728x90 AdSpace

Hot
Menu
Zon-ol na Donate

Latest News

LAISIANGTHO MAW ZUTHAWL. Agelh ~ C.K. Khai

LAISIANGTHO MAW ZUTHAWL
Agelh ~ C.K. Khai


Nupa khatin a tapa uh a gol teh bang lungsim, ngimna (vision) nei ding hiam cih thei nuam uh a hihman in sabuai tung ah laisiangtho bu, mawtawlim, vanleng lim a tuamtuam tampi koih a a tapa in a lawn masak penpen a gol teh a sep ding hi-in teh ci-in a tapa sabuai geiah paisak hi. Gentehna- in Laisiangtho bu a lak leh agol teh laisiangtho sangkah ding, mawtaw lim a lak leh mawtaw hawl ding ci-in ngaihsutna tawh a tapa van la dingin sawl hi.

Atapa zong sabuai ah va pai in Laisiangtho bu leh mawtaw te hong lawng masa lo in, a pa zuthawl hong lain tawi kau kau a “Pa ken zong duh” ci zen mai hi. A zi-in a lawm pa enphei a thei o na tapa a cih leh a pasal in thei mah ing ei, “Ka zu thawl la ei” cihsan lai zen hi.

En zudawn, zatep in  i tate a hoih mahmah dinga i lamet pen kikhial lo napi man khinlo hi. Banghang hiamcih leh miten’pen i vawh bangtek a ki-at a hihi.

Gal 6:7b “mi khatpeuh in khaici a vawh bangin
A gah a at kik ding hi.”

Ei biakinn tung masa lo pi-in i tate biakinn pai dingin I hanthawn kha hiam? I tanu, tapate in zuthawl tawi lo in Laisiangtho bu tawi ding i lunggulh leh a mau muh na-ah ei mahmah in Laisiangtho bu tawi masa ni.

Hih lai na sim laitakin nang zong khaici khat teitei na vawh laitak hidingin kong lamen hi. A vawh huai zaw khaici na lungsim sungah hong om leh vawh pah in na zekai nai kei hi.

Agah hoih loh manin a kung na phuk sangin,
A kung a po ma in na khaici enpha in.

Na khutsung a khaici hong-po leh na lungkimding hiam?

Source :
NA KISAP KHAT (Laibu)
Agelh – C.K. Khai
Ahawm khia :  Khan International Intercession Ministry – KIIMinistries

Laigelh C.K. Khai leh ahawmkhia KIIMinistries in Laibusaal / Zomi eLibrary  ading in Phalna ahong piak ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: LAISIANGTHO MAW ZUTHAWL. Agelh ~ C.K. Khai Description: Rating: 5 Reviewed By: Cinpu Zomi
Scroll to Top