728x90 AdSpace

Hot
Menu
Zon-ol na Donate

Latest News

Thual Zen Gal.

Thual Zen Gal

a. Rih simna
Zo galkap khenkhat pen Saizang khuami Major Song Cin Pau in makaihin Rih camp sim uh hi. Tua laiah Kawl galkap Platoon khat om hi. Kawl kumpi lam pan anau tang tampi leh a bupa dongin hing mat uh hi. Ahi hangin Pasian thuzui hihna tawh bawlsiatna gamta lo-in khah kik uh hi.

b. Khalkha simna
Rih lak khit ciangin, Pu Hrang Nawl makaih pawlin Khalkha sim dingin kihtawi uh hi. Khalkha a tunma nai 2-in Kawl palikte in thu na za khin uha kiging sa-in a om uh hi. Pu Hrang Nawl pawlte tawh tawl khat kikapna ah Zo galkap khat si hi. Zo galkapte in Khalkha la zo lo-in kilehkik uh hi.


c. Tedim simna
Tedim sim ding pawl ah Zo galkap 700 pha-in General Thual Zen makai hi. Amah pen hih Zo galkapbup ii Commander-in-Chief zong ahi hi. Thau a hauh loh uh hangin, Tedim pen la zo mahmah ding hi napi, Suangkua ah Zomi (Kawl palai) le Zomi (Zo kumpi palai) a kikhoh uh ciangin din khawl kik uh hi.

d. Suangkua Kikhohna
Suangkua ah 1964, Julai kha 7 ni-in Kawl kumpi tangin Col Vankulh leh Pu Son Khua Lian, Chin Special Gamkhen komisiana, leh Gen. Thual Zente kimu-in a kikhohna nei uh hi. Col Vankulh in Pu Thual Zen kiangah, Myout-uk za-in hong kipan sak ning, cih tawh zawl hi. Tua kikhohhun sungin mun le mualteng ah Kawl galkapte kithehtangin Zo galkapte tatna ding haksak sak hi.

Suangkua ah Col Vankulh leh Pu Thawng Cin Thangte in Zo galkapte kiangah Tedim na kapna uh hangin mipi in thuak lawh lel ding hi. Tua manin hiamkhia-in na ki-ap uh leh, mat le hen thuak lo ding, cih tawh zawl uh hi. Ahi hangin, Kawl kumpi in mat mang dingin thupia veve hi. Pu Thaul Zente gamsung lut kikin amah pen Vai kumpi in mana Kawl kumpi tungah ap hi. Kawl kumpi mat khak loh Zo galkap pawl Vaigam Singngat khua, Palik zum sim uh hi.

Col. Son Kho Pau leh Pu Tun Kho Pum makaih Pakistan pai pawl haksakna om lo-in Champhai phualpi tung kik uh hi. Naga makaite tawh kimu dingin Col. Son Kho Pau leh Zo galkap nih a pai lamun Assam Raifalte in manin Imphal thongah kikoih hi. Amin pen Thuantak cihin thuneite tung gen ahi manin Kawlgam a kipuak lo pen Dr. Vum Kho Hau in genkhiat ahih manin Kawlgam kipuak hi.
A naseppih Zomi makai Pu Hrang Nawl, Pu Thual Zen leh makai dangte tawh kibangin, Kawl kumpi in kum 8 thongkhia uh hi. Pu Thual Zen in gam leh minam adingin thong sungmah ah a nuntaakna pia suak hi.

Zomi makai lakpan Pu Tun Kho Pum bek suakta lai hi. Tua laitak, Mizo National Front in Pakistan kumpi kiang pan huhna galvan a ngah theihna dingin Pu Tun Kho Pum kisam uh hi. Bang hang hiam cih leh, Pakistan in Zomi Zosuan makai-in Pu Tun Kho Pum bek ciamteh uh hi. Tua manin MNF in Pu Tun Kho Pum leh Pakistan siamsin 30 kiim pawl thaukhia-in lut sak uh hi. MNF kepin kum khat val a om khit ciangin thautang leng khial khat in a nuntaakna a la hi.

~ Tg. Salai A

Source :

Zomi Reovolusian Tangthu II (1948-1988)

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Thual Zen Gal. Description: Rating: 5 Reviewed By: Cinpu Zomi
Scroll to Top