728x90 AdSpace

Hot
Menu
Zon-ol na Donate

Latest News

Na thei kha hiam?

Na thei kha hiam?


1) General Aungsan le a pawlte kisuamna vai pen tuni ciang dong a thu man taktak kithei/kikan zolo in ki kai-awk mang ahih lam.

2) Gen. Aungsan le apawl te a suam hi ci aa mawhpaihna a thuak U Saw leh apawlte pen sihdan kipia hi. Ahi zongin tua thubawlna ciaptehna laibupite a tun a banna ki theilo in mangcip hi. (BBC)

3) Gen. Aungsan theih lohin acing sim ding galkap nih ki koih sim den hi. Ahi zongin Gen. Aungsan sih khit ciang tua galkap te geel zong a tunna ki theinonlo hiau hi. (NeO)

4) Palik bupipa Tun Hla Aung pen Indonesia gam ahawh kal Kawlgam ten gammi hihna pan phiatsak in gamsung lut kik sak nonlo ziau uh hi. Tua khit ah U Saw te zong kikhai lum pah hi. (NeO)

5) Galong U Saw icih pen Kawl nam-it Party makai (Burma Patriotic Party makai khat ahi hi.


6) Lokhomite kitomna (Farmers Rebellion) ah amakai ahi Galong galkpa bopa Saya San kimatna ah U Saw in a khawnkhong in Sitni zuihsak hi. Saya San zahtak lua ahih manin amin mai ah Galong guan beh ahi hi.

7) U Saw leh Aungsan kikal ah kitheih khialhna tampi a om liang hangin, U Saw pen mihai mawkmawk khat hilo Sitna man khat ahih manin mimal kilungkim lohna hangin Aungsan le a pawlte zum kah laitak a suamlup pen lamdang kisa hi. (Mualmi pawl khatte in hi geel bek ahkl Nwein tawh a thum un ki gulluk sim hi ding in ummawh uhi.)

9) Mikangte khutsung pan suahtak ngah nading in Aungsan makai mi 30 in BIA, cih Bangkok khuapi ah  phuankhia uh a kiciamna khutdawh si dawn uhi. Tuate lak ah Takhin ShuMaung akici Newin zong kihel hi.

10) Hih mi30 te in Japan gam ah galkap pilna sin uh a, Japan te tawh Kawlgam hong lut kik uhi. Phapon ah Kayin piteek puteek 17 val ngawngtanna thuak in, Miangmya ah zong BIA te in Kayin minam 150 bang thatlum in khua hon khat haltum uhi. Kawlzang nuailam ah Kayin le Kawl ki huatna kisukna khang semsem hi. (Burma in revolt, Bertil Litner)

11) Galpi nihna sulnung ah British Empire pen sum le tha zawm mahmah uhi. Atlee makai Liber party hong kah in a khutnuai vua om gamte suakta sak ding cih thu hong phuang uhi. Tua pen Kawl makai te in na thei uh a, London ah va delh uhi.

12) Anawratha, BayinNaung, AlawngPhaya te lamsa a pu a pa gam uh mikang te khut nuai ah gam kician in omlo in India nuai ah gamkee khat in a om na uh pen Kawl mite in nasa mahmah uhi.

13) Kawlgam in suahtakna a ngah leh Kawlgam bek ahilo Mualgam te zong mau tawh a ngahkhop ding Kawl makai te in na ngen uhi. Ahi zongin Mikang makai te in Mualmite thukimna omlo in Mualmite vai kikum theilo ding ci'n na kang uhi.

14) Gen Aungsan nungzui pen Newin ahi hi. Amau geel pen a lawm dangte sangin a omkhop hun uh tamzaw hi kici hi. (Aungsan le Newin bang teng kikum, bang teng ki vaikhak cih kua man theilo hi. Behte bangin suahtkana nungah hong piang khempeuh pen Aungsan geelsa hi ci in ummawh uhi.)

15) Aungsan le U Saw kikal ah Newin om hi ci uhi. U Saw in Aungsan ahuat semsem nading Newin in U Saw va nopneh simsim zel in U Saw in Aungsan mah sasa ahih manin a thah kha suak hi thei hi ci'n zong kigenna om hi.

16) Gen Aungsan in gam le minam aading ka nuntakna ka pia zong phamawh sa keng cici ngei hi. Tua mah bangin Suahtakna ngah khit ciang lai-at sia sem ning zong ci hi.

17) Panglong Suaihkaihna Laipi ah Mualmite 1 sang atamzaw bangin a suaihkaihna tum mah leh Kawl minam taangin Gen Aungsan khat guak bek in suaikai hi. (Panglong agreement)

18) Gen Aungsan asih khit ciang ama kamciam, thuciam zong a luang tawh kivui khawm pah suak hiau hi. Mualmi te in suahtak ngah ma a nong kamciamte uh ci'n a ki nget ciangin Kawl galkap makai te in Aungsan om nonlo ahih manin ko tawh kisai lo hi cih san hichiat ta lel uhi.

19) Tulaitak a Kawlgam pen Gen Aungsan makaihna ahi Panglong Thukimna tungtawn panin a hong piang khia ahi hi. Tangthu siam te in amah pen Kawlgam empire a lam 4na pa ci uhi.

20) Gen Aungsan sihna nung ah a kigenlo akimulo thu tampi tak mah tawh tuni ciang dong a ki paipai ahi hi.

A ki thei aki gengen thute sawtsawt leh thuman hong suak in, ahi ci'n ki sang ta lel hi.

Hih a tung a te pen laibu tuamtuam, mi tuamtuam panin a kikai khawm kik ahihi. Ahi ahilo kikhentat theilo dinmun ahi mai hi.

Nang ee na bangci muh hiam?

Ref:
BBC
Burma in Revolt
Boyoke Aungsan
Who kills Aungsan
Myanmah tamaing laisimbu

Behte le Aungsan.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Na thei kha hiam? Description: Rating: 5 Reviewed By: Cinpu Zomi
Scroll to Top