728x90 AdSpace

Hot
Menu
Zon-ol na Donate

Latest News

Suah Kha tawh ki zui lungsim pai zia, Lungsim Puak zia!! Atei ~ Mangbawi (New Delhi)

Suah Kha tawh ki zui lungsim pai zia, Lungsim Puak zia!!
Atei ~ Mangbawi (New Delhi)
Leitungmi JANUARY kha pan DECEMBER kha kikal sunga a suak te ii a mau suahkha tawh kizui-in a lungsim puakzia leh a gamtatna zia leh tong te tuni ong gelhkkhia ing.

1. JANUARY :
Hih khasunga a suakte pen meelhoih, niikten, puansilh, kizep uk mahmah uh aa,na khat peuhpeuh cimtak baih uh hi. Lungtang phaa mahmah in, kiniamkhiat zo mahmah leuleu hi. Lungsimnat na khat peuhpeuh atuak uh ciang lungnuam baih, a mau leh a mau ki zo pakpak lo uh hi. Lungsim buai ziazua thei pahpah hi a, na khat peuhpeuh thupi ngaihsut in, thuaklah phadeuh hi.

2. FEBRUARY :
Amah pen Sianu Cing Van Kim hi in Laigelhsiam, Lai endik siam, Minam itngiat Zoliapaal khat ahih banah Zato Siama khat ahi hi. February kha sungin asuak khat hi in a facebook min : Cing Van Kim hi.

Hih khasunga a suakte pen lungsim thuk nei uh a,thungaihsut uk mahmah uh hi. Pil mahmah in,a om zia uh a hunzui in kikheel kheel hi. Maizum baih,kiniamkhiat uh a,thuak tak thupiang cih khawng vei mahmah uh hi, kiniamkhiat uh a, hehbaih leuleu uh hi. Ci leh sa lam ah iplah huai mahmah uh hi,suahtakna nuamsa uh a,a ut, a ngaih khat tawh ki-awi loin, kikham leh a lehpan tiltel pawl uh hi. A tupna uh a tun mateng citel tal uh a, hehbaih leuleu uh hi. Thu khat peuhpeuh mainawt ding nuamsa uh hi. Sumzat hang mahmah uh a, hehna te a puatham ah lakpah pah lo uh hi.  Mite’pahtakna ngah baih uh hi,a kisamlo thu te kin vet lo lel uh a,gualnopna lam uk uh hi. Thu khat peuhpeuh hi tentan thei uh a, simtat cih khat pen zangthei gige uh hi.

3. MARCH :
Hih khasunga a suakte pen it huai, lunglut huai,ci leh sa lam ah iplah huai, thuman, citak uh hi. MI TAWH KITAWP PEN A UK MAHMAH UH THU khat ahi hi. Mi hehpih thei mahmah leuleu uh hi, Lungmuanna cih pen lunggulh mahmah uh a, hehbaih uh hi,Itna thu leh la khat peuhpeuh kithuk kik cih pen zangthei uh hi .Nasep hanciam uh a, na khat peuhpeuh kemcing tentan thei uh hi. Mi muanhuai te hi uh a, na khat peuhpeuh khinkhai in ngaihsun uh hi.


4. APRIL :
Amah pen Zomi social media ah amin thang mahmah khat ahih baan ah laigelh siam, UK gam ah siamsin taangpaal khat ahi hi. A facebook min : L T Tuang hi.
April kha in asuak khat ahi hi.

Hih khasunga a suakte pen ciamnuih ukk, kheltat, mitawh kikhawlthei ziau pahpah, kamtam mahmah, hehpihna nei, thukhat peuhpeuh a tel dong kanteltal, mi huhnopna lungsim nei, midangte tawh naseem khawm thei, citak, kuhkal, a khuak hoih, mi’ heh nading gamta nuam lo, mi hanthawn siam ban ah a mah leh a mah zong kimuanna nei, khualzin kawikawi khawng ukk mahmah, piakkhiatna hat, kimawlna leh tumging,l asak cihte ukk mahmah uh hi.

5. MAY :
Hih khasunga a suakte pen hehbaih lungkim baih,kithusim ngait ding leh phatngai pawl,midang tawh kizopna ah maizum thei, ci leh sa lam ah ip lah huai,mi hanthawn siam, lungtangkhauh, mi thuhilh te sangthei phamel lo,inn sungah kulngeungau liang aa omcip cih khawng a ukk nam hi lo, lungsim manlang, lai leh pilna lam ah ukkna nei,piakkhiatna hat, ta tampi deih lo,om mawkmawk cih khawng zangthei lo uh hi. Mi telsiam thei, a bil leh a ngawng tawh kisai zawngkhal baih, thungaihsut deda cih khawng a ukk nam,khualzin ukk mahmah uh hi.

6. JUNE :
Hih khasunga a suakte pen mi tawh kikholh luailuai nuamsa uh,l awmngaih lam ah hi zualzual uh, vak kawikawi cih khawng nuamsa mahmah lel, mi it mi ngaih in om thei uh, model, minta, mintami, movie kizaih ding khawng ukk mahmah uh, mi thakthak tawh kikhawl thei,thu leh la ciapteh hat mahmah uh hi.

7. JULY :
Amah pen Laigelh siam mahmah khat hi in July kha sungin asuak khat ahi hi. A facebook min : Thang Khan Lian hi.

Hih khasunga a suakte pen kipawl pih dingin nuam, a hih hang a lungsim taktak telhak,cihtak, kuhkal, a heh nading eh a nuam nading khawng a om kei leh dai khikhe lel uh, mi huhnuam,mi’ muan leh suan in om thei, thu khat peuhpeuh thuaklah baih, thu kihilh thei,khuak nakzat mahmah pawl, ciim, lawm leh gual pen thupi sa, thu leh la ngaihsun lo-a na khat peuhpeuh sem khia lo, mi muan dingin a om mah bang aa mi makaih zo leh a kisapna ah han giapgiap in tai ziahziah lel,mi muhdah ding ut masa lo, lawm leh gual it thei mahmah nam,thu nung thu ma khinkhai thei,lai leh pilna lam ukk,mi ‘mawhna maisak pahpah zo napi manngilh thei lo,kizen mahmah hi.

8. AUGUST :
Amah pen Minam vei phadeuh zoliapaal khat hi in ZCD Party sungah zong akihel khat ahi hi. August kha sung in asuak khat ahi hi. A facebook min : Niang Sen Zomi hi.

Hih khasunga a suakte pen a ci a sa uh etsuah mahmah aa, a khat peuhpeuh semkhia ngam uh hi. Lungsim neem mahmah uh a, mi hehpih thei hi a hih hang phulakik…. thukkik cih pen a ukk nam uh, kikem zo, ki muanna nei, hiphengpheng thei, thugen, lasak, tumging cih te ukk mahmah uh, midangte in zeeknuam in uk nuam vial leh a heh baih pawl, ki hopih dinga nuam,kidawm thei uh, thu ngaihsut hat, lailam ukk mello, it dingte it thei, mitungah kinganuam lo, suahtakna deih, mi huh thei, na khat peuhpeuh lungkia baih napi sep loh, hanciam loh in bang mah kingah lo hi cih thu tawh nungta mite a hi uh hi. Ommawh in kimawl hat mahmah uh a, a lungsim uh telhak mahmah hi.

9. SEPTEMBER :
Hih khasunga a suakte pen thugensiam, na khat peuhpeuh lawp thei mahmah, midang te’ buaina lemtuah zo, mi huzaap zo, thu ngaihsun sun thei, khialhna khat nei leh kisikkik ding baihsa lel,lungsim khauh nei, hangsan, na khat peuhpeuh semkhia ngam, mi hehnem siam, pawlnuam, lunglut huai mite hi uh a, lungtang khauh mahah uh hi. A khuak uh hoih mahmah in thuciapteh hat mahmah uh hi.

10. OCTOBER :
Cinpu Zomi (www.laibusaal.com) Zomite laisim ding veina tawh laite kaikhawm in asuah den khat ahi hi. October kha sungin asuak khat ahi hi. A facebook : Tg Cinpu Zomi hi.

Hih khasunga a suakte pen ki hopih dinga nuam mahmah, a mau a it thei te bekmah it lel uh, zuaukhem thei napi kineih thei lo uh, hehbaih, l ungkim baih, hangsan, a sung a pua a lungsim uh hoih, na khat peuhpeuh thupi ngaihsut, pawlnuam, lawm leh gual thupi bawl, thungihsut ukk, lungsim kikep ding awlmawh lo, a lungsim uh telhak, ci leh sa lam ah iplah huai mahmah uh hi. Mi tei, mi picing a ki veek mahmah nam te a hi uh hi.

11. NOVEMBER :
Hih khasunga a suakte pen a khuak uh hoih, ciim in a lauhuai mahmah namte hi in ngawngtat vatvat thei uh hi. Mi hehpih thei leuleu zel, citak in thuman uh, koici bangin gualnuam tak a om thei ding cih theisiam, ci leh sa iplah huai, om mawh, thusim nei thei uh, mitampi takin muang, a lungsim uh manlang, heh vatvat thei, kuamah tungah kinga khollo, mi makaih zo, a mau leh a mau ding ngam, mitawh koici bangin kikhawl ding cih thei, a khuak uh tai mahmah a hih manin hi khasunga a suak lawm na neih uh leh khahsuah kei un. Hi bang mite pen lawmhoih khat ong hi hamtang ding uh hi.

12. DECEMBER :
Amah pen laisim uk mahmah khat leh laigelh siam khangno khat ahi hi. December kha sungin asuak taangpaal khat ahi hi. A facebook min : Zam Sian Lian hi.

Hih khasunga a suakte pen mithacing, melhoih te, piakkhiatna hat, pawlpih dinga nuam, mi huzaap zo,kimawlna leh lawmtatna nuamsa, a khuak uh hoih, minam lungsim nei, midem nuam, hehbaih, nuam baih, ciamnuih ukk, ngaihsutna hoih nono nei uh, ngimna sang nei, makai dingin muanhuai, tumginglam ukk, lungsim neem, kampau khum dakdak, mi tawh thu kinial lam ah khauhpai mahmah, kipawlpih dingin muanhuai, mi tawh kikhawlh dan siam. Kha dangdang aa a suakte sangin tuamzawkna khat mah nei veve uh hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

2 comments:

  1. Nasia lua kei October hiveng kibang pian hang ei heeeee

    ReplyDelete
  2. Maimai lopi cinpu Aung San Suh Gyi suah kha leh aman khawng hile phadawm ve...

    ReplyDelete

Item Reviewed: Suah Kha tawh ki zui lungsim pai zia, Lungsim Puak zia!! Atei ~ Mangbawi (New Delhi) Description: Rating: 5 Reviewed By: Cinpu Zomi
Scroll to Top