728x90 AdSpace

Hot
Menu
Zon-ol na Donate

Latest News

MAKAITE THEIH DING LAI SIANGTHO MUN 13

MAKAITE THEIH DING LAI SIANGTHO MUN 13

"Nang tungah kong khialh lohna dingin ka lungsim sungah nangma thu ka khol hi" ci-in Late phuang pa in na gen hi. Pasian kammal pen vanglian a, I sungah I khol theih zahzah khol tek lehang i kisapna mun munah hong huh thei ding hi.

            A kul hunah tha hong piain hong hehnem ding a, lam lah i kulna munah lam hong lakin hong makaih dinghi. Tai i kulna munah zong hong tai in hong thuhilh ding hi. Manpha lua hilo hiam?

Maikaite in Lai Siangtho theih ding kisam diak ahih manin hong huh thei ding mun tawmcik kong tel khia hi. Ahih theih leh 'thei' ciang bek hiloin lotngah sinsen mah leng manpha sem ding hi.

1. Luka 6:31 : Note tungah a hong kibawl ding na deih bang uh midangte tungah na bawl un.

2. Filippi 2:3 : Huaihamna lung sim leh kisialh nopna lung-sim tawh bangmah gamta kei un. Kiniamkhiat ciat un la, mi dangte thupi ngaihsut zaw un.

3. Paunak 4:23 : Na lungsim ngaihsutnate, nuntakna nak hi a, na neihsa a manpha pen bangin na kep ding ahi hi.


4. Paikhiatna 18:21 : Mi khem-peuh lak panin Pasian a zahtak mi, a muanhuai mi leh sumgolh a mudah mi, mi siamte na teel khia ding hi. Tua bang mite pen a tul, a za, a sawmnga, a sawmte tungah a uk dingin na koih ding hi.

5. Late 78:72 : Amah in, lungsim thutang tawh amaute cingin, a siam mahmah a khut tawh amaute lam a lak hi.

6. Matthai 20:26-27 : Ahi zongin note lakah tua bang hilo ding hi. Note lakah a lian ahi dingte note nasem hi ding a, note lakah a lian pen ahi dingte note sila hi ding hi.

7. Filippi 2:4 : Note phattuamna ding bek ngaihsun kei un la, mi dangte' phattuamna ding ngaihsut sak zaw un.

8. Matthai 5:37 : Na gen khempeuh uh hi ahih leh 'hi' ci un la, a hilo ahih leh 'hi lo' cihna tawh kicing sak un. Tua bang hilo in kiciamna kam na zat uh ciangin Dawi mangpa tawh kizomin thuman lo mi na hih lam tak uh hong kilang hi.

9. 1 Peter 5:7 : Pasian in note hong kem ding ahih manin na lungkhamnate khempeuh uh ama kiang tunpih un.

10. Johan 3:30 : Amah lian semsem ding a, kei ahih leh ka neu semsem ding hi.

11. Galati 6:9 : Tua ahih manin na hoih sep ding cimtak kei ni. Lungkia loin i sep nak leh a hun ciangin thaman i ngah ding hi.

12. Kolose 3:23 : Mite nasem bangin kingaihsun loin, Pasian nasem bangin kingaihsun un la, na sep peuhpeuh uh lungsim takpi tawh lawpin sem un.

13. Filippi 4:13 : Khris in a hong piak vangliatna tawh hihte khempeuh a nawk zawhna ding thahatna a nei ka hi hi.

Source :
(www.churchleader.com) @ Thu Hoih La Hoih


LAITAI : Vol. 9. Issue 5&6. May & June 2017

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: MAKAITE THEIH DING LAI SIANGTHO MUN 13 Description: Rating: 5 Reviewed By: Cinpu Zomi
Scroll to Top