. Guah zu lo ahih man in, mi khempeuh in lo a khawh hangin ankung po zo lo ahih manin kialpi a tung hi.

Tua ciangin, Kam Hau in zong, a saiha tawh Kawl ah pai in antang tampi lei in, a khawisa sial-te go in, Gawng le Lamzang te a vakna hi.
           
Tua banga kialpi sunga gil kial-a puksih loh na dinga innpipa huhna hangin a lungdam lua uh-a, pusaa a thoih uh ciangin, sial a gawh uh leh satak bak khat, vok a gawh uh leh a phei khat a pia uh hi. Tua pen “dai-nek” kici hi.

Tedim Sim Ding Meitei Kuan

34.   Leeng mangpa in, Kam Hau in gam tampi sim in uk khin hi cih thu a zak ciangin a haza hi. Leeng mangpa zong taal in kizawngin, Tedim khua sim dingin galkap thul thum (3000) tawh a kuan uh hi.
       
Tedim uk sung a tun uh ciangin, mi pawl khat in, Meitei te tam mahmah a muh ciangin lau in, Meitei te tawh kop in, van puaksak in, lam a hilh uh hi.
       
Muanheeng zangah giahphual a sat uh hi. A kimkot ah kan a to uh hi. Tua kan tu dong in kimu thei lai hi. Tedim leh Tonzang kikal Tualmu buzang gei Muanheeng zang mun a hi hi.\
       
Tedimte tua thu a zak uh cingin, Mualbeem, Sezang, Tedim pan in galkap Khawm in, innpipa in sial gawh in, Meiteite do dingin a kuan khia uh hi.
       
Suangkang mual a tun uh ciangin, Meitei te tawh a kituak uh-a, ni 7 sung a ki kap uh hi. Tedimte in Meitei galkap Mangpa a thahlup uh ciangin, Meiteite a vaihawm ding om nawn lo ahih man in a leh tai uh hi.
      
Tedimte in a nung lam pan in vokno delh in a delh ta uh hi. Gun a kantan na uah, pawl khat tui kia in si hi. Galkap tul thum (3000) lak ah tul khat (1000) bek a suakta uh hi. Thau lawng 287 a ngah uh hi. Tapei lui gal dongin a nawhkhia uh hi.
     
Meitei galkap a huh khuate tungah a lungkim kei uh-a, hi bangin thu a pia uh hi:
   
 “No, Meitei lam-a kop khuate in, khua khat in Meitei te’ luting khat ciat innpipa inn ah a manlang in puak ta un, a ci uh hi. Tua mah bangin luting khat ciat a puak uh hi.
     
Meitei-te Thu Phuah
35.   Meitei-te in thu phuak uh a, “Tedim te in hong kap leh, a thaukuang sung ah tui phul in, naangkhau leeng in a khut uh kiheen in, phim le khau leeng in a mit uh kikhui ding hi,” a ci uh hi.
       
Tedimte in Lailui khuakhang mual pan in Gawmual dong, tai ½ (lang) halt ta in taakpang sat in, khua a mial ciangin a hal uh hi. Tua meite, Meiteite in a gal muh uh ciangin, gal vilna phual vive sa in a kihta sim uh hi.
        
Tedimte in Dawn lui, Tedim lam gal mual ah a pang uh hi. Meiteite a gal lam ah a suak uh hi. Galkap mangpa Suangsuang vum ah khua dak dingin kahto in a vum ah Tedim lam en in a ding hi.
         
Tua banga a om galkap mangpa a muh uh ciangin, Pu Za Tual in zong thau a suak thei hiam, naang hong leeng hianm, phim le khau hong leeng hiam, hong sin dih ning, ci-in, a gal mual vum tung pan in, ngimngim in a kap leh, Galkap mangpa kha in Suangsuang vum tung pan kia suk a, Dawn lui sung a tu hi. Pu Za Tual in la phuak a:
(a) Pau kisa-a sakciang teimei, keimah bang hang phuk ing e.
(b) Keimah bang hang phuk ing aw e, gun tui ah naang bang diang e.

Meitei-te Kituh
36.   Meitei-te Tedim sim ding hong kuankhiat phet un, innpipa saiha ngah ding leh, azi ngah ding a kituh kgol uh hi, ci-in kiza hi. Meitei gal a kizawh ciangin, Pi Ciin Ngul in la phauk a:
          
            (a) Zang vuisai leh li aka sak duang dotan sa bang hawm khawm e,
            (b) A lwam nam aw zin aw e gual aw, a lawm nam aw e.


(a) Khua minthang beel bang suang ding do lunmang zong, dot ai tawh kop, sun ni bang a sa ci e,
(b) Dot ai tawh kop, sun ni bang a sa ci e, zin in awi lo, khua khang phai bi’n seem tah e.
(a) Sun ni dawng hon, khua van nuai, mi za siam in, seino gual in tawithang hawm taan ding ci e,
(b) I tawi thang lo damtui-a a luan sangsik, vai mangnu’ lam, nuai sil kia bang tom hang e.           

Source :
Zomi Innkuan Laibu
(History of Zomi Family)
Agelh - J. Gin Za Tuang

Zomi eLibrary / Laibusaal in hanciam in aki tei/type kik ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Zomi Innkuan Laibu (History of Zomi Family) azom... Agelh - J. Gin Za Tuang Description: Rating: 5 Reviewed By: Cinpu Zomi
Scroll to Top