728x90 AdSpace

Hot
Menu
Zon-ol na Donate

Latest News

Pu Pu Hong Hilh Nuntakzia Ding Pawlkhat. Agelh ~ Vung Hau Lun @ Hau Lun

Pu Pu Hong Hilh Nuntakzia Ding Pawlkhat
Agelh ~ Vung Hau Lun @ Hau Lun

Photo : Cinpu Zomi leh Pu Vial Khan Dai

1.    Mi tawh na ki muh leh limtak in hopih masa in.

2.    Mi tawh na ki ho ciangin a mit tang en kawmin pau in.

3.    Na ki sil kawm lasa hiauhiau in.

4.    La khumna set hoih mahmah khat na neih nading hanciam in.

5.   Mi tawh ki tawtloh a phamawh hun ciangin nang lam pan a khauhthei pen in tawng pah in.

6.    Thu sim nei khinkhian in.

7.    Kuamah tungah ki gualzo sak kei in.

8.    Huhna hong ki ngetsim na hihzawh tan huh den in.

9.   Hangsan in.Na hangsan kei zongin a hangsan bangin om in . Mite-in a hangsan takpi hong sa ding hi.

10.  Huihut tum theih sawm in.

11.  Min hong gensiat loh nangin om in.

12.  Na zi/pasal ding limtak in tel in. Tua in na mai lam nuntakna ah nopsa ding maw nopsa lo ding cih a tamzaw hong khentat ding hi.

13.  Mi muhlohna mun ah zong a hoihin gamta in.

14.  Na deihkik lohding laibute bek mi kawm in.

15.  Midangte lametna te langpang sakkha kei in.

16.  Naupangte tawh ki mawl zelzel inla amau ki zosak in.

17.  Midangte na tungah hong khialh ciang, a nih veina dong maisak in.

18.  Na kiim na pam aa van leh nate it bawl in.

19.  Lungsim hoih leh lawpna tak tawh nasem in.

20.  Na sepna khempeuh ah na hanciam  theih tawp tawh hanciam in. A piangtheilo nate deih tentan kei in.


21.  Vai thupi na sep laitak ph len kei in.

22.  Na guallelh hunciang lungkia kei in.

23.  Na gualzawh hunciang ki phasak kha kei in.

24.  Mi khat peuhpeuh na thusimte na genma-in nihvei ngaihsun phot in.H aksatna a pia tawh ki bang thei hi.

25.  Mikhat peuhin hong hopih ciang thusimlo-in omkha kei in.

26.  Minpha ngah nading bekin nasem kei in.

27.  Ki phasak kha kei in.

28.  A lungkia mite thapia in.

29.  Na na sepma-in ngaihsun masa in. Na sepna khempeuh ah na ki sikkik loh nadingin a hoih penin sem pah in.

30.  Na sepna khempeuh ah na ki sikkik loh nadingin a hoih penin sem pah in.

31.  Ngimna sang nei in. Na tun nading hanciam pah in.

32.  Na lawmngaih tungah na ngaihna thu na gen ding zumkha kei in.

33.  Mikhat hanciamna bek tawh gualzawhna lianpi ki ngah theilo hi. Tua ahih manin na kiim na pam aa hong huh mite  tungah lungdam khial kha kei in.

34.  Na ngeina hoihte kemcing in.Midangte ngeina hoihlote na ngah khak loh nading in ki dawm in.

35.  Haksatna a tuak na lawmte huh hamtang in. Haksatna tawh a ki pelh mi omlo hi.
36.  Na la deihte ngai zelzel in.

37.  Singkung lopa a nim dildialna munhoihte ah hun na ngah ciang pai zel in.

38.  Midangte letsong piakzawh ding hanciam in.

39.  Ph hong ki sap ciang kamnem tawh dawng in.

40.  Na omna peuhah naciaptehna laibu kem den in.

41.  Nasep khempeuh thupi ngaihsun in.

42.  Na lawmngaih nu/pa lungnop nading hanciam in.

43.  Midangte huhna in lungnopna  hong guanthei hi.

44.  Midangte etteh huai dingin om in.

45.  Na ngaih leh tenpih in.Na ngaih kei leh khoih kei in.

46.  Midangte nopsakna susia kha kei in.

47.  Mi’ inn ah na hawh leh nektheih dawntheih khatpeuh puak in.

48.  Pilna sin sangnaupangte na hih theih zahin panpih in.

49.  Na sepna khat peuhah na gualzawh nop leh 20% pen nasep siamna hang hi-in, 80% pen mi tawh ki ho theih na ahih lam phawk in.

50.  Leitungah thuman bek om ahih loh lam phawk den in.

Ref :
Kyawnge

Zomi eLibrary / Laibusaal in hanciam in akigelh ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Pu Pu Hong Hilh Nuntakzia Ding Pawlkhat. Agelh ~ Vung Hau Lun @ Hau Lun Description: Rating: 5 Reviewed By: Cinpu Zomi
Scroll to Top