728x90 AdSpace

Hot
Menu
Zon-ol na Donate

Latest News

Guitar tum siam Langhno tangthu tom le ama ban... ~ Zomi eLibrary/Laibusaal

Guitar tum siam Langhno tangthu tom le ama ban...
~ Zomi eLibrary/Laibusaal


Min:               Khai Sian Langh @ Langhno

Suah ni:        May 14, 1977

Pa Min:          Pu Cin Go Thang
Nu Min:          Pi Cing Ngaih Dim

Beh Min:       Hatzaw
Pute Beh:     Hatzaw

Innkuanpih: Nu Vung Sian Kim (Malaysia) hi in ta nei nai lo.

Khualui:        Phaiza, Tedim Zogam
Teenna khua: Tedim, Zogam
Khan khiatna: Phaiza, Tedim Zogam

Pianpih sanggam teng:
Ø  Ciang Khan Cing (Phaiza/Lokho)
Ø  Uap Khan Lun (Tedim/Vanzuak.)
Ø  Cin Za Khai @ Ciakhai (USA/Nasem)
Ø  Khai Zam Niang (Tedim-Khauphan siam)
Ø  Khai Sian Langh (USA/Nasem)

Biakna pawlpi: EBC - Kawlgam,  GIC - USA

Pianthakna: Teklui khua ah May, 1988 kum' hih Laisiangtho mun: John 3:16 tungtawn in piangthak hi.

Tui kiphum kum:    April/1989 kum in Tuiphum Siampi Rev. Tun Za Kap in tuiphum hi.

Ukna: Music, Laphuah leh Tangthu gelh.

Music tum kipat hun: Kum 9 ka phaka kipan, Singpeek neu tungah buangnai kual koih in guitar danin tum ki pan ing.

Music sin kipat kum: May/1989
Music tum kipat hun: 1992

Music siate:
Adiak in,
      (1). Ka U Khai @ Cia Khai
      (2). Lengtong Go Hau hi in midang hong hilh zong tampi om lai hi.

Bangci hanciam: Ka hanciam dan pen, zingthawh pan nitak lup dong, hun tamzaw guitar tum, Guitar khau ki tat leh peh tawm kik a thak lei zolo; Sangkah sung zong laibu sungah guitar key le la tuamtuam te bek koih; Sang lai sim ngei lo. Nitak nai 10 ciangta guitar tum; Tuabang in guitar sin ing.
Lungduai kul in tupna neih kul ahih man in hamsa lua!

Lungkiatna pan tha lakkik dan:  
Ka tha lak kikna pen: Lasa siam minthangte la sak guitar tumsak ding, amaute tawh State Show kah khawm ding; Studio ah guitar tum ding, cih leh Kum 8/9 ka phaklai a, singpek neu tungah buangnai kual thuah a, guitar dana ka tum ngaihsunin tua tawh tha la zel ing!

Show ah kihelna: Show ah ka tum pen bangzah hi ding tel lian keng!

La album bangzah ah tum: La album ka tum pen tam kei, 9 khawng hi vak; La dawng ka tumzah pen thei lianlo.


Bang band ah tum: Band tawh tum lian pen, Studio ah Golden Crown Band leh Zophualva Band ah tum!

Studio ka lutna mun: Mun 7 khawng hi in a minte uh thei khin nawn keng!

Music tum mite deih diakte:       Ebenezar 9 Zogam Lalpu bawl pen leh 
                                                           Zoheisa Zam Dal (A dangte zong kideih thei mahmah).

Nasepna ah: Pawlpi sungah Khangno tangzang/Khangno makai sem ngei!

Tupna leh ngimna: Hau dingin mite ading thupha hi ding; Music siamding; Khangnote Pasian thu tawh kalsuan pih ding!

Lai Siangtho bulphuh: Late 37:4-5

Kammal hoih bulphuh: Itna; Lungduaina; Pilna!

 Minam vai leh deihsakna:
       Zomite’n Pilna thupi sak ding, Itna nei ding, Lungduai ding deihsak ing. Minam vai bel gen ngam nai lo!

 Zomi te lailam le pilna:    Zomite lai sim nuam ki tawm lua cih mu ing.
Pilna bel khangto mahmah cih mu ing.
Lai sim ih hahkat ding deihsak ing. Laibu ih sim zo kei zongin, Fb sunga teng beek sim zo leng, tua banah lai at siam ding deihsak ing. Nuntak pih theih ding, zuih theih pah ding lai a gelhsiam mi ih tam ding deihsak ing.
                                           Ih pilnate Zogam, Zomi adingin ih zat ding deihsak ing.
                                           Pilna nei mi ih tam ding deihsak ing.
   
La phuah: Ka laphuah pen 9 bek hi pan, laphuak ka ukzah, ka sin zah in, guitar sin lo hi lai ing..

Studio ah la na sa ngei na: Studio ah lasa ngei lo. Music siamte sangin Lasiamte hampha sa zaw ing; eng ing!

Laphuahna tawh kisai muhna: Zomite laphuah dante hoihsa ing. La dawng khat ngah na ding hamsa hi.
Zomite music lam muh dan: Zomite music siam thei lua..

Zomite la sak lam muh dan: Zomite lasak siam thei lua sa ing..
 Ka deihsak ah: Lasate’n a la sak nading Key thei hamtang ding hoih sa ing. Gentehna hih la pen C key D key tawh sa ding cih thei masa ding deihsak ing. Tua sungah pilna thusim khat om hi.

Zomi sungah thupisak diak thumte:
Ø  Dr. Do Kham
Ø  Dr. Do Suan Mung
Ø  Dr. Kam Khen (hahaha..hipen kei piak tawm)
=> Dr. Do Kham etteh tak: Zomi ading a omna munmun ah makaih zo, itna, deihsakna, lungduaina nei!

=> Dr. Do Suan Mung etteh tak: Pilna thupi sa ngiat. Khangno leh Zomite itna nei. Zomi a dingin ki pia khia ngiat. A pilna Zomi/Zogam ah zang. Pasian tungah thu maan..

=> Dr. Kam Khen etteh tak:: Khuakzat siamin mi khempeuh lungkim sak hi. Mite bangin Laisiangtho sangkah leh Zomi dangteng sang pilzaw ding, madawk zaw ding hi. Banghang hiam cih leh mi lungkimsak siam (Hibel kei muhna)

Gamdang zinna sa munte:
Ø  India
Ø  Thailand

Gamdang zin nopna mun thum:
Ø   Japan
Ø   Korea
Ø  Thailand

Leitungah lasiam sak pen: A min thei lian lo!

Zomi sungah lasiam sak pente:
Ø  VC Mang
Ø  Senboih
Ø  Kimpi/Sangii..
- VC Mang pen ka la at mangla copy pen a mah bek in sa siam ding..
- Senboih pen Ka guitar siamnopna leh ka tha lakna amah lasak siam ka sak man.
- Kimpi/Sangii te pen Studio sung ahi lo, a pua lam ah lasa leh a aw uh sawi pai gawp lo, flat/Shap cih om lo..
 Adangte zong siam ka sak tam lua..

Zomi sungah laphuak siam a sak mi thum:
Ø   Zogam Lalpu
Ø   TL Mungbawi
Ø   JK Kam
- Zogam Lalpu pen Zogam la /Pasian late ah ih minam ong tawisang..
- TL Mungbawi pen a laphuahte music tum nuamsa ing, a lamalte ka tha lak na hi..
- JK Kam pen Lamal gualh siam sa ing. Lamal leh la awte hoihsa ing..

Zomi sungah music siam a sak thum:
    Pa Hau (Go Hau) -- Ka guitar sia!
    U Zen Lian --- Music a kim in siam!
    U Cin Khan Pum --- Bass!

Zomi sungah ki mawlsiam ka theih:
    Pa Suangin:: kungpang siam..
    midangte ki mawl dang thei lo..

Zolai tawh a kibawl laibu ka deih:
     - Zolai Lai Siangtho bu
     - Zolai simbu – Taan lang.1.2.3.4
     - Lungsim Liimlang: Job Thawngno

Kawllai bu ka deih mahmah:
   (1). Taan 2 Kawllai simbu
   (2). Kawllai siangtho bu

Lai simna pan a manphatna:
Ø  Lai simna pan thu theihna kingah a, lai sim a thupitna penin i theih ding thu hoih tampite lai i sim ciang bek kithei in kingah pan hi.
Ø  Lai sim leeng a ki selsim suang manpha a lakhia, a mukhia tawh kibang a, pilna kingah hi.
Ø  Lai sim kei lehang, pilna, thu theihna a selsim den ih hi gige hi.
Ø  Lai sim a manphatna pen ei ma nuntakzia ding hong mu khol thei sak hi.
Ø  Lai sim a thupit zia pen ih lai simna tung tawnin ih tha ong hatsak thei hi. Tua bek tham loin pilna, kampauna, thu muhna ong pia hi.
Ø  Kawllai, manglai tawh a ki at thu tuamtuam sim ding thupi a, ahi zongin Lai Siangtho sim ding thupi pen hi.
Ø  Lai sim zote tha nem cih om lo, mihai cih om lo hi.

Kizopna ding:
Facebook - Ks Langh


Zoheisa Teeltuam Late

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Guitar tum siam Langhno tangthu tom le ama ban... ~ Zomi eLibrary/Laibusaal Description: Rating: 5 Reviewed By: Cinpu Zomi
Scroll to Top