728x90 AdSpace

Hot
Menu
Zon-ol na Donate

Latest News

Zomi te Nampi ahiam, Namneu ahiam? Agelh ~ Tongseal

Zomi te Nampi ahiam, Namneu ahiam?
Agelh ~ Tongseal


Zosuan U le Nau te khempeuh,

African continent ah, nidang lai in, a Uk European Mikaang te'n a lau pepen, a deih hethet lo thu khat bang hiam cih leh- tribal tuamtuam in a kikhen, society tuamtuam a, a kikhenkhia, a ki deidan African tribal mi tuamtuam te pe'n in, common dialect khat- common language khat a neih khak ding- common language neihna ii a thupiit zia, hong phawk khak ding na lau penpen uh hi. Tua pen, slavery trading hun leh colonial hun a hi hi.

Common language/dialect African tribal te'n hong nei kha mawk leh hong kipumkhat ding a, hong tha haat mahmah ding cih, European slave masters te'n na mu khin ta uh hi.

[The most briliant and cunning tactic the European come up with was, to make the African tribal believe that learning serveral dialects was important, on the other hand having a common language was a bad idea and un important.]  Many African tribals fall into this greatest deception, thus, split into many African tribal societies for many centuries, suffering the continued oppression under slavery and colonialism. Today, we can see that, the African continent is divided into many small countries as the result of the European's cunningness and policy of "Divide and Rule".

Someone among us, likes to apply the same theory, for Zosuan, as the European did- in Africa. These types of people do not want unity among all Zosuan, they like to divide us, thinking they will be able to  have the upper hand and rule in the future.

Europeans te'n, African continent ah Khaicii hoih lo Vawh:
European Mikaang te'n, African te koi ci khem uh hiam cih leh, "Common language/dialect neih kul lo hi, kisam lo hi- mihing khat sial in, dialects tampi te sin ding, pautheih ding thupi zaw hi" ci in, na khem uh hi.

Dialects tampi tawh kikhen den leh, kampau kibang khat neih ngei kei leu uh- ki pumkhat zo ngeilo ding, unity nei ngei lo ding uh cih pen, European Mikaang te'n, tu ma, kum zaa tampi lai, na mu khin ta uh hi. (Cunning tactics in azat uh hi)

Tua man in, African te'n one common dialect, a neih thei lo na ding in, dialects tampi pauthei te, rewards na pia uh hi, khasum tampiak zaw, min phatna khawng zongh pia uh, nasep hoih pia uh- tribal sung pan elite society dan in mi te'n musak. Mi nautaang te sang in, apilzaw, asiamzaw leh a thuthei zaw dan in na laamto uh hi. A ngiimna pi uh pen, common language aneih theih loh nang a deihna hi.

Common language neihna in, ki pumkhatna piang sak hi. Kampau tuamtuam zatden na in, mite kikal hong kikhenkhia sak a, hong ki deidan sak hi. Tua a theilo, African mi te'n slavery hun lai khawng, colonial hun lai khawng in, dialects tampi sin ding, theih ding a thupi sak tampi om hiEuropean Mikaang te khemna a uphang uh hi bek hi.

Hih context tawh i et takciang in, Mikaang te khemna a um a, African te dialect tampi a sin te pen, tualai hun a ding in,  mihai taktak uh na hi zaw uh hi.

Tuhun mahmah in zonghZosuan te khempeuh i kipumkhat theih nang in, Zosuan te dialect a kitam zat pen a hi, Duhlian dialect (Mizo pau/Lusei pau) zat himhim ding kisam hi. Ih kipumkhat ding, a deihlo te'n, common language neih kul kei, Duhlian pau zat kul kei, na ci den uh hi. Dialects tampi sin peuh leng na ci uh hi. Hi bang, kikhemna te um in, dialects tampi sinnopna, sinna ih neih aa leh, mihai pen pen ki hi zaw ding hi.

Zo minam te khempeuh pen in, Duhlian/Mizo dialects ih zat ngiat kul hi. Tua bek in, Zosuan khempeuh hong ki pumkhat sakzo bek ding hi. Zo Identity zongh i let gai kul hi, hih identity in, hong kipumkhat sak zo bek ding hi. Northern Chin State khempeuh Laizo, Zotung, Zophei cih aa kipan, Tedim, Tonzang gam khempeuh Zo identity a kizangh gai sa hi. Southern Chin State ah zongh Yaw icih te, Cho icih te, Yo ahih kei leh Zo tawh a kibang gai hi lel hi. Spelling tawm bek a ki lamdang hi in, Sisan khat, identity kibang khat a nei gai kihi khin ta hi.

Zogam pen, gol khol lo a, Zo Minam te pen, tua zah in, kitam khol lo hi. Tua man in, ei leh ei "Chin" khawng kicih tuam kul lo hi. Atuamtuam in kikhen kul lo hi. Chin ikicih aa leh ih Unau Sanggam te a hi, Mizoram a teeng, Manipur aa teeng, Bangladesh aa teeng te tawh hong kikhensak ta hi. Hong kipumkhat sak thei non lo ding hi ta hi.

Zogam schools te ah, Duhlian/Mizo/Lusei pau subject khat, singai ding pen tampi in, baih zaw ding hi. Dialects tampi schools te ah sin ding cih pen, khiatna nei ngiatlo hi. Schools te ah, sangnau pang te'n subject 6 bang, full time in sin ta- tua tawh ki taaklah mahmah ta ci leng, dialect dialects 44 - 65 a subject ding in, sinsak beh ding gen kei ni, dialect 13 sinsak beh bek lehang zongh, a lai dang te koi ci sim non ding uh ahiam? Piang thei ngei lo ding hi. Hibang, zuau thu gen te pen, hah tang aa, hong  khemkhem na hi lel bekhi. Hi bang, kikhemkhem na te, thu maan sa in, African te dan in, i up lailai ding hi non peuhmah lo hi.

Duhlian/lusei pau, izat kim thei na in, unity hong neisak pen ding ah, Zosuan teng hong kipum khat sak gai ding hi. Dialect dang isin sin hang in, Duhlian/mizo pau zah in, hong gawmkhawm zo ding cihmah hun in, om lo ding hi.

Tu hun in, awareness khaicii i vawh vawh ding kisam pen hi. Nidang lai pan aa kipan, Pu Khupzago te, Pu Vumson te, Pu Hrekio te etc. etc. ii a khuamuhna, a thu theih na, a hoih zia pen, tu ni in, gamdang tung sa te, tampi tak in, kimu toto thei ta hi. Kawlgam sung ah Myonee neuneu te ah isolation tawh i om lai hun in, hi bang, thuhoih te, imuh ding baihlo mah hi. A hih hang in, gamdang atung sa khempeuh te in, Zo nationalism tawh kisai pen, point of view a zaathei penpen, a gol thei penpen, a broad thei penpen ding i en zaw ding hi.

Chin State sung bek, i limit den leh iphattuam na zongh, hong neu pah ding hi. Zosuan teng tenna buppi ahuam ding in, i et theihni, thu ingaihsut theihni bek in, iphattuam na hong tam pan ding hi. Myonee bek en kei ni. Zogam buppi en zaw ni.

Ih Zo unau pih te a hih Mizoram, Manipur, Bangladesh te tawh ki khenkhen nuam non kei ni. British te'n hong khen ta, Vai te'n hong khen ta, Meitei te'n hong khen ta, Kawl te'n hong khen ta a, tua te thei gegu in, eimau mah in zongh- kikhenkhen nuam lai ding i hi hiam? Mailam hun, transition hun ciang, Ih kigawm theih na ding pen, ei khut sung ah om ta hi. Kawlgam Zosuan te khutsung ah om ta hi. India Zosuan leh Bangladesh Zosuan te tawh kikhenkhen nuam non dah ni.

Kampau khat, Identity khat pua gai ni. Tua te geel in, outside force khempeuh hong do zo sak pen ding hi. Myonee tuamtuam kampau neu nono te peuh ki tuh tuh nawn dah zaw ni in, Zosuan te lah ah a ki tamzat pen, Duhlian pau zangh kim ziau zaw ni. Simple majority te'n agreement ineih naak aa leh gentehna- vote apia teng sung pan 51% in, a thu kim naak aa leh Zogam legislature sung ah common language ding in, a ki confirm thei ding hi pah lel hi.

Adang 49% in, deih kei phial ta leh Duhlian pau pen, common language in ki confirm veve ding hi.

Kampau khat neih ding, Zo identity khat nei khop gai ding pen, ei te khempeuh in, koi koi ah om mah ta leng, campaign i bawl den ding kisam ding hi. Mi khempeuh in, a hoih na, a thupina i muhsak zawk ding kisam mahmah masa hi. Tu hun pen, awarness khaicii vawh hun, khaicii tuh hun hi a hih lam mangilh kei ni. Zosuan khempeuh, phattuam gai theih nang, en ciat zaw ni. Myone khat peuh phattuam na ding, en dah zaw ni.


Deihsakna tawh

Tongseal            

Source :
From: Tongseal <tongseal@...>
Subject: Re: Zomi te Nampi ahiam, Namneu ahiam?
X-Yahoo-Group-Post: member; u=86419532
X-Yahoo-Profile: tongseal
X-Yahoo-Newman-Property: groups-system
X-eGroups-Approved-By: tongseal <tongseal@...> via web; 04 Nov 2004 09:31:04 -0000
X-eGroups-Remote-IP: 66.94.237.41

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Zomi te Nampi ahiam, Namneu ahiam? Agelh ~ Tongseal Description: Rating: 5 Reviewed By: Cinpu Zomi
Scroll to Top