728x90 AdSpace

Hot
Menu
Zon-ol na Donate

Latest News

Cidamna : Vaimim

Vaimim


             Vaimim pen  Tehuacan mualkuam, Mexico gam pan apiang khia hiding in taangthu kan mipil atam zaw in um uhhi.Olmec leh Mayans minam ten vaimim nam tuamtuam te Mesoamerica ah naciing in atuamtuam in nabawl nahuan thei khin uhhi.BC 2500 kim pawl ciang Americas ah na ki zel khia hi.Kumzalom-15-16 kiim pawl in Americas leh European te kizopna aneih-a kipan leitung gam tuamtuam ah sumbawlna in na kipan khia uhhi.Vaimim pen leitung mun khem peuh ah  kizel hi,bang hang hiam cih leh  khuahun teel lo in mun khem peuh ah ki ciing thei hi.Vaimim pen ama thu in gamlak khawng ah mawk po lo hi.Mihing te mah in suan in apuah adal ding kisam hi.

Vaimim in  mihing te pumpi cidamna tawh aki tuak dat tampi  nei hi.

1.     Vitamin B1 hang in pumpi sung a cell te thahat nading aki sam glucose a ngah thei nading in carbohydrate pan glucose ah na khel sak.


2.     Vitamin B5 hang in pumpi ading aki sam tha(energy)carbohydrate,fat leh proteins pan lakhiat sak.Red blood cells leh hormones zong piangsak in pumpi cidamna ding ki sam mahmah hi.Folate hang in cell thak piang sak in Vitamin C hang in natna dal.

3.     Vaimim sung aa Vitamin B9 aki ci folate aom man in lungtang cidamna ding hoih sak.
Folate dat in lungtang sigui tawh kisai natna,layphiat natna leh lungtang natna piang theihna kiam sak.

4.     Vaimim sung aa Beta-Cryptoxanthin hang in tuap cancer nadal sak leh tuap cancer piang theihna kiam sak.Zatep tep te vaimim nene zo leh tuap cancer piang theihna 37% kiam sak.

5.     Thiamine(vitamin B1) hang in khuakpilna hat sak.Hih vitamin hang in khuak cell te thahat sak in ngaihsutna tha hat sak.Vaimim in Alzheimer a ki ci thumangngilh natna piangtheihna kiam sak.

6.     Beta-caroten, antioxidant le Folate dat in mitang sung a macular kisiat na tawh kisai natna te daal sak.

7.     Vaimim sung ah Ferulic Acid tampi om in antioxidant nam khat ahih man in cilehsa bawkna,tekna leh cancer natna pawlkhat apiang loh nading in dal.

8.     Vaimim kuangkhat ah nikhat kisap fiber dat 18.4 ki hel hi.Fiber dat tampi ki helna in vaimim ii hoih na lianpi khat hi in si sung a  cholesterol kiam sak,gizangpi cancer apiangtheihna kiam sak.Fiber dat in zukhum sikhum neite si sung a cikhumdat kiam sak.

9.     Vaimim pen singgah leh mehtehmehgah atamzaw pawl khat sang pumpi cidamna dat(nutrition)tam kihel zaw cih kimukhia hi.Vaimim pen nekdan,bawldan leh huandan atuamtuam aom hang vaimin ciim(Zohuan)mah cidamna ding in hoih penpen ci uhhi.

Ref : .
Organic Facts,Wikipedia,online health tips, သစ္ထူးလြင္(က်န္းမာေရး)

Source :

Thu Themneng (LKTuang)

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Cidamna : Vaimim Description: Rating: 5 Reviewed By: Cinpu Zomi
Scroll to Top