728x90 AdSpace

Hot
Menu
Zon-ol na Donate

Latest News

(1) VEI MAW (99) VEI. Agelh ~ CK. Khai

(1)   VEI MAW (99) VEI
Agelh ~ CK. Khai

            Papi suangsek khat kiangah naupang khat hongpai-in pu-aw hih suangpi bang hun a tamkhia a hia a cih leh Papipa in (100) vei kasat na ah ki tam hi ci-in dawng a naupangno in (99)  vei na satna-ah tam lo maw a cih leh, tam lo hi ci-in dawng hi. Naupangno in (100) vei na ah tam khia pan a hih leh a (99) vei na satnate a mawknapi aive maw gimhuai tak ei a cih leh suangsekpa in naupang aw (99) vei ka sat khit manin a (100) vei na ah khat vei satna tawh a kitam hi zaw hi cihi.

            Peter zong zingsang khuavak teh khat vei ngen a khuh na tawh ngasa tampi a mat theih nadingin zanthapai lungkia lo in cihtakna tawh tamveipi ngen na khuh hi (LK 5:6). Khatvei khuh na tawh ngasa tampi manin a lawhcinna i gen-simin zanthapai a lawhcin lohna ki gen-masa hamtang hi. A mahmah in zong gen hi (Lk5:5)

            Tuni-a na lawhcin lohna, daupai lohna, guallelh nate lungkia in taisan kei-in zan thapai, ngen khuh na hihi. Zingsang teh na lawhcin hun, na gualzawh hun hong tung ding hi. Zing sang khuavak tawh na dawntuah gualzawhna na suutni-in zanthapai na lawhcin loh nate gen-masak in hong om ding hi.

            Lasakna thugenna tawh teci i pan teh i lawhcin nate sangin i lawhcin lohnate in mite lungsim bunzaw, sukha zaw hi. Tuni-a i lawhcinlohna pen mite nuntakna a khel ding leh tha a piathei ding a teci manpha a kholkhol i hihi.

Lawhcinna sang in lawhsapna hoih zaw cih hi lo a
Lawhcinna pen a-gah hi-a, lawhsapna pen a kung a
hihi.

*Ki khen thei lo hi.

Lawhcing den cih a omloh mah bang in                                   

lawhsam den cihzong om tuan lo hi.

~~~~~~~~~~~~~~~~~~~~~~~~~~~~~~~~~~~~~~~~~~~~~~

Source :
NA KISAP KHAT (Laibu)
Agelh – C.K. Khai
Ahawm khia :  Khan International Intercession Ministry – KIIMinistries

Laigelh C.K. Khai leh ahawmkhia KIIMinistries in Laibusaal / Zomi eLibrary  ading in Phalna ahong piak ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: (1) VEI MAW (99) VEI. Agelh ~ CK. Khai Description: Rating: 5 Reviewed By: Cinpu Zomi
Scroll to Top