728x90 AdSpace

Hot
Menu
Zon-ol na Donate

Latest News

DAMSAK MAW DAHSAK? Agelh ~ CK. Khai

DAMSAK MAW DAHSAK?
Agelh ~ CK. Khai
Nupi khat a mittha hatlo in a mitmang thei a, ni danga a muh zahin mu thei nawn lo a hihman in Doctorpa samin zatui ki sunsak zel hi. Doctor pa in nupinu inn pan a ciahding simin hihnu in hong mu theilo ding ahih teh ci in, TV, tutna, van hoih nono teng ciahpih simzel a, kha khat khit teh a van manpha pawlkhat beita hi. Ni khat, Doctorpa in nupinu aw na mit hoihta a hihmanin a beizah sum hong pia ta in ci-in a nget leh nupinu in sia aw ka mittaw semsem hi ni dang in ka inn sungah TV, tutna ki mu in tun mu nawn keng sum hong pia kei ning in Police te kiang pai ni ci-in paipih in Guta hihna tawh Doctor pa thong denna hi.

           
Khatvei ki en kik leng mit damsak maw a tawsak zaw cih lungngaih ding thupi hi. Doctorpa in zatui mante sum a laak ma in nupi nu neihsateng luak masa a hihmanin thongkia hi. Nupinu damsak masa leh a ma laksak kul lo in nupi nu-in a sum tang in a vante pia lel ding hi.
           
Doctorpa in a mi huai masa loin a vante huai masa kha a hihmanin  amah zongh Police te in thong sungah na huai hi. Mite thupha i deih leh thupha ngahpa i huai masak kul hi. Zeisu’ thupha i deih leh thupha nei Zeisu i zuat masak kul hi. Angsung ding bek khualna tawh mi neihsa teng huaina pen suplawhna hi zaw hi.

Pau 28:22
“A huaiham mi in a hauhna ding in
huai mengmenga a tawpna ah
a zawn ding lam tak phawk kha lo hi”

            I zuak te pen mi ading siatna
            I sep te pen mi ading hehna
            I metnapen mi ading supna
            I hauhnapen mi ading zawnna
            I neih na pen mi ading kiamna ahih khak leh Pau 28:27 tawh kipuahpha ni.

I pilna leh hauhnate mite in hong hamphatpih kei leh akikhialhna khat omhi cih phawk ni.


Mite mit i damsak kei leh zong taw sak kei beek leng e!

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: DAMSAK MAW DAHSAK? Agelh ~ CK. Khai Description: Rating: 5 Reviewed By: Cinpu Zomi
Scroll to Top