728x90 AdSpace

Hot
Menu
Zon-ol na Donate

Latest News

Na Mittang Dawm In. Atei ~ Vung Hau Lun @ HauLun

Na Mittang Dawm In.
Atei ~ Vung Hau Lun @ HauLun


          Mittang power bang ci khiap ding cihpen a ki thei nuam mahmah dotna khat ahi hi. Mittang pen power khiam nuamlua liangin i khiapdaan a maan kei leh power khang zawsop thei mawk hi.

Sianggen leeng mittang power khiap ding pen haksa mahmah hi. Khangno mit hoihlo a tamzawte pen a gamla enleng a mialte ( အေ၀းမွဴန္ )  hi. Game, TV, Compute te hang hi cileng kikhial lo ding hi. Tu hun ciangin, Online leh facebook ki limzat mahmah aa mit siat nading tha pia semsemhi. Ph pan lai-et na-in zong mit siasak mahmah hi. Anuai-ah mittang power a kiam nading leh mittang siatloh nading kidophuai pawlkhat kong gennuam hi.

          Mittang power a kiam nadingin mittang tawlngak sak ding thupi pen hi. Ph, Computer, TV screen pan a ki ngah khuavaak luate en kei in. Et loh aphamawh te-in khuavak (brightnes) a tawm thei pen tawh et ding kisam hi. (Tua bangin a tanglua khuavakte-in mittang satak angeina sang ton sak zaw ahih manin power a khang ahi hi.) Tua bang set vante pan hong piang a tanglua mei bek hilo, sun ni tanglua na ngawn thuak keileng a hoihpen ahi hi. Tua ahih manin nisa nuai ah ih vak ciang nisa dal mitlimlang thuah ding ki sam hi.

          Ihmut cimlohna zong mit siatna ahang khat ahi hi. Lunggim luatna-in zong mittang satakte kigak sakin mittang power khangsak thei hi. Lungsim leh mit tawlnga sak in. Mittang pen minute (10) in khatvei ta tawlngak sak ding kisam hi. Arun Sethi aki ci mittang siavuan pi khat in hi bangin na gen hi, “Tu hun aa, khangnote pen Computer, ph aki pan set van tuamtuamte tawh ki gamla theilo hi. Tua ahih manin mit cidam nadingin sepding khat bek om hi. Mittang zangaa na nasep ciang  Lu kun, lu dak exercise (20) vei bawl in. Tua in mit leh ngawng sisan paidaan hoih sakin  mit power kiam sak thei hi”.


          Mittang tawlngak sakna-ah Rule of 20 zat ding thupi hi. Rule of 20 a cih pen mit zangin nasep ih sepciang minutes (20) a cingsimin ေပ (20) a gamla van khat peuhpeuh secand (20) sung etna tawh mittang satakte a tawldam sak exercise khat ahi hi. Hih exercise in mittang thahat sak tuam mahmah hi.

          Mittang zong tuidat dip ding kisam hi. Tuidat kisam lua leh mit keu-in mit mangna/mialna piang sakthei hi. Tua ahih manin tui tampi dawn ding kisam hi.

          Zingsang thawhphetin maiphiat pahna zong mit ading hoihlo hi. Kam sungah tui tawlkhat muam photin maiphiat pan leng mittang votsak aa mit satak atonte ki zansak ahih manin mittang powet kiamsak thei hi.

          Mittang power a kiam nadingin Eye Relaxation Exercise zong bawl huai mahmah hi. Bangci bawl ding; Amasa penin na  khutpekte geel a lum dingin tat in. Na khutpekte hong lum ciang, na mittang a langtuak tungah nga kawmin “ Ka mit satakte ki zan ta ei” cin na lungsim sungah ngaihsun in. Hih exercise pen hun ngahlo Computer tawh nasemte ading hun piakkul lualo ahih manin manpha phadeuh hi.

          Mit limlang bulhte ading exercise hoih khat om lai hi. Tua in, Mittang a tung anuai,avei atak ki lehsak ding hilel hi. Amasa pen in a tunglam en in. Tua khitciang, nai kung a kipei bangin damdam in a bem in mittang ki pei sak in. Tua bangin (10) vei bawl in. Tua khit ciang, a tung lam en to leuleu inla, nai kung a ki peidan ii a lehlam panin damdam in a bem in en in. Tua daan (10) vei mah bawl in. Hih exercise in zong mittang satak cidam sakin mittang power kiam sak thei hi.

          Mit thahat nadingin nek leh dawn teelsiam dingzong kisam hi. Vitamin A, Vitamin C, lutein leh beta carotene tam kihel nek leh dawnte-in mittha hatsak hi. Ngapithau, Nunun gah, Thawhbat gah, Maigah, Gamsuaklu gah leh Leenggah te tampi ne in. Anaipak singgah tampi ne in. မုန္လာဥနီ sungah mittha hatsak beta-carofene ki hel ahih manin nisim nekding kisam hi. Ahawng khauh singgah (gtn- Singpigah)  leh Ngapithau sungah Omega (3) ki hel ahih manin mittha hatsak hi. A khumdat in khua muhna siasak thei ahih manin akhum lam tam nek kei in. Zu dawn kei in. Zatep kei in.

Tangmaigah a pan dildel aa lemin mit tungah belhna-in zong mitsatak tonte ki zalsak thei hi. Zan lupding ciang, tua bangin hih leeng zingsang thawh ciang i mit hah daan na nop mahmah hi.

          A tawpna ah mit thahat nadingin, nek leh dawn teel siam ding, mit exercise bawl ding thupi hi. Nisim in Aktui tang khat ta leh a thuk singgah, a naipak singgahte ne den leeng mittha honghat in mit power hong kiam ding hi.

Ref;
Dr. Aye Min Htoo

Laibusaal/Zomi eLibrary hanciamna tawh laigelh Sianu kiang cial-in aki gelh sak ahi hi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

1 comments:

Item Reviewed: Na Mittang Dawm In. Atei ~ Vung Hau Lun @ HauLun Description: Rating: 5 Reviewed By: Cinpu Zomi
Scroll to Top