728x90 AdSpace

Hot
Menu
Zon-ol na Donate

Latest News

Calendar Pan Na Paikhia Mai Ve February (14) Aw...... (Sex Education).

Calendar Pan Na Paikhia Mai Ve February  (14) Aw......


“Ha Han...........”
Ki zia diatdiat kawm in lupna tungpan ka thokhia hi.

Huih siangtho dik dingin inn pua ka pusuak leh

“Aw Hoi!”
“Zingtuungtuung lampi ah mi tam si ee”
“A tamzaw lah lawm ki ngai vive”
“Hotel lam zuan deudeu mawk ve uh ee”

Ka omna uh pen mitam lo na mun thupi lam hikhol lo hi. Tua ahih manin Hotel te ah zong mi tam tung ngei khollo hi.

“Tuni a bangci phadeuh aitam maw”
“Tukha pen Frebrury kha cileng bang om aile??....”
“Aw...Aw...”

Tua bangin ka lungsim sungah kei khia ka ki hoho laitak ka mangngilh nop penpen khat hong lungsim sungah hong suak lian hi.

(Ka phawk kikkik pen ka U
Ka ngahkik nawnloh pen .......)

A beisa kum nih lai hih ni aa thupiang

[U Khup]“Ngaihno......”
              “Ngaihno......”
Ngaihno ci-in a khut me khat lam in a ki ithuai sak maitang leh awkhum taktawh


[Kei] “A bang ahia, ki ithuai sak sicia”
[U Khup] “Khat bekbek...”

[Kei] “A bang maw khat vei bekbek?”
[U Khup] “ A theilo ki neihse”
               “ Tuni lawm ki ngaite ni hiven”

[Kei] “Tua tawh bangki sai maw”
[U Khup] “Ki sai mah ee, midangte zong tua daan vive hiven...”
               “Nang kei hong ngailo maw leh ngaihno?”

[Kei] “Ngai mah ee...Tua tawh bang ki sai”
[U Khup] “Sai ee maw, hong ngai takpi hile cin hong pia ngam ding hive cin, nong ngaihloh  man aive”

[Kei] “Pia mahlo dia”
[U Khup] “Maw...Takpi maw”

[Kei] “Ih ki ten ciang ee....hehe”
[U Khup] “Haaa.....Ngaihno  nangbel.....”
Ci-in ka U Khasiat mel tawh dai didu hi.

[Kei] “Hei! Ka U, a bang ci daan nahia?”
[U Khup] “Bang mah cikeng eee...Bangbang gen taleng hong um lo naihcia...Ih ki ngaih zong kum nih bang phata...Sianggen leeng noptak aa ei kia ki kholh khak zong om ngei mello...Kei zong Pasal khat mah hiveng, ka lawmngaihnu tawh ka nopsa nuam sam ke..”

[Kei] “Aaaa! Tualeh tun nopsa lo maw?”
[U Khup] “Hilo ee..nopsa mah ee...Hi sang a nop zaw lai ding a ci?”

[Kei] “Tua daan hi leh nopsa zaw ding maw?”
[U Khup] “Gen vetloh hi ziau ei Hehe”

[Kei] “Haa.....U,Nang mahmah bel...”
[U Khup] “Maw...ci lel ni maw Nau....ei nopsak ding mah a thupi pen hi”

[Kei] “ Himm....U....Nang hong nusia ziau lecin ee bang cih ding?”
[U Khup] “Lungnuam oo..hong nusia ngei kei ning Nau”

[Kei] “U..nang a theilo hong ki neih ziau le cin eee”
[U Khup] “Tua ci ngei vet kei ning ei...”

[Kei] “U ,nang hong tenpih kei lecin ee..”
[U Khup] “Nang hong tenpih lo in kua tenpih mawk ding ka hia Nau aw...”

[Kei] “ U ..nong khem mawk leh bel....”
[U Khup] “Hong khem ngei mahmah kei ning Nau, hong um oo maw...”

[Kei] “U..PK daan in na hai khit ciang hong pai ziau lecin ee?”
[U Khup] “ Tua ci mahmah kei ve ning awwwwww”
               “Hong umzo mahmah lo maw Nau, nasa lua ing..”
               “Ka maitang hong en dih ve Nau”
           “Kei mah na U in nang bek mah kong ngaihluat na theih sa aive..Tuni ki teng ni na cih leh zong ki teng nuamlua ta hehe”

“Tua aihcia....tuni a nopthei pen in om ni maw NauNau” ci kawm in a nopsa mahmah Ka U..................

Numei te pen ih lawmngaihte a nopsak ding ki deihsak ahih mah bangin a nopsa ka U ka muh ciang kei zong ka lung a kim kha hi. A ki lawmlo a ngeina a hihloh lam a thei ka lungtang pan bel ki suang geugiau na khat hong lut hi. Ka ngaih mahmah ka U ahih na tawh ka ki nem hi.


Kha nih khit ciang.....

[Kei] “ U..U aw na nuam mahmah ding khat om”
[U Khup] “Bang ahia? Hong gen dih ve Nau”

[Kei] “Naupaai ta ing ei U”
[U Khup] “Bang! Bang ka ci eeeee!”

[Kei] “Nang tawh Nau paai ta ing a ci..nuam lo maw U!”
[U Khup] “Kong zatui piak nelo maw?” ci-in aw sang tawh ka liangko pan hong lok gawp ka muh ciang

[Kei] “ U...ei a ki teng ding hilel hi ve hang, Pasian in ta hong pia pah aive ..a bang ci nahia?”
Ci-in khitui naptui tawh ka aw ling delhdelh in ka khe zong dingtang zo nawnlo in leitang tungah hong puk suk hi.

Ka U a hih leh a hehpih huai a ki tuk nilnel keimah hong phong ding cih genloh

[U Khup] “Nang bang numei in nau na paai zong kei aa mah maw ?”
“ Midang tawh na neih hin teh”

[Kei] “Kong ngaihluat man a na thu kong man hi.”
        “Midang tawh cih thadah nanglo pasal tawh zong a ki ho nuam nu hikeng”
        “Tua ci kenla..hong tenpih in maw U....?”

[U Khup] “Tua migai khat tawh ut zenzen keng”
              “Zi ka la zong in ut bangbang aa ka ompih theih ding nungak ka la zenzen keee, Ha Ha  Ha” cin huhna a ngen a ling keuhkeuh ka khut hong sawn tuk hi.
            
             Hong sawntuk khit ciang khawl nailo in
Nang bang mi tawh buai zo zenzen kei ning ci-in ka gawl nakpi tak in hong mek lai ta zen hi.
Kei zong ka thaneih zah in ka ki tomkhiatna hangin a nuailam pan si hong luang dandan lam ka phawk hi.

A hehpih huai ka nau kiakhia hi....

Kim leh pam aa om mi te huhna tawh zato hunlap in ka tung man in tuni ciang dong ka naknak laisam hi.

Tua migilo pa ahih leh tukhawngin thong pan suakta ta zen ding hi.

Kei ka hih leh tua thugilo ka sih dong ka mangngilh zo kei ding hi.
                 
Kei ading in Vanlentine ni in hong piak letsong ahih leh Naubu omlo a nungakna hi ta zen hi.

Tua ahih man in Nau numei te aw....khat vei bek na piakkhiatna tawh khantawn lunggimna leikha mahmah kei un maw......
                    
Lungkham sintawl maizum kisuanna hong pia Frebrury (14) ni aw.....Calendar pan na paikhia mai ta peuh ve maw......

Deihsakna tawh,
Taksin Thu

Ref :
ပြင့္ေၾကဖတ္ေႂကြ

Zomi eLibrary / Laibusaal in hanciam in akigelh ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Calendar Pan Na Paikhia Mai Ve February (14) Aw...... (Sex Education). Description: Rating: 5 Reviewed By: Cinpu Zomi
Scroll to Top