728x90 AdSpace

Hot
Menu
Zon-ol na Donate

Latest News

Zomi khangno le Media

Zomi khangno le Media

Photo Credit : Gin Kim Mang

Thupatna
Nuntak khuasakna nekledawn hamsa ihcih kawmkalah khantohna in ei Zomite zong hong ban-in mipi 50% bang in smart phone kitawi hi. Hih huihlak a thu kizakna manlang mahmah in leitung buppi pen khuaneu khat (Global village) sung a om bangin thukizakna ol mahmah ta hi. Khantohna a man lan mahmah natawh kizui in ih laigelh zia le social mediate zatna tawm cik khat ki kum leng ka ut hi.

Gam khat makaihna
Gam khat ki makaihna ah a khantoh theihna ding le a picin theihna ding in thuguipi thum om hi. Khatna ah (legislative) kawlgam sungah hi le parliament (Gambup innpi vaihawm pawl). Nihna ha (Executive) thukhentatna nei pawl kawlgam sung bang hi le President thuneihna*. Thumna ah (Judciary) Thuman gen pawl – thukhente, sitni. Thukhen zum a thuneite cih bangin khuampi thum tungah kilam hi.


Media thupitna
Media pen forth pillar- khuampi li-na kici-in a tunga khuampi thumte nasepna le vaihawmte mipi theihtheih ding in a pulak khia pen media nasep a hih manin gamkhat dinkip theihna ding in khuampi li-na kici hi. A tung a khuampi thumte seplebawl vaihawm nate a encik zong media mah a hih manin media pen (public eye) mipi mittang zong kici hi.

Media sungah
Media sungah old media leh new media ci-in khennih in kikhen hi. Old media sungah television, radio, le News paper te kikhel hi. New media sungah internet, viber, phone, facebook, twitter, sykpe etc. Kihel hi.

Media zatdan
Media zatna sungah subjective media le objective media ci-in khennih in kikhen hi. Subjective media ihcih ciangin a piangthu khat ahi bangin gen, pulak, gelhkhia in, deihkaih cihbang omlo in a hi bangbangin tangko khia hi. Subjetive media in mipi tungah ngaihsutna pia-in mipi theisak in, thuman telciamsak hi. Subjective media ihcih namte in thuman gen in a hi bangbang in thugenna, deihkaihlo in guptuam paihtuam omlo a thugenna/gelhna hi. Objective media in bel a mau deihna bulphuh in a piangthu khat peuh deih kaihin thugen na a hihi. Objective media in a mau deihna midangte theisak, hilhsawn in, thuzawh sawm uhhi. Tua a hih manin a mau thugen, laigelh, laihawm zong a sang thei teng bek a ding hi zaw deuh pah hi.


Mikim online
Nidang lai-in media nasem ding a tuamin omin, mikim kihel theilo kihelzolo hi. A hizongin tuhun khantohna (Information Age) hunah mikim phial in media nasep kisem hi. A diakdiakin phone tawi mikim in, ih muhna khat, ihzakthu khat it utthu khat peuh facebook, viber le social media tungah suah pahpah thei ih hih manin mikim online media agent/tanute suak khinta hi hang.

Khangnote le Media
Zomi khangnote aw, mitampi muh dingin na laigelhte, na man suante, a kilawm mah hiam? Ci-in lungngiah huai hi. Social media ih limzatna tawh kizui-in kumpite’n thukhun media law zong bawl khinta hi. A mau phalna omlo pi-in man photo khawng kimawk zaih thei nawnlo hi. Tu ciangciang media zatna ah maitang kimulo ih hih manin hangsan tak in laigelh in mimal kikona in limzat mahmah lai hi hang. Media pen information thutheihna/ thu theih huaite mipi tungah theihsakna hi a, mipi phat tuamna ding geel in pulak khia ni. Mel kimu keitah ci-in mikona in zanglo zaw in ih ki cih khakna a om le zong kammal bek kitawng sakin mimal kikona in zang kei leng hoih ding hi. Mi pawl khat bangin mikona ding beksa kha uh a hih manin account min tuamtuam tawh hongin a mau hihna min  le man bang a suang ngamlo om le ki lawm hi.

Thukhupna
Zomi khangnote in media a thupitna le manphatna tel in thuhoih thupha tangkona le mipi tungah hawp sawnna in nei ni. Media pen lau bawl ding hilo a, zatsiam ding hi. Media ih zatna ah laigelhna le thugenna tungtawn in ih din mun mipi tungah eilehei a ki pulak khia den hi hang. Media na zatsiamna hang in nang le nang mithupi khat nahih lam zong kong phawk sak nuam hi.

 Itna le deihsakna tawh,


~ Thang Nen Mung

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: Zomi khangno le Media Description: Rating: 5 Reviewed By: Cinpu Zomi
Scroll to Top