728x90 AdSpace

Hot
Menu
Zon-ol na Donate

Latest News

INNKUAN PHUNGCING. Agelh ~ Thang Do Khen

INNKUAN PHUNGCING.
Agelh ~ Thang Do Khen

Dr. Vum Ko Hau innkuan, Thuklai




1.     Innkhat sungah a nuinui, a kapkap, a mau'mau', ahanghang a omleh, innkuan picing hihna lim ahi hi.

2.     Kammal hoihlo khat in ngaihsutna hencip-a, ngaihsutna suakta lo pen pumpi in thuakin, pumpi zawngkhalleh na khempeuh a tawlnga ahi hi.

3.  Innkuan sung zia kibang kim lo cih thei ciat ding hi. Innkhat sungah zia a tuamtuam i om na pen innkuan kicinna in ngaihsun zaw ding hi. I ki thutuah loh ciangin zong thupha namkhatin ngaihsun lel ding hi. Meingongte in kitotpih ding a neite eng mahmah ding uh hi.

4.     Nu pen ahi-a, pa pen ahi zongin, khat zawzaw a pau ciangin, nu' tang', pa' tang'in a pau hi, i ci thei pahpah ding hi. Tua mah bangin a paute in zong a kizang thei ding bek mah pau pah ding hi.

5.     Mi tawh ahi-a, innkuante tawh ahi zongin, i kizoppihte' dan tawh kizui-in ho thei ding hi. Nu hihna, pa hihna, pi hihna, pu hihnate i phawk ding hi. I hopih khak pen hampha a kisak ding uh thupi mahmah ding hi.


6.     Nu leh pa nei lai maw, ute bek tawh om maw, i tungah a om, a om' laileh hawhna vahna dingte amau thei sak hamtang ding hi. Tham lo-in hong awi' leh hong awi' loh dingte i hu-ngaih lai ding hi. Sum i ngah sunsun i tun ding hi. Tua panin innkuan kisapna zui in kizeek ding hi. Tua pen innkuan hihna leh kipumkhatna ahi hi.

7.     Sum pekkhat, peknih i muhte cihtaklo cih bang om lo ding hi. I muh phetphetin Pasian' sumpi phawk masa den ding hi. Pasian in thuneute tung panin mat lak' kipan hi, cih i phawk gige ding hi.

8.     Khual gamla ah a zin dingte in Gam 4 na(Vangam) pai theihna pasport(Jesu) nei masaleh hoih hi. Inn-ah ki baang manlo-in a pai suaksuak ki om thei hi.

9.     Hehna ki-iip ding hi. Banghanghiam cihleh :-

     (1) Hehna sungah Pasian dikna kilang thei lo hi.

     (2) Hehna in hai-na kilatna ahi hi.

     (3) Pil a kisate hehbaih lo ding hi.

     (4) Hehna pen mipilte' zia hilo-in, mihaite' zia bek hi.

     (5) Hehna hoihlo ahihmanin a heh peuh in zong, "Ni tum'nelh sak kei hen" a ci hi.

     (6) Hehna pen Satan' vanzat tangzang khat hi-a, nuihna zong Pasian' vanzat            tang   zang khat ahi hi.

10.  I om na, i zin na, i vahna mun ciatciat pen i hunzat nunung pen mun zong hi thei hi. Inn lam tawh i kihoho laitak zong i hun nunung pen hi thei hi. I kikhenkhiat laitakin zong, Mi Siangtho laktohna piang vat thei hi. Lei ah i kimu nawn kei zongin Van ah kimu veve ding, cihte phawk gige ding hi. Tua ahihmanin i om na mun ciatciat panin, kuama' makaih kikul sak sese lo-in, khua lam-a i om lai khawng tawh teh lo-in, ei leh Pasian i ki zom den ding hi

A kiging nuntakna:
(1) A zinkhia dingte kam hoih tawh ki khakhia ding hi.

(2) A vakkhia dingte bek nangawn zong i vah lam kithei sak ding hi.

(3) I vah nading leh i tun hun ding gen khol thei ding hi.

(4) Khualak vak ding bek i hita zongin, kamhoih, kamkhum tawh kikha khia ding hi.

(5) I zinkhia ahi zongin i inn mahah i lungsim teng sak den ding hi.

(6) I lawm i gualte tawh nuam i sak laitakin zong, i nu, i pa leh i naute tawh i kisim kholh(phawk gige)ding hi.

(7) I zon, i vaihna pen i innkuan' hang ahihna phawk gige ding hi.

(8) Inn pan i kuankhiat dinga i holimnate phawk gige in, i tangtun masiah, zi maw, pasal maw, nei nai lo tadih phot ding hi.

(9) I mailam hunte kigenkhol theilo ahihmanin, i zinna gamte ah, kipawlna khat peuh maw, nu bang, pa banga i neih ding khat i vaihawm ding hi.

(10) I thalawhsa i sum i paaite, lei-ah i nusiat phial lezong, a manphatna teng i keng dinga, Lei bank leh Van bank kiluai in, na lamet loh laitakin, na thaman khempeuh, Van bank panin hong kithoh sak ding hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: INNKUAN PHUNGCING. Agelh ~ Thang Do Khen Description: Rating: 5 Reviewed By: Cinpu Zomi
Scroll to Top