728x90 AdSpace

Hot
Menu
Zon-ol na Donate

Latest News

Tehpih omlo Tuunnu Itna. Agelh ~ Dong Za Mung(Mauvom)

Tehpih omlo Tuunnu Itna
Agelh ~ Dong Za Mung(Mauvom)


Isaiah 54: 10 “Bang hang hiam cih leh mual liante kihemin, mual neute a kikhin zongin nang kiang pan ka itna kip paikhia ngei lo dinga, na nopsakna ding keima thuciamna kiin lo ding hi,…”.

I Nute’n bangzahtakin hong it hiam cih Canada gam a thupiang tungtawn in lungngai pha in, I Nute hong itna phawk kik dih ni!

Tuma kum tam lua nailo khat in Canada gam a thupiang hi bang ahi hi.

A ithuai mahmah naupang David in leitung nate a sin, a phukhia dingin hong piang khia hi.

A nu zong nuam mahmah in nuihmai siusiau den mai hi.

Nikhat a tapa David a ihmut laitakin Luai ah sialin amah Huan ah a pai hi. Huan sungah a vak lai takin upmawhlohpih khat in a inn uh mei in hong kaang hi.


Huan sung panin a khua daak leh a inn uh kaang keei ahih manin thakhat in tai vingvenga a tapa honkhia dingin inn sungah a lut sawm hi.

Mei kuang pha lua mahmah ta ahih manin midangte’n a lut ding phal nawnlo in a khaam uh hi. Ahi zongin a tapa a khualna in midangte khaamnate mang zo loin innsungah hong lut hi.

A tapa kiang a va tun ciangin kaamphatna tawh a tapa bangmah na ci nailo ahih manin a tapa pom in hong taikhiat pih in hong honkhia zo hi.

A tapa a hotkhiat zawh hangin kaamsiatna tawh ama sam teng kaang kha in, a mai zong kaang gawp a, a melsiat lawh gawp hi. A maitang meikaat gawpna hangin milak ah zong kihel mengmeng ngamlo zah dongin a lipkhiat huai mel hong pua hiau mawk hi.

Hunte hong bei toto in a tapa David zong hong picing to a, sumbawl mihaupi khat hong suak hi. A nasepna tawh kizui-in khuapi sungah hong teeng hi. Khuapi sungah hong om ciangin mi lakah a nu maizumpih ngam pha nawnlo a, mi’n a dot ciangin ‘Ka inn vuah ka nu bek mah a melsia pen’, ci-in a dawng zel hi.

Tua bangin a tapa mi lakah ama hangin a maizumna le a tapa in a maizumpih ngamlohna thu a Nu’n a zakciangin banghangin hibangin a melsia hiam cih thu a tapa kiangah a gen dingin a tapa omna khuapi lam zuanin khual hong zin hi.

Kaamsiatna tawh nupi nu tuanna motor hong tuahsia in a nu hong si hi.

Tua thu a zak ciangin a tapa nuam sim pian hi. Tua ciangin a nu teenna innah pai in a nu lai thupite encian dingin hong pai hi.

Tua bangin lai thupi dinga a upmawhte a etkawikawi leh a nu thu ciaptehna(diary) laibu lui mahmah khat hong mu khia hi.

Tua laibu a et ciangin lamdang sa mahmah hi.

A laibu sungah
Date: 5 Sept, 1980 kumin Toronto Melhoih Kidemna ah  khatna ka ngah hi.(5th Sept 1980.I was announced the WiNNER OF MiSS TORONTO BEAUTY CONTEST).


DATE: 14th Jan, 1982, ka pasal Tonny Gateson in accident na hangin hong nusia a, kei ka hih leh kha guk nau ka paai laitak hi.(14th Jan 1982.My husband Tonny Gateson passed away in road accident and left me sixmonths pregnant).


DATE: 2nd July, 1983 ka tapa neihsun David meikuang sung pan ka honkhia a, tua akipanin sam ka nei nawnkei a, na maitang lipkhap huaina tawh kidim suak ta hi. (2nd July 1983.I saved my only son David from a fire and I ended up losing my hair while scars left on my face).

David pen kisiikna lianpi tawh ‘ka Nu’n kei hangin hibang a thuak himawk maw’, ci-in khitui luangin a kap hi.
Ahi zongin ziakaai lua ta hi.

Sanggamte aw na Nu hangin na maizum in milak ah na zumpih ngam kei kha hiam?

Nang sam mam zilzial ding hong deih manin ama sam ton chingcheng a, nang sam zol dikdek ding hong deih manin ama sam keu geugau hi!
Nang melhoih in na nosuah niknek nading hong khualna in ama mel ham suah gemgam in melsiat lawh hi!

Nang duang cing in na etlawm nading hong khualna in ama eelkul khiukheu liangin nang hong puapua a, ama’n duang cinloh lawh hi!
A etlawm zilzialin na kizep theih nadingin amah a keek chipchiap tawh om lawh hi!
Nang gilvah in nuam tak na om theih nadingin ama gilkial in khuisa zaw hi!
Mite lakah na maizum loh nadingin ama’n simmawhna, kona, maizumna tampi hong thuak lawh hi!

Mite bangin na pil, na siam ding hong khualna in, ciintui guh kaang liangin nang ading nasem hi.

Na tuunnu a pham nua ciang kisik kik in naubang na kah sa’ngin tang bang a dam lai, lungdamko in ama adingin nungta in!

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Tehpih omlo Tuunnu Itna. Agelh ~ Dong Za Mung(Mauvom) Description: Rating: 5 Reviewed By: Cinpu Zomi
Scroll to Top