728x90 AdSpace

Hot
Menu
Zon-ol na Donate

Latest News

BANGIN ZOMI MOVEMENT SIASAK AHIAM? Agelh ~ Rev. Thang San Mung

BANGIN ZOMI MOVEMENT SIASAK AHIAM?
Agelh ~ Rev. Thang San Mung


Zomi movement pen kahlei banga azangh kitamlua.
Gentehna in biakna naseem khat ihihleh, Zomite tamna mun bangah na aseem hi leng, pawlpi leh kipawlna ah mi zoltheih nadingin, Zomi kiveisak pong. Avei taktak hi sam khollo (avei takpi zong om thei saam). Tuamah bangin, athudang tuamtuam ah, gentehna in panmun ngah zolo, panmun ngah tuam nading, minleza neih tuamtheih nadingin, pawl kisam ahih manin, Zomi cih paulam in mipi lokgawp pong. Zomi vei taktak na hi lo gige. Tuateh, mi pahtak ding leh mi theih ding utna (popular nopna) tawh, Zomi kiveisak gawp. Hong minthang taktak cianga lah Zomi dinpih tentan saam lo cihdante in, Zomi Movement daisak in, thaneemsak hi.


Zomi toisak lua.
Zomi Movement hong kipatcil, tumaa kum 50-60 kiim lai-in, tangzai tak dinga ngaihsutna ahihi. Mikangte’ gamkhenna huhau in, gampi thum leh gamke li sungah akikhenthang, pauleham ikibat kim lohang, khangsut leng, abul ah akisut khawm thei laidingteng, bangcih leng kigawm thei ding cih ngaihsutna pan hong kipankhia ahihi. Tua lai in “ZO” cih kilawhna huhau in bangteng kihuam sawm ahiam cihleh Leilu lamah Naga Muldung leh Leitaw lamah Rakhine gamlu lam mualniam kuam, Nisuahna lamah Chindwin Gun, Nitumna lamah tu-a Mizo Ram ii Nitumna gamgi khempeuh akihuam sawm ahihi. Tua hi in, Lal Deng in Mizo kici pah a, Leilu lamte in Phizo kici in, Bengladesh gam Chinttagong kuam teng in Bawmzo kici tekpah uhi. Asawt loin eilam a makaite’n Zomi hong laangsak uhi. Mi_ imasak, _mi inawnun zongin, Phi_ ikici a, Bawm_ ikici zongin ZO ah kipumkhat (common ground neih) ding deihna ahihi. Ahi zongin tuhun ciang, Zomi veilua kisa in, atoisak gawp. Toisaklua kisa ama’ makaihna leh ama’ thu tawh akituaklo peuhma Zomi langpang bangin atuat pahpah nangawn ki-um hi. Bektham loin, mipi lam pan zong Zomi Movement akicih nakleh, gentehna bangin Gungal lamte makaih, Lamka lamte maban, Tedim khuk sungate thusuah, etc., cih bangin agalmuh lel mipi pawl khat zong ki-om ta leuleu hi. Zomi Movement pen ivekpi a ci-in kisang kim thei loin, makai zek khat aom leh, tua makaipa ii tanauteng a dana atuat ziau, atoisak ki-um hi. Tuamah bangin makaipa leh akiimnai a teng inzong amah bek Zomi Movement in hong tuat leuleu loh ding thupi kawikawi hi. Ivekpi a. Tangpi a ahihi.

Zomi vai peuhmah ah thalengal, pilnalesiamna, hunlenite leh neihlelamte piakhia a sep ding sawm vetlo napi’n internet tung pan Zomi vai nakgen mahmah bilbel.  
Hi inzong Zomi Movement mindaisak lel hi. Bek thamloin, kikuppih sunsun lezong, atheipen, aveipen, agimpen dana kigen den pong. Kuate hiam ii pau leh “huihthaupi” lawnlawn. Dangka-san tang khat zong piakhia ngamlo. Kenkia ding ci lezong, kiatpih ngam sawm het loding pipi, miteng hawmthawh bawl in, koko bilbel.

Zomi vei ci napi in ami vei loin amin buaipih.
Minam vei icih pen ami ivei man ahihi. Gentehna in Zangkong khuasung ah bus ituan ciang, Mivomte khat in tutna ngah a ana tu lenlan aom leh, amah adinkhiat ciang, midang peuhmah atutna pia lo hi. Amivompih khat mah aom nakleh, gaalsap in, pia se hi. Tua hi in, Zomi ivei pen amin bek tawh buai ding hi lo a, ami ikivei ding. Iki-it ding zong ahihi. Tu laitak, ami kivei man lo zawzen in amin abuaipih kitam hi.

Tua hi in, Zomi Movement hong khangcin ding ideih leh, atungate tawp san ding hihang.


Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: BANGIN ZOMI MOVEMENT SIASAK AHIAM? Agelh ~ Rev. Thang San Mung Description: Rating: 5 Reviewed By: Cinpu Zomi
Scroll to Top