728x90 AdSpace

Hot
Menu
Zon-ol na Donate

Latest News

Gambup Thuvanpi Makaihna Ki-ukna (Parliamentary Rule). Agelh ~ Bob Tuangpi

Gambup Thuvanpi Makaihna Ki-ukna (Parliamentary Rule)
Agelh ~ Bob Tuangpi


Hih kimakaihna tawh akalsuan gamte'lak pan alawhcing zawdeuh (India; England; Germany; Thailand; Japan; Australia) gamte in gambup makaipi (president) anei om-in kumpi ( King/Queen) anei om veve uh hi. Ahizongin; gam ki-uknaza (political power) ahih leh gambup thuvanpi (Prime minister) in alet ban ah gambup gam ukpite'lutangpi (head of government) uknaza zongh len hi.

Gambup kiteelpi (general election) pan tutnamun tam angah penpen party in adeih penpen uh gambup thuvanpi (Prime minister) dingin teeltheihna nei uh hi. Azenzenin; party khat bek in tutna atam ngah zaw omlo ahih leh gambup uknaza lettheihna dingin party khat leh khat kihosiamna tawh gambup thuvanpi ding sehna (coalition government) pan  deihteelna ngah taangmi (MP) khat pepeuh zong hithei hi.


A tamzaw ah bel agualzo party ii makaipi (chairman of ruling party) hizaw thei hi. Gambup makaipi makaih ki-ukna (Presidentialism) banglo-in gambup thuvanpi (Prime minister) pen kiteelpi ah teelciing (elected MP) ahih kul banah amah tawh nasem khawm ding gambup ki-ukna tuamtuam ah tanu sem dingte (cabinet ministers) khempeuh zong gambup thuvanpi (Prime minister) in apualam pan sehtheilo-in teelcing taangmi (elected MPs) teng bek sehtheihna nei hi.

A hizongin; gambup thuvanpi (Prime minister) pen gambup lutangpi (head of State)hilo-in; gambup lutangpi dinmun pen gambup makaipi  (President) ahih kei leh khanggui kizom kumpipa/nu (King/Queen) in dinmun angah ban ah gambup galkap mangpipa (commander-in-chief) zongh hi koikoi hi. Ai zongin; gambup lutangpi kumpi/makaipi in ahih leh gam-uknaza (political power) neilo aa; leitung gam khat-le- khat kithukimna leh pawithupi/nithupi hunte ah gambup aitaang-in mawhpuak lakna dinmun ( international agreement & ceremonial) len cih ciang ahihi.

Gambup thuvanpi makaih ki-ukna (parlianmentary system) athanemna khat leuleu ah gambup thuvanpi mann'hun pen gambup innpi (Union assembly/Congress) in adeihlai hun ciangtan bek ahi hi. Gambup makaipi ukna (presidentialism) danin kumli ciangtan aih keh kumnga ciangtan cih bang hilo ahih manin; gambup innpi (Union assembly/Congress) in amuan nawn kei naak leh akician thusiksan (evidence) paulap zanghin mawhsakna (vote of no confidence) tawh gambup thuvanpi (PM) hemkhia thei ziauziau uh hi. Tua ahih manin; khat veivei gamsung ah lungphona leh kitomna om thei zel pahpah (gtna:Thailand) ahih manin gamsung gamthu kipkholo (unstable) thei zel hi.

A hizongin ahoihna leuleu ah gambup tanu semte (Cabinet ministers) khempeuh teelcing taangmi (elected MPs) ahih uh kul ahih manin gammite'zahtakna neizaw bilbel uh hi.

Source :
from:Kham Tuang bobtuang@gmail.com
reply-to:zomidaily@googlegroups.com
to:zomidaily <zomidaily@googlegroups.com>,
zomidaily <zomidaily@gmail.com>
date:Sat, Jan 7, 2017 at 10:09 AM
subject:[Zomi Daily] Gambup Thuvanpi Makaih Ki-ukna

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Gambup Thuvanpi Makaihna Ki-ukna (Parliamentary Rule). Agelh ~ Bob Tuangpi Description: Rating: 5 Reviewed By: Cinpu Zomi
Scroll to Top