728x90 AdSpace

Hot
Menu
Zon-ol na Donate

Latest News

Khangthakte Lungsim Puakzia Ding 1-50.

Khangthakte Lungsim Puakzia Ding 1-50.


1. A gualzote pahtawi ding.

2. A guallelte domto ding.

3. A lungdamte lungdam pih ding.

4. A dahte tawh dahkhawm thei ding.

5. Makaite thupi sim ding.

6. Nungzuite itna tawh lamlak thei ding.

7. Hazatna lungtang paikhia ding.

8. Deihsakna tawh kipanpih ding.

9. Vaihawmna khatpeuh kithalniallo ding.

10. Angsung bek khualin vaihawmlo ding.


11. Min deihluatna tawh na semlo ding.

12. Pahtawihuaite pahtawingam ding.

13. Hong kipahtawina thupisim ding.

14. Hauhna puakzawh sawm ding.

15. Pilna puakzawh sawm ding.

16. Theihna puakzawh sawm ding.

17. Minphatna puakzawh sawm ding.

18. Thuneihna puakzawh sawm ding.

19. Hi lunglunglo in hi lingling ding.

20. Hi vutvutlo in hi hiathiat ding.

21. Hi luailuailo in hi liailiai ding.

22. Hih khuankhuanlo in hih khiankhian ding.

23. Hi supsuplo in hi setset ding.

24. Uzawte zahtak siamin nauzawte dawmsiam ding.

25. Itna tawh kiho hiathiat ding.

26. Muanna tawh kingenngam ding.

27. Deihsakna tawh kihuh ding.

28. Hehpihna tawh kipia ding.

29. Zahtakna tawh thu kidong ding.

30. Hong kithudotbawl thupi simin hilhcian ding.

31. Suahtakna zatsiamsawm ding.

32. Ukcipna sung pan suahtakna dik ngahsawm ding.

33. Zawhthawhthu tawh midangte kizoppihlo ding.

34. Hong kizawhthawhnate itna tawh thuaksiam ding.

35. Lungsim, pumpi, silhleten siangsak ding.

36. Thupiang khat tungah muhna khinkhaithei ding.

37. Selphonopna lungtang paikhia ding.

38. Theihna panin telcian sawm ding.

39. Telcianna panin sepsuahtuakte semkhia ding.

40. Kingiamkhiatna le thuakzawhna tawh mainawt ding.

41. Kam tungnun kituhlo in thutawh tungnung ding.

42. Pianna Tunnu le Zuapa zahtak ngiat ding.

43. Hong makaih Siate zahtak siam ding.

44. Honguk kumpi le hausate tungah phelhphitlo ding.

45. Eilam ultunsakluatna hangin midangte selpholo ding.

46. Kiultunsak siamin midangte zong pahtawithei ding.

47. I mipite dingin kituat zelin makaih siam ding.

48. Itna tawh thuzawhna lamah midangte zawhsawm ding.

49. I guallelh hunin hong zote lungdampih ngam ni.

50. I gualzawh hunin honglelte dingin kitualthei ding.

~ Dal Sian Hung
Kuala Lumpur, Malaysia.

Monday, September 28, 2015

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Khangthakte Lungsim Puakzia Ding 1-50. Description: Rating: 5 Reviewed By: Cinpu Zomi
Scroll to Top