728x90 AdSpace

Hot
Menu
Zon-ol na Donate

Latest News

SUM LEH PAI TAWH A KI LEI THEI LOTE. Agelh ~ Thangpi Naulak

SUM LEH PAI TAWH A KI LEI THEI LOTE.


Sum leh pai pen mihing adingin thupi leh kitangsam mah mah hi. Na tampi sum leh pai tawh ki lei thei hi. Ahizong in sum leh pai tawh a ki lei thei lo na tampi tak mah na awm hi. Sum leh pai tawh a ki lei theilo leh a ki lei zo lo pawlkhat genkhawm dih ni.

Nu leh pa:
Nu leh pa pen sum leh pai tawh kilei thei lo hi. Na lei phial zongin na pianna nu leh pa tawh kibang thei ngei lo ding hi. Pianna nu leh pa’ hong it zah in kuaman hong it lo ding hi. Tua ahih manin na nu leh pa khasia sak ngei keiin. Zi leh ta kizong tawm theia ahizongin nu leh pa kizong tawm thei lo hi.

Unau sanggam:
Nu leh pa mah bangin laiguizop pih unau zong kiawk zontawm thei tuan lo hi. Tua ahih manin unau laiguizawp pihte pen a manphat mah mah lam theih ding ahi hi. Na lawm na gualte in na laiguizoppih te zah in hong it tak zolo ding uh hi.


Lawmhoih:
Lawm leh gual neih a haksat khawl loh hang lawmhoih neih ding pen haksa mah mah hi. Lawm khempeuh lawmhoih kici kim thei lo hi. Na daupau laitakin lawm hau kha ding hi the ahizongin na haksat hun ciang lawm ding tawm mah mah kha ding hi. Tuabang hun ciangin lawmhoih tak tak te in hong taisan tuan lo ding hi. Hibang hun ciang lawm hoih leh lawm hoih lo kitel thei pan hi.

Innkuan nuam:
Innkuan nuam pen leitunga vangam nai pen ahi hi kici liang hi.Ahizongin innkuan nuam hih nang pen a baih het lo khat hi mawk hi.Sum leh pai leh cidamna bek innkuan nuam kici thei sam lo hi.Lungsim cidamna zong innkuan nuam hih theih naga kisam mah mah khat ahi hi.Innkuan nuam I cih pen a sunga tengte kilem diam diam theihna hi zaw hi.Tua pen sum leh paia lei theih hi lo hi.

Lungnopna:
Mihingte in taksa tawldamna ki deihin ki lunggulh mah mah hi.Hi sanga a deih huai zaw pen lungsim tawl damna lungnopna ahi hi.Ahizongin tua lungsim tawldamna pen haksa mah mah hi.Guih theih kham theih te in lungsim tawldamna hong pia phial zongin tawmvei sung bek hi ding hi.Lungnopna tak tak Jesu sung bekah awm hi.Tua lungnopna pen suma lei theih hi lo hi.

Kilemna:
Leitungin lemna leh muanna ahih theih zahin zong hi.Ahizongin muzo tak tak lo hi.Kilemna sum leh paia lei theih khat hi leh mihau (Billionaire) te in lei mang khin ding uh hi.Sum leh paia lei theih ahih loh manin leitungah lemna leh muanna kicing tak tak awm lo hi.

Pianpih teina:
Pianpih teina pen suma lei theih hi zen zen lo hi.Pianpih cimna a nei kha te pen mi hampha hi mawk uh hi, pianpih B.A hi mawk hi.Sintawm pilna te pen sum tawh kilei a kicih theihna ciang awm hi.Pianpih pilna pen sintawm theih zong hi lo hi.Pianpih pilna pen mi khem peuhin ki nei kim loa mi hampha te bek i’ tankhak ahi hi.

Ki itna:
Ki itna zong sum leh paia lei theih hi lo hi.Sum leh pai hanga ki itna in sawt kimang zolo hi.Tua ahih manin ki itna man kici thei lo ding hi.Mihingte adingin ki itna pen a thupi leh a manpha pen ahi hi.

Hih sum leh pai tawh ki lei theilo a manpha i gen te a manphat lam a telsiam dingin mimal khat ciat topan thupha hong pia ta hen.


~ Thangpi Naulak

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: SUM LEH PAI TAWH A KI LEI THEI LOTE. Agelh ~ Thangpi Naulak Description: Rating: 5 Reviewed By: Cinpu Zomi
Scroll to Top