728x90 AdSpace

Hot
Menu
Zon-ol na Donate

Latest News

A Kidophuai Kammal Pawlkhat leh Zuihding Pawlkhat. Agelh ~ Job Cinpi.

A Kidophuai Kammal Pawlkhat leh Zuihding Pawlkhat.
Agelh ~ Job Cinpi.


- Hong ki gensiatna kammal khatpeuh na zak ciang in, na ngaihsutna ciang bek ah hoih in la, na khuak sung tungsak kei in.

- Mi khat na khem le tuapa tung ah na khantawn in na maimial ding hi.

- Na hauh na ki phatsakpih se kei in la, mizawng te sim mawh kei in, amau te neihsa a tawm hang in nang sang in a ngahna uh a man zaw ahih lam na thei kei hi.

- Nakiang ah mi khat in, midang khat hong gensiat le pau lo in om in, a sawtlo in mi dang khat kiang ah nang zing hong gensia ding cih thei in.

- Gitlohna le kipilsakna in mi hing lung sim susia hi.

- Na neih loh pi khat nakam tawh na ki hamphat leh khantawn leiba a nei nahihi.

- Pa-te in ta-te deihna kan masa lo ahih man in, ta-te in pa-te deihna zuizolo uh hi.

- Pa-te in ta-te sat leh thuhilh ki ci aa, ta-te in pa te sat le mi ginalo, ci in kikhialsak hi.

- Mi khatpeuh tawh na kiho ciang in, na ki hopih te kampau tuh bawl kei in/ khaktan ziauziau kei in.

- Naheh laitak in laikhak khatpeuh sim kei in banghanghiam cih leh laimal tung ah  Aw sang aw niam cih te kikoih lo hi.

- Sepding /bawlding /vaihawmding khatpeuh hongkimuang in nang hong ki'ap cing in nasep zawh kei leh a tua cih hang hi, tua aom loh hang hi ci in, na kam tawh ki tat sawm kei in tua pen mi khenpeuh ii zat theih kammal ahihi.

- Na sep zawh loh ding khatpeuh ki pimuh ding ut na in semzo mah ning ci se kei lel in, tuabang mi te neumuh ding simloh
a dang omlo hi.

- Hoihlohna neucik khat pen gengen leng thulianpi suak aa, thuhoih khat pen gengen le hang a beimang ding tawh ki bang pah hi.

- Tuni pan in thuhoihlo peuh mah gennawnlo ding ci'n nakam kepsawm le teh na kihopih te honkhat kamneilo a batding lam ngaih sun in. (ei kidawm masa ding)

- Thuhoih na theih khempeuh genkhia ken mi khempeuh in thuhoih sang kim zolo uhhi.

- Napau ding ngaihsun mengmeng in la, damtakin pau in la kician sak mah mah in.

- Lungdam kohna le thumna kammal nagen ding ciang in nagending pa mittang en kawm sa in gen in.

- Mihing lungsim na theih nop leh thu agen ciang in a mittang en le cin theih baih pen hi.

- Thungaih hahkat in la kampau kidawm in.


Source :

ZOMI Laisim nuam te.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: A Kidophuai Kammal Pawlkhat leh Zuihding Pawlkhat. Agelh ~ Job Cinpi. Description: Rating: 5 Reviewed By: Cinpu Zomi
Scroll to Top