728x90 AdSpace

Hot
Menu
Zon-ol na Donate

Latest News

Kum Tawh Ki Zui-In Sex Education Piak Daan (PART - I).

Kum Tawh Ki Zui-In Sex Education Piak Daan
(PART - I)


Sex education acih pen a thupitlam a tel nailote-in a hoihlolam hong hilh pilna khat kisa thei hi.

Sex education cih pen nu leh pa omkhop daan bek hong hilh lai hi peuhmah lo hi.

Sex education acih in

·       Kum tawmlai naupangte amau leh amau a kikeptheih nading

·       Midangte-in a khoih huailo munte akhoihsak leh a Nu leh Pa tung a genkik theih nading

·       Nu leh Pa te-in zong tate bangci kep ding cih a tel nading

·       Kum cingkhin khangnote-in mihingte bangdaan aa ki piang cih a teltheih nading leh nu leh pa omkhopna pan a kingahthei natna tuamtaum thei-in a ki daltheih nading


·       Khangnote-in a sianthona uh a kepzawh nadingun bangci nuntak ding cih kum tawh kituakin theihhuai kidophuaite hilhna ahi hi. 

Ih gam ah, tate tung sex education ahilh ki omlo phial hi. Nu leh Pa leh tate kikal ah sex thu, naupaaina thu gen ding pen a zumhuai daan in ki ngaihsun lai hi. Nu leh Pate in tate tungah a hilh huai ahih lam theih huai mahmah hi. Hilh kei lehang lamet lohin sex tawh ki tuakkha vat le uh buaina piangthei hi. Natna tuamtuam kilawhna ahih kei leh zawlgaai-in mai zumluatna, Nu leh Pa lungkhamna cihte pen sex education neihlohna hang na hi mawk hi.

Sex education anei khangno khat leh a neivetlo khangno khat etkhak leeng, a nei pen in a hoih leh a hoihloh khentel thei ahih manin ki kemzo zaw hi ci hi.

Sex education piak cih pen thakhat thu-in a ki lompiak thei thu hilo hi. Hun hoih ngah hunsim in, a kilawm a ki tuak bangin gen pahpah ding ahi hi.

Sex education cih pen ih tate a kum tawh kituak in a teltheih ding kammal tawh hilh ding ahi hi. Kum nga apha naupang ahih leh a ma kum tawh ki zui-in atel theih ding kammal tawh gending hi aa kumsawm val khangno ahih leh a ma tel ding aki samteng piak theih ding ki sam hi. Sex education a hilh Nu leh Pa te-in a hilh laitak un zumgen zum omloh ding thupi hi. Nu leh Pate ngiat in zong Leitung ngeina ahihlam tel ding thupi masa hi. Aw khum tak tawh LST tawh ki tuak in hilh ding ki sam hi.

Nu leh Pa te-in ih hilh kei leh tate-in a pua pan hong sin kha ding uh hi. A khangto mahmah tuhunin muhnop, theih nop bangbang a ki zon theihna internet pan sin le uh a mau tawh kituak ki tuaklo theilo in lamkhial thei uh hi.

Kum bangzah a phakin bangteng hilh ding cih a kum tawh ki zui-in Sex education hilh daan PART II   ah zom kik ni………


Deihsakna tawh,
Taksinthu

Ref; 
http:// www.Heysigmund.com/kid-needs-know-age-guide-sex-education

            

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Kum Tawh Ki Zui-In Sex Education Piak Daan (PART - I). Description: Rating: 5 Reviewed By: Cinpu Zomi
Scroll to Top