728x90 AdSpace

Hot
Menu
Zon-ol na Donate

Latest News

Suakta Takin Nuikhia Ziahziah In. Agelh ~ Vung Hau Lun @ Hau Lun

Suakta Takin Nuikhia Ziahziah In.
Agelh ~ Vung Hau Lun @ Hau Lun

Cidam nadingin khut leh khe tatkhiatna (exercise), khamtheih guihtheih zatlohna, sathau tamzat lohna cihte ih hanciam mah bangin ciamnuih khui etna, Cartoon khui etna cihte in lungsim pumpi cidam nadingin hoih mahmah hi ci-in mipil ten na mukhia uh hi.Sum leh paai tambeilo in cidamna ki ngah thei ahih manin thupi mahmah hi.

1.    Nuihna in damna zatui hoih khat hi.
Mi khempeuh in suakta takin ih nuih khiat zelzel samhang tua bangaa suakta takin ih nuihkhiatna in cidam nading bangzahtak aa thupi hiam cih ki theikha khollo hi.

Ciamnuih khui etna hang ahi zong a nuihzak huai thu khat peuhpeuh hangin nuihna in     nakhat peuhpeuh tawh kilemloh na (allergy) hangin a piangthei lauhuainate noptuamsak thei hi. Tua ban ah nuihna in pumpi’ natna dalzawhna khang sak-aa hong cidam sak hi. Pumpi zaw natna pan zong dalthei hi. Lungtang natna noptuam sak baan ah sisan sung aa a khum dat a hoih bek in piangsak thei ahih manin sikhum zunkhum natna noptuam sak thei hi.

2.    Sikhum zunkhum natna leh nuihna
2013,May kha in Japan mipilte in a kantel na uh pan annek khop kawm nuamsa-in   maitai, nuihna  in sikhum zunkhum kiamsak thei hi ci-in na genkhia uh hi. Annek ma-in ciamnuih khui etna in sisan sung aa a khum dat kiam sak thei hi. Tua ahihman in nuihna in sikhum zunkhum natna hangin hong piangthei kal natna,mittawtna pan hong dal thei hi.

3.    Lungtang natna leh nuihna
Nuihna-in pumpi zaw natna, sihui bawk natna, sihui natna tuamtuamte pan dal thei hi ci-in mipil te-in mukhia hi.

Mipilte-in bangci kantel uh hiam cih leh lungtang natna nei mi pawl nih in khen masa uh hi. Pawl khat nate pen hunman takin zatui nesak in pawlnih nate a hih leh nisim in min (30) sungta ciamnuih khui ensak uh hi. Tua daan in kum khat a cin ciang, pawlnihna te pen sikhang kiamin lungtang natna noptuam zaw hi ci-in mukhia uh hi.


4.    Nuihna leh thuakzawhna
American gam ah nuihna in cancer natna leh khantawn natna tuamtuamte damsak thei maw/damsak zolo cih mipilte-in na kantel uh hi. Bang daan in kantel uh hiam cih leh a cidam naupangte ciamnuih khui ensak in a nuih ziahziah laitak a vot mahmah tuikhaltui sung ah a ban uh sawtpi tak diah zo uh hi. Naupangte pen tuabangin ciamnuih khui a etlaitak un natna (pain) thuak nopsa uh aa lunggimna a pia hormone (stress hormone) kiamsak thei hi.

Lunggim detna in lungsim pumpi hong damlo sak beklo in na neihsa natnate zong suksia sak semsem thei hi. Tua ahihman in a cidam mi khat na ut leh nisim maitai-in na nuih den zawh nading mangngilh kha kei in.

Ref :
Healthcare.com.mm

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Suakta Takin Nuikhia Ziahziah In. Agelh ~ Vung Hau Lun @ Hau Lun Description: Rating: 5 Reviewed By: Cinpu Zomi
Scroll to Top