728x90 AdSpace

Hot
Menu
Zon-ol na Donate

Latest News

PASIAN’ NASEMTE LE SUM. Agelh ~ GSPau

PASIAN’ NASEMTE LE SUM
Agelh ~ GSPau


1. Elisha:
Elisha’ sawlna bangin Syria galkap mangpa Namaan, Jordan gun sungah sagih vei a kipap leh, a phaknatna teng damsiang ahih manin Elisha tungah lungdamkoh na-in letsong(lovegift) tampi puaksak hi. Ahi zongin Elisha in,”A na ka sep Topa nungta ahih mah bangin bangmah kong sang kei ding hi,” ci-in nolh hi (2Kum.5:16).

2. George Muller (1805-1878):
England gamah tagah 10,000 a khuasuahpa hi. Tagah kep a kipatcil lai-in a khut sungah sum pound 2 bekbek om hi. Khat vei mihau khat in sum pound 100 khak a, mailam ah zong a hun-hunin hong khak lai ning, kei bek hi loin ka lawmten zong hong khak nuam uh hi, ci-in lai zong khak hi. George Muller in,”Sia aw, nong sumkhak kong sang zo kei hi. Mailam ah zong hong khak nawn kei in. Ko pen Pasian in kum 26 sung tawntung hong vaak khin hi. Pasian sangin mihing ka muan zawk khak ding ka lau hi,”ci-in nolhna lai le a sum khak kik hi.

3. John Wesley (1703-1791):
England gam khanlawh nading a Pasian’ mizatpa hi. A nuntak sungin Lungdamnathu tangkoin tai 250,000 val khualzin a, 40,000 vei thu hilh hi. Ama’n,” I piakkhiat teng i manawh ding hi a, i khol teng pen i nusiat ding ahi hi,”cih gen den a, a sumlut khempeuh piakhia den hi.

A sih kuan ciangin, ”Ka sih ciangin ka khut sungah sum pound 10 a om leh damiahpa(robber) ci-in hong ciamteh un,” ci-in gen hi. A sih teh puansilh khat le sikkeu 2 bek mah nei takpi hi.

4. George Whitefield (1714-1770):
England gam khanlawh nading a John Wesley tawh na a semkhawm Pasian’ mizatpa hi. A aw sikgin valval a, thungai mi 40,000 zak khop dingin awliatna lo tawh awng zo hi. Lungdamnathu genin a vak kawikawina ah sum kipiate sang loin nolh den hi. ”Topa aw, kei lunggulh pen sum hi loin Nang bek mah hi teh. Nang tawh ka kinaizawk nading ahihnak leh nong piaksa sum leh paite leh ka cidamna mahmah zong lakik mai in,” ci-in thungen hi.

5. Billy Graham(1918 b):
Kum 60 sungin gam 185 ah Lungdamthu genin zin kawikawi a, khamangthang awn tampi Khris kiangah a tunpihpa hi. Pasian nasem khempeuh lak ah sum tam a ngahpen hi dingin kiciamteh hi. Ahi zongin sumvai ah genbanna cih nei ngei lo hi. A sum ngah khempeuh khamangthang zonna leh cimawh dongtuakte huhna vivein zang a, ama ci le sa nopsak nadingin zang ngeilo hi. Billy in, ”Ka inn taktak pen vantung hi, leitung pen ka lokuanna mun hi a, tu a ka teenna inn zong ka lobuk hi bek hi,” ci hi. Khristian ahi lo biakna dangte leh gam uk kumpite nangawn in mithupi khatin ciamteh uh hi.

*********************************************************************************

Zangkong Awging' laihawm panmun leen'te in Zomi eLibrary / Laibusaal ading in Phalna ahong piak ahi hi.

Source :
ZANGKONG AWGING
KHOL 21, HAWM 231, JUNE, 2010

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: PASIAN’ NASEMTE LE SUM. Agelh ~ GSPau Description: Rating: 5 Reviewed By: Cinpu Zomi
Scroll to Top