728x90 AdSpace

Hot
Menu
Zon-ol na Donate

Latest News

NUIHZAKHUAI NA SA HIAM? Rev. Dr. JM. Ngul Khan Pau

NUIHZAKHUAI NA SA HIAM?
Rev. Dr. JM. Ngul Khan Pau


Sum Ks.1000(tulkhat) lai biakinnah na tawi ciangin lian mahmah a, sumbukah na tawi ciangin neu mahmah hi.

Lai Siangtho laimai khat sung sim ding gimhuai mahmah a, thukizakna dalpi nihta sim loin na lum ngei kei hi.

Biak kikhop hun nainih sung bangzah takin sawt a, gualnopna Cinema leh bawlung kimawl ciang lah tom  mahmah hi.

Bawlung kimawlna a hun kibehlap cih ih zak ciangin kilungdam mahmah a, biak kikhopna a hun kibehlap ciang ih phunphun hi.


Khalam thangah nading laibute ih sim ciangin ih cim pahpah a, lawm kingaih thu kigelhna laimai 400 khawng zan khatin ih sim zo pahpah hi.

Lungdamna Thu mi kiangah gen ding ih cih ciangin ka siam kei ih ci uh a, midang gensiat ding ciang lah ka siam kei, ih ci ngei kei uh hi.

Limlahna lasiamte lasakna, mel leh puam hoih kidemna-ah tutna a masa gual ih kituh uh a, biakinn ah a nunung/minung lam ih tuh zaw hi.

Tate laisiam ding ih lim ngaihsut mahmah uh a, Nipi Sangkah ding ih genpih ngei kei hi. Vangam ih tung nuam ciat uh a, Jesuh nungzuih man a supna ih thuak nuam kei hi.

Pasian cihna banga suahkikna ih zui nuam kei uh a, eima deihna bangin suahkik ih sawm uh hi. Kumpi nasemte'n khasum tawm a sak ciangun "Nuakna" bawl thei uh a, tua pen lamdang ih sa kei uh hi. Pasian nasemte'n khasum tawmthu a gen uh ciangin tangtel sihtan mah ih bang uh hi.

Zu dawn loh ding ih gengen uh a, ih vok vakte uh zu-huan om kei leh anngawl ding uh hi, ih ci hi.

Papi nungak hel, lawmngai om ciangin lamdang ih sa kei uh a, Pastor zi nei loin nungak hel ciangin ih gen kheukho uh hi.

Source :
Rev. Dr. JM. Ngul Khan Pau
(facebook pan)

Upna Laigil 19 -10


Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: NUIHZAKHUAI NA SA HIAM? Rev. Dr. JM. Ngul Khan Pau Description: Rating: 5 Reviewed By: Cinpu Zomi
Scroll to Top