728x90 AdSpace

Hot
Menu
Zon-ol na Donate

Latest News

ZOMI LEH KUMTHAK PASIAN KAMMAL. Agelh ~ Kham Lam Tuang

ZOMI LEH KUMTHAK PASIAN KAMMAL
(New Year Bible Scripture Lottery Lucky Draw)
Agelh ~ Kham Lam Tuang



THUMASA
Kumthak sim in Pawlpite ah Laisiangtho tang dawk in,Tua i dawhkhakte kumkhat sung mimal ahia, Pawlpi ahizong in i nun takna ah kipuah phat na,Kalsuan pih, tha lak na in zatding ngimna i neitek hi. Pawlpi pawl khat in tuadan Laisiangtho tang dawh neise lo uh hi.Pawlpi aneilote zong amau pawlpi dan cini, hihdan hihhzote Kumkhat sung ki thuhilhna bek hilo in, Hunkhat sung ah Pasian kammal zang in Pawlpi tang,Pastor tang in Pawlpi mite mimal in amautawh kituak in Pasian in thu hong hilhsak a hihi. Tukum 2017 wonderful baptist church, Thanlyin, Yangon, ZZBA, ZBCM,ah Christmas leh Kumthak kamang hi.

A.PASIAN HONG THU HILHNA HI
PASIAN KAMMAL tawh ki thuhilhna a hihman in,anungta PASIAN KAMMAL Bible pen PASIAN HUMUAP cih i upman in,a nuntakpih i hihi. Laisiangtho tangkhat bek siksana,nungta lo i hih le Dawibiate bangmah i hihi. PASIAN KAMMAL Mihingte sung ah nungta takpi cih upding a hihi.

Kumbeisa na nuntakna ah PASIAN in kipuah phat ding asakte Laisiang tho tangtung tawn in hong hilh hizawa,Nang hoihsak dan Laisiangtho adawk kha le adawk khalo in ki ngaihsun het kei in cih kong theisak nuam hi.Kum khatsung na nuntakna ah khantawh ki puah phatna ding zong a hihman in,na Laisiang tho tang dawh thupisim in nuntakpih,ki puah phat sawm in.

Na lungsim,Nagamta,Na pau le nuihnate, Nanek,Nadawnte,Na paingeina mun, Natut ngeina munte kikhelding ,topsan dingte tuni in topsan in Mangpha ki mudawn lo ding ciin kamciam pia in,Pasian kammal tawh nungta in.


B. NA NU LE PA,PASTORTE,KAMSANGTE TANG A THU HONG HILH IN NGAIHSUN IN
PASIAN Kammal tukum nadawh khak pen, A gelhte mawhsak kenla, Na NulePa,Na Pastorte,Kamsang te hong thuhilhdan in ngaihsut le cin san haklo hi. Nasan nop keia, Na thusim kei le Irael Kimpi Judah suan David bang in namawhna hang in gimna tuak ding na hihi. Nangma mimal le Na innkuan in kahna , sihna tawh thuak lawhthei ding hi.

David in a Galkap Mangpa zi mitheihloh in namawhpiha,ta nei hi. Tua hang in Kamsangpa Nathan in Pasian kiangpan sawlna ombang in thu hilh in,vatai gop hi. David amawhna meima pawn bang in omveve a, Atapa si in kapden in,lungkhamna a innsung ah tung hi.David zi Solomon nu pen Africa Ethiopia Kumpite tanu Bershaba hia ,David sihkhit Ehiopia ah ciang in tuate suante Mivom suak khin,Black Jews kici uh hi.

1986 pawl in ZION MOVEMENT te in Black Jews te mi 4000 val khong Ethiopia pan Israel gam ah pemlut pih uh hi.Mawhna, Numei ukna hang in Israel nam ah Mivom Africa namdang hong kihela,simmawh bawl uh hi.

Tuni in Pasian hong hilh na thusim kei leh na mawhna khaicituh na hang in na sihkhit ciang nangawn in natate,napawlpi, na mipihte,na innkuanpihte agimpih omlai ding hi.

C. NA LAISIANGTHO TANG DAWH KHAK NANG A DING IN A HOIHPEN HI THEI
LAISIANG THO tang nangah pen nang ading in a hoihlam le nuntakpih ding in la ding in kong deihsak hi.

2015 kum in ka dawh khat Paul gelh "Numei le Pasal ki lung gulhna lam hia", ki khelna in kazanga, ka heh keia,ka lung adam hi.

2016-2017 Late 1:2 "Ama nopsakna pen Topa thusungbek hia,sun le zan in amathu angaihsun mi a hihi"....

Hih mun ka ngahciang in 2010 pawl in Yangon Siyin BC ah Rev. Dr. J.M. Paupu in a thuhilh kazak ngei ka phawk kik hi.

Hih Late sung zang Pasian in a ma kammal tawh kei honghilh in ka ngaihsun a, ki puahphat ka tumhi. Sun le zan jn ama thu lung ngailo in, Sun le zan in Computer mai le Hand Phone tawh zanhak zen in ki maituah hizaw ka hihman in, Topa in ka hih lohna,ka hoiohna zong hong itman in a hoih bang in hongsang in,aw khum tawh hong hilh in ka ngaihsun in, Ka ki khel sawm hi. Nang zong na Laisiangtho tang dawh khak nuntak pihzaw ding in kong deihsak hi.

E. NA LAISIANGTHO DAWH KHAK LUNGKIM IN
PASIAN Kammal dawkkha,A kisim thei,A khiatna thei thei na hih man in, Nang khauhtak hong hong kona, thu hilhna, tha piakna ahizong in heh in, lungsimnat in ngaihsunlo in Topa in tukum cidamtak in ka muh ngeiloh nithak, kum thak hong mangsak thei cih phawk in Topa hoihna natungah hong tunna hang in,Topa min phat in lungdamthu ko zawding in kong hanthawn hi.

Kumthakni pen kumlui hilo ahihman in, abeisa thute hang in mite maitailo in, omkha kei in. Pasian in nahehna nitumsak lo ding cihi. Hehna nitumsakte Kum athak hang alungsim ki khello dinga, Thu umlo Dawibiate bang, Christiante bang lo hipah hi.

2009,Tahan ah Pawlpi khat ah A gilo Mokhat ,a teknu asimmawh khat a Laisiangtho tang dawh in sukha lua a,a kituam koihdan in um in, ciah vingveng in nuak tai hi. Tu kum 2017 Kum thak ah zong Ka Pawlpi uah Tangval Sangnau pang alawmpa hoihlo khat tawh ki thuah zelpa Laisiangtho tang dawh inthu hilh hi.

PAUNAK 1:10 Kata aw mi hoihlote in nang hongzawl ciang un, ama zawlna zuikha kei in. Laisiang tho tang dokkhapa Nai Hli Paletwa pa ading in Haksat hun ciang hongtaisan te lawm gina lo te pel in cih na zong a hihi. Avak uh le Kawlte in vuaa, A lawmpa in huhlo, inn lah kolo in taisan hi. Tuni in nang kinpuahphatna ding in Pasian Kammal dawkkha na hihman in,thupi sim in ciamteh in zuihding thupi hi.

F. THUKHUPNA

PASIAN in a manasemte mimal le innvak in hong hilh mahbang in ngaihsun in,na Kum thak laisiangtho tangdawh thupi sim inla,nuntakpih in. Atompen kumkhat pan khantawn manding Pasian humuap thunungta a hihi. Nang mah ah Pasian kammal nungta lo in,nazuih theihkei leh nangma lam ah a kisam oma,Topa tung ah ki apzek ding kisam hi. Topa in Thupha hong piatek ta hen.(Dec.2,2017 Monday.Yangon)

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: ZOMI LEH KUMTHAK PASIAN KAMMAL. Agelh ~ Kham Lam Tuang Description: Rating: 5 Reviewed By: Cinpu Zomi
Scroll to Top