728x90 AdSpace

Hot
Menu
Zon-ol na Donate

Latest News

GUPKHIATNA (Salvation) Dotna leh Lai siangtho tawh dawn kikna.

GUPKHIATNA (Salvation)
Dotna leh Lai siangtho tawh dawn kikna.


1. Gupkhiatna i cih in bang ahi hiam?
Gupkhiatna i cih in mawhna leh tua mawhna i thaman dan pan in suahtakna ahi hi.

2. Gupkhiatna a phuang khia pa kua hiam?
Khazih hi.  “A cingtaak mi a suah khit ciangin amathu a mang mite khempeuh adingin hotkhiatna kipatna hong suak a”…. (Heb. 5:9).

3. Kuate tungah Gupkhiatna kipia hiam?
“Kei hong en un, tua hileh gupna nangah ding uh hi, leitung mun khempeuh adingin kei Pasian ka hi hi (Isah. 45: 22).

4. Gupkhiatna ngah theih nadingin i thukhun in bangteng ahi hiam?
Upna (John 3: 16), kisik kikna (Luke 13:3), thuman’na (Heb. 5:9).

5. Koi bang danin gupna kingah thei ding hiam?
“Note’ upna hangin Pasian’ hong hehpihna tawh hotkhiatna a-ngah na hi uh hi. Note’ thalawhna hangin a-ngah hi loin Pasian’ hong piak khong ahi hi” (Eph. 2:8).


6. Sepna leh hanciamna tawh gupkhiatna a kingah thei diam?
Note’ hanciamna tawh a-ngah hilo nahih manun na kisialh theihna ding uh thu omlo hi” (Eph. 2:9).

7. Tua ahih leh mihingte in mawhna sungah kibual den leh upna nei hi i ci thei diam?
“Gamtatna in a-zui lo upna pen a si hi” (Jem. 2:17). “Mawhna thu-ah a si eite in bang ci-in mawhna bawl thei nawn ding ihi hiam?” (Rom. 6:2).

8. Gupkhiatna ngah nading lampi in bang ahi hiam?
“Keimah in lampi ka hi a, thumaan-na leh nuntakna zong ka hi hi. Kei hong suang loin kua mah Pa khiangah a-tung zo kei ding hi” (John 14:6).

9. Lampi dang ee leh a-om thei lai diam?
Banghang hiam cihleh eite in hotkhiatna i ngah theih nadingin leitung khempeuhah Pasian in hong piak mindang khat zong omlo hi (Sawltak 4:12).

10. Pasian in a mangthang mite koi bangin mu hiam?
“Note khat beek in siatna na-thuak khak ding uh deih loin, na vekpi-un na kisik ding uh deih ahih manin hong pai nailohna pen note hong khualna hi zaw hi” (II Peter 3:9).

11. Mawhna sungah a-kia mite adingin Pasian in a-itna koi bang in lakkhia ahi hiam?
“Pasian in leitung mite it lua mahmah ahih manin Tapa khat bek a-neihsun a hong pia hi. Tua Tapa a-um mi khempeuh in ki sia loin, nuntak tawntungna ngah ding hi” (John 3:16).


Lai gelh: Daniel Kauffman
Lailet kik: Rev. Dr. Langh Khan Thang (D. Miss)

Source :

Christian Nuntakna ah a Kisam Theihuai Thute (Laibu)

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: GUPKHIATNA (Salvation) Dotna leh Lai siangtho tawh dawn kikna. Description: Rating: 5 Reviewed By: Cinpu Zomi
Scroll to Top