728x90 AdSpace

Hot
Menu
Zon-ol na Donate

Latest News

Mite Leh Zomite. Agelh ~ Rev. Khup Za Go

Mite Leh Zomite.
Agelh ~ Rev. Khup Za Go
© 2 0 1 7 e v e r z o m i | p h o t o g r a p h y

Mite in khapi tungah a kah lai takun,
Zomite in khe tawh a sik ngil tawm uh lampi mah tawntawn lai uh hi.

Mite in kisimna-ah vokno akno dong a ciapteh lai takun,
Zomite in mihing bang zah pha uh hiam cih takpi kithei nai lo lai uh hi.

Mite in gam khat pan gam khat ah thu hilh a vak lai takun,
Zomite in labu leh Lai Siangtho nangawn deih bangin ngah zo nai lo uh hi.


Mite in laibu leh thukizakna nisima a hawmkhiat laitakun,
Zomite in lai gelh zia ding kikum kum lai uh hi.

Mite in gam leh minam puah na’ng a hahkat lai takun,
Zomite in minam min zong phuak zo nai lo lai uh hi.

Mite in Khristian khempeuh kilomkhat na’ng a hahkat lai takun,
Zomite in pawl tuamtuam taw panpan lai uh hi.

Mite leh Zomite kikhai ngitnget ding uh hiam ci-a ka lungngaih lai takin,
Zomite in zong mite hong bang pah ding uh hi, cih aw ka za hi;

Bang hang hiam cih leh Zomite a bawlpa in Pasian mah ahi hi.

Source :
REV KHUP ZA GO’ GEN LEH GELH THUTE


(June 28, 1983 ni-a Guwahati pana a gelh hih thu pen Lungdamna Aw Aug. 1983 suangah a kisuaksak masa pena, a sim mite in hoihsain Zomi-Chin Sangnaupang Magazine, 1984-85, Pune; Zo Aw July-Sept. 1985 sung leh laibu tuamtuamah a kisuaksak kawikawi hi.)

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Mite Leh Zomite. Agelh ~ Rev. Khup Za Go Description: Rating: 5 Reviewed By: Cinpu Zomi
Scroll to Top