728x90 AdSpace

Hot
Menu
Zon-ol na Donate

Latest News

NA NGAPIK (ငါး ပိ). Agelh ~ CK Khai


NA NGAPIK (ငါး ပိ).
Agelh ~ CK. Khai


“Sanginn sung teng ngapik nam lua kuan ne” ci-in sang siapa kitomtom hi. Pasalno khat in “Sia aw ki etna man-ah va kien in” ci-in sawl hi. Siapa in zong thumang tak in a va kiet leh sunan a nek lai a a-ngapik meh tawmno khat a muk ah na baang lai hi. Phiatsiang in sanginn sung hong lut kik leh ngapik nam nawnlo a hihman in pau nawn lo in a lai sinpih hi.

“Ngapik uihlua” ci-in kitomtom in sangnaupangte a ngawh hang a mah na hi zaw hi. Tua bangmah in a mah “kua hiam” cih kitello a mite a mawhsak den mipawl khat ki om hi.

`          
Ei a mu lo-a mite hoih lohna i muh-pen pilna, ciimna hi lo hi.
           
Mite hoih lo i-cih theihna pen ei hoih loh man zong na hi zaw thei hi. Mi khat mu phet lianin mudah pah cih pen a mah hilo zaw a ei kihi zaw hi.
           
Laisiangtho sungah zong amah leh amah kitel lopi a mi dangte mawhsakna thu a khen sawm kumpikhat pen David a hihi. II Samuel 12:1-7 sung i sim teh David in tuu hau, leng la neipa pen thah ding in ki lawm,a zahli in loh kik hen ci giap-laitak in,a neu 7 na ah Nathan in tuapa pen “ Nangmah na hi” ci hi.
           
Mi te I hawmthawhna, i neumuhna, i siatmuhna, I mawhsakna te enkik leng ei zong i ngapik a na om lai hi mai thei hi. Eite a dingin ki et na man a hi Laisiangtho en zel in ki sit tel ni.
           
            Mii dang te thukhen dingin ei i thuman hiam?
            Midangte a gensia dingin ei i hoih hiam?
            Mi dangte a mawh sak dingin ei i dik hiam?
            Mi dangte a neumuh dingin ei i picing takpi hiam?
            Ei leh ei mah ki enpha in ki puahpha ciat ni.


 Mi hoihloh na i muhpen thupi-a, i hoih lohna muhtheih pen   thupi zaw lai hi.

 Mi i et ma in eilehei kien masa ni.

Source :
NA KISAP KHAT (Laibu)
Agelh – C.K. Khai
Ahawm khia :  Khan International Intercession Ministry – KIIMinistries

Laigelh C.K. Khai leh ahawmkhia KIIMinistries in Laibusaal / Zomi eLibrary  ading in Phalna ahong piak ahi hi.

Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: NA NGAPIK (ငါး ပိ). Agelh ~ CK Khai Description: Rating: 5 Reviewed By: Cinpu Zomi
Scroll to Top