728x90 AdSpace

Hot
Menu
Zon-ol na Donate

Latest News

THEIHLOH MAWHNA. Agelh ~ Thang Do Khen

THEIHLOH MAWHNA.
Agelh ~ Thang Do Khen


1. I zak kikkik loh hangin ei'hangin a thanem honkhat om thei hi.

2. I lawhcin theihlohna pawlkhatte i theihloh mawhnate' hang' hi thei hi.

3. A thu i theihloh manin a hidingmah kisa lel-a, mite' a' dingin a dongtangpi ki hi den thei hi.

4. I khuadak loh manin hong lamen mite kiphawk lo thei.

5. Thu i kanloh manin phawk ding ki lawm pipite ki phawk kha lo thei hi.

6. I tungah mi a khasiatleh hongitte hi cih phawk ding a hi hi. Khasiatna i cih pen itna kithuk lohna pan a piang a hi hi.

7. Thusinna, muhbehna, tintante nei ngeilo-in a ngeina bangin i hilh, i makaih denleh i mite a hun zui-in khangto zolo ding hi. Naupangte' a' dingin lamkhak kisuak thei hi.


8. I gan cinna sungah a hatte bek en khaleng, a laihawlte leh a hatlote kimu lo dinga, a laihawlte bek en leng a masate leh a nunungte kimu lo dinga, a nungte bek en leng khantohna om ngeilo ding hi. Bangtan kikaakin, kihal uh hitaleh etkhat-a i muhkim zawh nadingin huangbup sung i zai' et(lungsim zai' neih)mahmah ding kisam hi.

9. Ei i gitnat loh luat manin midangte' a' dingin vangikpi ki suak thei hi.

10. I nu i pate, i siate, i theihloh kal-in ki thanem-nem sak thei hi. I makaite thanemleh a tupna hong tunpih zolo dinga, i siate leh i lawmte' a' dingin lam khak ki hi ding hi. I nu i pate zong i thanem' sakleh, a nawitui uh dawnkangin, a thatang uh zang bei-in, a lungtang uh dawt lailai leng, sih hun lopi-in si le-uh nu leh pa that sazian mong lamah a na kizom kha tam?

11. I gei-a i lawmte khat in a gen nop khat gen ngamlo hi cih theihsak napi-a, i va gensak lohna zong, "Kei kisai keng" i cihleh, "Theihloh mawhna" sazian-ah a na kihel kha diam?
12. Hong tung thakte maingal lo hi cih thei napi-a, i leengla om' sak denleh, i teektanh-na a zangkhia lo i hi tam?

13. "Kei a nei hilel ing; kei a vaihawm hilel ing" ci-in a hun theilo-a i ut banga i omleh a hun zui-a kalsuante' vai i buai sak ding hi.

14. Mawtaw tung maw, meileeng tung maw, tembaw tung maw, te ah a luvai leh a khambaih ki om thei cih phawk kha lo-a, a gim namsia khat peuh i zatleh ei' hangin kiu khat-ah mi na lualua thei hi.

15. I zakkhopna huam sungah cimawh kiko na i zakleh, "Ka mipih, ka sa pih hi kei e, amah'n zong hong thei hito kei" na cihleh, hong zasakpa in bat nei-in hong ciamteh kha tam!...I zakkhopna huam sung pen ei' gam hi pahpah hi.

16. Zindona ah:- " Ka zinte' lakah ka an huan', ka meh bawl' te a netheilo peuh a om kha tam" cihte don sese lo-a pia suk ziau-a na dang sep san lel pen, a ne theilote gilkial pi-in na inn pan a paikhia ding a hi hi.

17. Van zuakna ah:- "Keima' vante keima' thu" ci-in niam nono-a na khah mangleh na van a kibatpih, a pongman-a zuakte' a' dingin na dongtang ding hi.

18. Makai hihna:- I mite' lakah thumanglo khat hiphial taleh, i ko' bawlna kammal paisuakin a mau' a' dingin guallelhna long a vawhsak i suak ding hi.

19. Zatep ngeilo khat kiangah za i tep ciangin za zialkhat in i nuntakna second 4 tomsak kici ahihmanin i zakhu a diik kha-te' nuntakna second 1 bang kithah sak kha ding hi.

20. I huangsunga i nektheih kung khat, kum simin i phat tuampih a hita zongin, i veengte' an-pho', puan pho'-te nisimin na liah den thei hi.

21. Daai nawl-a i nektheih kung khat pen kumsimin a gah i ne a hita zongin, i veengte in a teh kia pawlkhat nisimin na buaipih den thei hi.

22. I veengte teeksia om' na leh damlo om' na pen ei khangnote innkuan in luum' ziazua den leng, hong paupih theih nading uh om lo a hita zongin, na gim' lawhin, na tawl' lawh mahmah zel le-uh!

23. I kizepdante in mite' lungsim na buahthak sak gige thei hi. Gnt:- Siama khat in a damlo bawl' pen a cisa kah den ahihmanin cih nading thei lo-a siavuanpa a kohleh, "Na puan-aang kilhcip in" a cih san ziau hi.

24. Mi' nau, mi' tate nek-ngaih kisa in, i nek bangbang i piakleh a nu a pa' makaihna tawh na kileh bulh gige thei hi.

25. E'n natna ginalo khat vei-in, i lawmte in tua thei kha lo-in, i ki nek-ngaihna hangin i tung panin natna hong ngah le-uh!26. "Ka thuneihna hi" ci-in gup tuam nei leng, khat pen a hilopi-in a thuaksak suak ding!

27. "Ka thuneihna hi" ci-in thukip, lakip khinsate, kilaihlaihleh a nesa, a dawn sate kial tung dinga, nuntakpih cian om lo ding hi.

28. I hihna leh i tavuan tawh kizui-in, i om' loh ciangin makaihna lampi a siasak ki suak hi. A khangto ding pawlkhat paktawng thei hi.

29. Ciamnuih bawl'na ah:-
(1) " Zawng khua theilo khua thei sak" cih om thei!
(2) Mi' thu-ip khinkhian khat zong kipulak sak thei!
(3) A nuinuite' lakah a zahlak zong om thei!
(4) A kisam hetlo khat zong ki pulak thei!
(5) A nui hetlo khat a om' le-zong pilvan huai!

30. Hun tawp Thukhen NI ciangin theihloh mawhna a tam' luat khak ding lauhuai hi!

"THUKHEN NI ciangin mi khempeih in phattuamna a om lo a kam paunate uh khempeuh bangin thusitna a thuak ding uh hi." Mt 12:36.


Zomi e-Library pan ngetna

Sum leh paai tawh nasepkhopna ding olno tak in HIH-LAI-MUN-PA'N kipiathei hi.

Hih atung a article hoihnasak na, hoihnasaklohna a hizong in na muhna te anuai a comment ah hehpihna tawh honggelhsak ve lawm. I LAIBUSAAL in article tuamtuam leh panpihna a tuamtuam te nangtungpan' hong lamenden hi.I nasepkhopna te HIH-LAI-MUN-PA'N ki-enthei hi.

  • Blogger Comments
  • Facebook Comments

0 comments:

Post a Comment

Item Reviewed: THEIHLOH MAWHNA. Agelh ~ Thang Do Khen Description: Rating: 5 Reviewed By: Cinpu Zomi
Scroll to Top