728x90 AdSpace

Hot
Menu
Zon-ol na Donate

Latest News

OBAMA MANGPHAKHAKNA LEH PRESIDENT ALET SUNGA THUPIANG TOMKIM.
Agelh ~ Thang Khan Lian
Jan. 11, 2017:


Obama in White House (Inn Kangpi) sungah a teen theihna ding Jan. 20 ciang bek hun nei lai ahih manin amah a gumte kiangah mangpha khakna thugenna tawpna "final farewell speech" kici kam vaikhakna tawpna ding thugenna a neihna ah, "Kilaihna Omsak Thei Hi Hang [Yes We Can (Change)] cih President za ka tuh ding panin tangkopih bel i ka neih pen President kum 8 ka let sungin "Kilaihna I Omsak Takpi Hi" (Yes We Did) ci-in gen a, ka goluah/a kiluahsawn/innluah za (legacy) na kizom paisuaksak un la, i thoh (rise) a, kiat/tuk (fall) leh zong i tho khawm dinga, i tuk khawm ding hi," ci-in gen hi.

Obama' President sunga thupiang tomkim et pakna:
# Nov. 25, 2008 in US President mivom masa pen dingin kiteelcing a, Jan. 20, 2009 in President leh Commander-in-Chief za hong len hi.

# Jan. 22, 2009 in Cuba gam-a US in dipkuatna piangsak (terrorist) ngongtatte dinga a upmawhte a khumna thonginn Guantanamo Bay kici khak ding a kam dimpi tawh tangko in kamciamna a bawl hangin tu dong hih thonginn kikhak lo hi.

# Feb.17, 2009 in US sum leh paai bawlna (economy) kiatna puahna dingin $789 billion thukhun ding (bill) letmat thuh/suai kai a, ahih hangin economy laptoh nak sangin tu lianin US in sumbat (debts) $19.5 trillion tak nei eueu a, tua tawh inn kangpi nusiatsan ding suak hi.

# Oct. 8, 2009 in a mutsiamna leh leitungah kilemna ding a tangkopih manin bangmah semkhia nai lopi-in Nobel Peace pahtawina ngah pah hi.

# March 23, 2010 in healthcare reform bill ding a tangkopih Congress in thukimpihna pia a, ObamaCare kici hong phuankhia hi. ObamaCare’s insurance provisions pen $1.207 trillion hi a, [a gross cost pen $1,707 hi a, 2015-2025 kikal in siah piate sum ($500 billion bei ding hi]). CBO in a tuatna ah ObamaCare kiphiat leh kum 10 sungin microeconomic feedback sum $137 biliion sim lohin microeconomic feedback $353 US in sup lawh ding hi ci hi. 2015 in Obamacare hangin US in $3 trillion beisak a, 2022 ciangin $5 trillion beisak ding hi.

# March 10,2011 in NATO makaihna tawh Frace leh UK in Libya a simna ah US kigolhpih a, tu dong Libya gam buai ven nak sangin kumpi thum leh gamnuaimi pawl tuamtuam ten amau hatna mun tek uk uh a, Libya gam pen UN thukimna bangin vanleng lentheih lohna ding mun "no-fly zone" kici kibawl hi.

# May 2, 2011 in US in million tampi tawh huhna a piak den Pakistan gam-a om Abbottabod khua-ah US in Navy SEALS galkapte sawl in Osama bin Laden kithat hi kici hi. Navy SEALS ten Osama' luanghawm tuipi sungah kipaai hi ci pong uh hi. That takpi leh leitunga "Most Wanted Man" ci-in US in Osama' luang US ah pua-in pawi kham liang dingun upmawhhuai hi. News pawl khatin Osama pen US ten that lo uh a, kal (kidneys) natna hangin si hi ci uh hi. US NSAte' surveillance thusim pholakkhia Russia gambeel Edward Snowden in May 10, 2016 in Osama hing lai a, Bahamas gamah om a, USte' secret agent CIA ten khasum (pay roll) kha khatin $100,000 ta pia den uh hi ci hi.

# Sept. 2014 in US in Syria president laih khiatna dingin rebelste sum leh training a piak bek tawh lungkim loin Syria tung lam panin kap hong kipan hi. October 2016 in Syria galkap ten ISte Deir ez-Zor ah a umcih lai un US ten ISte hutkhiatna dingin Syria galkapte 62 a kaplup ban uh-ah 100 kiim kapliam uh a, ISte tua mun panin kihemmang thei uh hi. Russia in zong ISte' namgimtui puakna mawtaw kap dingin a kithawi lai un CIA ten vanleng panin thuzaksakna laidal lompi (pamphlet) Russiate kap ma minute 45 in va khiat uh a, kikhemkhia dingin thu zasak uh hi.

# Dec. 28, 2014 in US in Afghanistan 2003 in a sim pen galdona kizo ta hi ci-in a tangko hangin tu dong a bei thei lo gal dodo lai uh a, tu lianin galkap 9,000 kiim koih lai hi. (Obama in President ka cin' leh Iraq leh Afghanistan panin galkap khempeuh ka la khia ding hi a cih hangin pawl khat bel la khia tei napi-in sawl behbeh kik leuleu a, a bei thei lo gualzawhna om mel lo gal dosaksak lai hi).

# July14-24, 2015 in US in Russia, China, France, UK leh Germany (P5+1 a kici) thuzawh in Iran in nuclear galvan bawl a khawlsanna dingin nuclear deal kici thukimna neihpih a, Iran sum tampi tawh huhna pia hi. Trump in hih nuclear deal ka phiatding hi ci phuamphuam pong hi ven hun in thuman hong lak ding hi.

Tua khit July kha tawp kuanin US in Cuba tungah kum 50 sung khalna (sanctions) a koih beisak a, kizopna neipih kik hi.

# Dec. 30, 2016 in US president kiteelna ah Democrats National Committee (DNC)-te computer Russia in hong hack (suam) sak manin Hillary cing lo hi ci-in a thuk kikna dingin US panin gam khat leh gam khat kikal a nasem ulian (diplomats) Russian diplomats 35 hawl khia hi.

Obama pen kilemna thu muttholpu ahih mah bangin leitung thukhum/thukham palsat in tuithei vangleng (drones) tawh Pakistan, Yemen leh Somalia gamah gamnuaimite kapna dingin drone zat nakpi takin behlap a, nautang tampi in sihlawh hi. Bush hunin US in drone 51 vei zang a, Obama' hunin 372 vei kizang hi.

Drones kizatna hangin a si zah:
Gamnuaimi (militants) - Nautang (civilians)
2008 : 223 - 28
2009 : 387 - 70
2010: 788 - 16
2011 : 420 - 62
2012 : 268 - 5
2013 : 145 - 4
2014: 145 - 0
2015: 57 - 0
2016 : 8 - 0

(Gamnuaimi kithat a kici pen US intelligence source genna hi a, kithat a cihte uh zong a si lo maw a hing kik hi zaw maw cih kitel zo lo a, gamnuaimi makai uliante bang thumvei li vei bang kithat hi a cih uh tam mahmah a, human rights activists ten bel nautang tam sizaw den hi ci uh hi).

# US President ahihna a kithukimpih zia (average approval rating):
Dwight Eisenhower = 65%
Ronald Reagan = 52.6%
Bill Clinton = 55.1%
George W. Bush = 49.4%
Barack Hussein Obama = 48%

The Hindu news in a genna ah 2009 in Iraq ah US galkap 1,39,500 om a, Afhanistan ah galkap 34,400 om a, 2017 in Iraq ah 5,200 om a, Afghanistan ah 8,400 om hi ci hi.

Source :
-       usgovernmentdebt.us
-       World News Daily Report
-       The Hindu
-       Snopes.com

Lai gelhpa in Laibusaal ading Phalna hong piakna :
from:   tk lyant
to:        Cinpu Zomi <chinpuzomi@gmail.com>,
Cinpu Zomi <cinpuzomi@gmail.com>
date:    Wed, Jan 11, 2017 at 7:26 AM
subject:            OBAMA IN MANGPHAKHAKNA THUGENNA A GENNA AH A INNLUAH ZA A KIZOPNA DING A DEIHNA THUGEN + OBAMA PRESIDENT LET SUNGA THUPIANG TOMKIM

mailed-by:       gmail.com

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Description: Rating: 5 Reviewed By: Cinpu Zomi
Scroll to Top