728x90 AdSpace

Hot
Menu
Zon-ol na Donate

Latest News

Zolia Lasiam minthang vangvang Esther Sian (Global Zomi Idol) Mimal tangthu leh dotna, dawnna.

Zolia Lasiam minthang vangvang Esther Sian (Global Zomi Idol) 
Mimal tangthu leh dotna, dawnna.

Esther Sian

Min : Lia Dim Sian Muang @ Esther Sian

Suahni : March 06, 1993

Nuu leh Pa min :  Pa Van Lian Thang leh Nu Nem Za Niang

Beh : Bawm Khai (SB)  

Status : Single/ Nungak lai

Lawm ngaih nei khin nai hia? Nei nai lo? Tangval te'n hong dongsak ve aw hehe...
Nei nai keng… Awng lai ing… hehe…

Khua lui : Mual Beem Khua, Tedim Zogam

Teenna Khua : 
Melbourne, Australia

Na pianpih sanggam u leh nau teng nong gen thei diam?
Nau Pasal khat nei ing, a Min pi Tg. Dong Sian Thang @ Thang Pi hi in tulai tak Engineering Architecture kah lai tak hi.

Na pianna khua, khankhiatna khua leh na teenna khua nong gen thei diam?
Ka suahna kapianna khua bel Aizawl, Mizoram State India hi-in, Ka khankhiatna pen Phualpi veng leh Sing Unau, Kawlpi hi. Tun ka teenna uh bel Melbourne, Australia gam hi.

Biakna Pawlpi : AG

Na tui kiphumna leh tui hongphum siapa min nong gen thei diam?
September 24, 2005 ni in  Singunau ah Rev. Sianu Pau Kok in Pa, Tapa, Kha Siangtho min tawh tui hong phum hi.

Tu laitak na pilsinna leh Sangkahna  ee leh?
Australia Melbourne RMIT University ah Business Accounting leh Management ka kah lai tak hi-in, A kum 3 na hita ing.

Tu laitak nasep na nei hia leh?
Aw, Tu lai tak Concept Logistic Company ah nasem ing.

Nasepna, mapan na’te leh kihelnasate tawm nong gen thei lai diam?
Mi nam sung ah hi leh ZAA Australia ah huh theih om ciang huh zel ing. Pawlpi sung, pawlpi tuam tuamte leh Mission pawlkhat’te ah zong  Pasian phatna Lasa in na kihel zeel ing.



Laisiangtho bulphuh :
ü  Na lungsim khempeuh tawh { Topa } muang in la, nang' theihna suang kei in. Puanak 3:5
ü  Pasian in ama hoihsak hun ciangin note hong laptoh theihna dingin a thahat Pasian' khutnuai-ah kiniamkhiatin na om un. Pasian in note hong kem ding ahih manin na lungkhamnate khempeuh uh ama kiang tun'pih un. Peter masa 5: 6-7
ü  Bangbang hong piang ta leh na lungdamna uh Pasian tungah ko tawntung un. Khrih Jesuh tawh kipawlin na nuntakna sung uhah hih bangzia-in na om ding uh Pasian in a hong deih ahi hi. Thesalonika masa 5:18
ü  Nuntakna sangin nangma itna kip hoihzaw ahih manin nangmah ka hong phat ding hi. Tua ahih ciangin ka nuntak laiteng nang kong phat ding a, ka khutte hong laam to-in thu kong ngen ding hi. Ka lupna tungah nangmah hong ngaihsunsunin, zanthapai-in kong lungngaihngaih ciangin guhngek leh sathau ne bangin ka lung taii mahmah a, lungdam mahmahna tawh nangmah phatna la ka sa ding hi. Late 63:3-5
ü  Late 25.

Kammal bulphuh :
Humble yourselves before the Lord, and he will lift you up. James 4:10

Ukkna :
1.    Lasak,
2.    La ngaih, leh
3.    Shopping.

Na tupna leh na ngimna nong gen thei diam?
Ka tupna lian bel Topa maipha a zong, Pasian tupna leh ngimna te thumang, citak in Topa deihna bang kal suan tanu leh ka mipih, khuapih, tuipih, sanggam u leh nau te angtan pih tanu, Zomi numei khat hi nuam ing…

Zomi namte minam vai ah na muhna leh nadeihsakna nong gen thei diam?
Pasian zahtak in, Khat leh khat ki it, ki niamkhiat in kitelsiam peuhleng Topa in hong lamsang ding hi.

Zomite Lai lam leh Pilna lam ah na muhna leh deihsakna ee leh?
Zomite pil thei mahmah hang, ih ngimnate zong sang thei mahmah ta ihih man-in, Pasian kammal bulphuh in Pilna zong leng ingimna’te ong tangtung ding hi. Do not give up!


Studio ah na lasak dawng bang zah, album bangzah sung bang ah kihel ta naihia leh?
Studio ah ka lakhum dawng 9 khawng hipan in album 3 sung ah kihel zo pan ing.

Lasak siamte zong laphuak siam tam mahmah ta ci leeng, nan gee leh laphuah na nei nai hia? Pasian la, Zawlla aa kipan hehe….
Laphuak zo nai het kei ing.

Zomite Laphuah dan, na muhna leh na deihsakna nong gen thei diam?
Zomi te laphuah dan siam kasa tek hi. Ka deihsakna hi leh la melody leh style dan tawm ki sam sa ing.

Zomite Lasak dan eel eh? Na muhna leh na deihsakna?
Zomite lasak dan ki siam thei lua hi, la zong asa thei lo ki omlo in asa siam zong kitam mahmah hi, ahi zong in keia k pan la isak teh control na-ding mun, aw kaih na-ding mun, style a tuamtuam leh i-aw bawlna ding mun cih dan a tuamtuam ah kisam lai hi hang ci-in mu ing.

Zomite Music lam ah na muhna leh nadeihsakna ee?
Music pen ivek phial-in ki tum kim thei tek hi hang, tua sang in music tum ging khat na lunggulh khat penpen focus in siam mahmah leng cih khat deihsak ing.

Gamdang na zin nasa Gamte :
-       Malaysia  
-       America

Mundang gamdang na painopna gam 3 :
-       America (state tuam tuam)
-       Switzerland
-       Jerusalam.

Leitung ah lasak siam nasak mi 3 :
-       Mariah Carey,
-       Darlene zschech
-       Taya Smith.

Zomi sung ah lasak siam nasak mi 3 :
-       Thawn Kham
-       Dorcas unau teng 3
-       Sangpi.

Zomi sung ah laphuak siam nasak mi3 :
-       David Kham
-       Ck Khai
-       Stephen Mang.

Zomi sung ah music siam nasak mi3 :
-       Cinpi (Lazy Club)
-       David suum
-       Deihpi.

Manglai lakpan laibu na deih penpen 3te :
-       Good Morning Holy Spirt.
-       Purpose Driven Life - What On Earth Am I Here For?
-       Not A Fan

Lai simna i Manphatna leh Athupitna' na muh dan tawm nong gen thei diam?
Quotes ka zak den khat pen, “Books give a soul to the universe, wings to the mind, flight to the imagination and life to everything”, cih mah bang in lai simna pen mihingte nuntakna ah athupi mahmah khat hi ci-in mu ing.

Laibusaal : Lungdam ei....
Esther Sian : Kei lungdam zaw ing. Gam leh Minam ading na lai nasepnate uh ibiak Pasian in Thupha hong piaksak den ta hen....
Laibusaal : Amen...



Cinpu Zomi leh Esther Sian (GZI 2015 Tulsa, OK USA.)

Kizopna ding :
Facebook - Esther Sian ( https://www.facebook.com/esthersiansb )


Kumpi pa, Tote Topa
Lasa : Esther Sian (Global Zomi Idol)
Laphuak : David Sum

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Zolia Lasiam minthang vangvang Esther Sian (Global Zomi Idol) Mimal tangthu leh dotna, dawnna. Description: Rating: 5 Reviewed By: Cinpu Zomi
Scroll to Top