728x90 AdSpace

Hot
Menu
Zon-ol na Donate

Latest News

KUM 500 CINGTA.

Kum 500 cingta
    Agelh ~ Dr. Pau D. Lian D.Min, (Ph.D. Student) 


Banghangin Pasian khatbia napi’n Roman Catholic leh Protestant kikhen cih itheihiam, banghang leh kua tungpan cih ihtheihiam? Hihpen sileh sakikhenna hilo in Laisiangtho pomzia tawhkikhen na hizaw hi.

October 31, 1517 kumin Martin Luther in Laisiangtho tawh kituak upnate theses 95 published hi. A thesis masa pen, “When Christ says, “Repent,” He wills us to live in repentance, “Khazih mintawh kikhel in’ acih leh “Kikhel” takpi-in nuntak ding deih hi.”  Tua theses tepen Castle Church (Germany) kong khakpi tungah ah October 31, 1517 ni-in suang hi. Hih hunlai in Castle Biakinn pi ah nisim in a endingin Europe gamkhempeuh pan mite hawhden hi. Ahangpen biakinn sunga kisuang misiangtho (saints) telimte enleng mawh maina ngahbaih kici hi. Luther hangsan takin upna tawh ding ngam ahihman in, hih biakinn pen Protestant biakinn masa pen hidingin kingaih sun hi. Tua zawh October 31, 1517 ni in kum 500 hongcing hita hi. Lamkhat panin cileng Roman Catholic leh Protestant te kikhenzawh kum 500 cingta cihna zong ahi hi. Protestant hong omzawh kum 500 sungin, Leitung ah’ members million 900 valpha hi.


Alunglut huaikhat ah anungta Pasian (To thum gawm Pasian) mahsuangin bang hangin hongkikhen a, tua hongkikhenzawh uh adiak in Leitung biakna paizia, (religious) sumzonzia (economics), gamki-ukzia (politics), khuasakna (social) leh pilnalam (intellectual-edu) ah  bang kilamdan na omhiam cih ahi hi. Ataktak in Catholic sungpan’ Pasian tawhkizop zia athukzaw in hongkan takciangun Catholic makaipi pawlkhatmah in asiangtho Christian hihna (more pure form of Christianity) lunggulhna hangin Roman Catholic nusia in Luther nungzui uh hi.

Martin Luther lungtang sungpan’ Pasian leh mihing kizawpna athukzaw in theihnopna hongnei hi. Ahang pen, “Mihing mawhnei leh Asiangtho Pasian kizopna” ahi hi. Hih hun, Luther hunsung, tengin adik/manlo biakna paizia in anawkkhak laitak ahihman in Luther zong alung manglua mahmah hi. Pasian kammal (Laisiangtho) biakinn ah damdam in kizangnawnlo in biakna makaite deihna leh siampite kammalte’ sangngaihsutzawk ta uh hi. Nikhat Luther kiko khia in Pasian tawh kizoptheih nang ahihleh ci-in phunggyi (monk) sangah lut ning’ ci hi. Alut hang alunggulh mutuanlo hi.  Luther buaina pen mawhmai sakna hi a tua mawhna (sin) leh mawhnate (sins) tua hunlai RC sungah khencian na neilo uh hi. `(Sin) singular pen Adam panluahsuk mawhna mihing khempeuh ngah ahi hi. (Sins) pen nisim kampau na, gamtatna, nekna leh dawnna pan mawhna te a hi hi. Luther in hihbangin ci hi. “I can never achieve righteousness because I am a sinner at the root.” “Amawhsa in suak kahih manin thumanna ngahngeilo ding hing.” Tuaban ah tua RC pawlpi te in hih ih leitung pumpi asihkhit hang kisiansuahna (purgatory) ah ihkha in gupkhiatna ngahtheilai hi’ cihpen Laisiangtho tawhkituak lo ahihman in um thei lo hi. Diktan napen upnabek tawh Khazih hangin hithei hi (Hab 2:4) cih telsinsen ahihman in hangsan takin thalnial ngam mawk hi. Tua hi a, Luther in Sola Scriptura (Laisiangtho bek) siksan in Eck tawh Leipzig ah kinial uh hi.  1521pan Castle Church ah asih (1546) dong gupkhiatna ihcih pen Khazih sepna upna hangbek tawh hi cih’ kaalkhat sungin 5-7 veiciang tua biakinn ah thugen na neiden hi.  Luther inci hi, “Hih biakinn sungah nadangdang thute peuhmah kigen lodinga ih Topa in asiangtho a kammal pan honghopihna leh thungetna leh phatna tawh kiho dingbek ahi hi” ci ngiat hi. 


Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: KUM 500 CINGTA. Description: Rating: 5 Reviewed By: Cinpu Zomi
Scroll to Top