728x90 AdSpace

Hot
Menu
Zon-ol na Donate

Latest News

KA SIAPA ‘LUDWIG VAN BEETHOVEN’ TANGTHU! Agelh ~ Kyawkhine @ Khuppu

KA SIAPA ‘LUDWIG VAN BEETHOVEN’ TANGTHU!
( BEETHOVEN - ဗီသိုွဗင္ ခရီး )
Agelh ~ Kyawkhine @ Khuppu

Pian Ni/ kum : 16th Dec,1770.
Bonn khua, Germany gam.

Sihni/kum : 26th Mar,1827.
Vienna khuapi, Austria gam.

Beethoven a neu lai nuntak ziate tampi aki theih loh hang'n, a mah pen mi lamdang a tuampian vivel leh thu ngaihsun mahmah pasal no khat hi in, naupang adangte sang'n khauhpai zaw himhim nahih tuak hi.

Kum li a cinin, a pianna zuapa tektek in violin leh Pianote nasia takin hilh ta hi.


Kum 13 a cin ciang mi nautang Sang (Public school ) ah lai sim kipan-a, tua zawh tutor Zambona khut ah na aap uh hi. Latin lai lam ah siam tungtuanna min pha nangah hi. 1779 kumbulin theatrical company a music Sia leh musical director a sem Sia Christian Gottlob Neefe nuai ah Pilna le Siamna nasin leuleu hi. A lamdang talent manpha aneih mah bangin, Beethoven pen Mozart leh Mendelssohnte tawh na ki banglo zel hi.

Kumnih hong ki veiin, a siapa Neefe in thukhen mang zumpi ah organ tum nasep na guan a, tua kum sung mahin Neefe in a ma nuai ah Assistant ( a huh) dingin panmun naguan kik hi.

1787 kum in, Vienna khuapi ah a khatvei nading va zin aa, tua khua pan Mozart tawh na ki mu uh hi. A hi zongin a nu dam lohna thu azak ciang sawttam man loin Bonn khua ah ong kileh kik pah hi. Kha tam lo khit nungin a Nu leh a mah sang kumkhat leh alang u zaw a U nu in na bei san mawk a hih manin, tua hun sung pen Beethoven a ding in khimkhua ziin hun te na ki ci hi.

1783 kum, phalbi a tun madeuh in, Bethoven ii significant compositiom masapen , three piano Sonatas kikhah(public) a, tua pen state elector , Maximilian Friefrich a pahtawina leh a lopsakna in kizangh hi.

1792 kum in, Bonn khua ah Pianno siam Haynd hong zin -a, Beethoven music phuahte phat leh pahtawi kawmin a na sepnate tha napia hi. Tua kum mahin, Beethovem in apian na khua Bonn nusia paisuak ding in, Vienna khuapi ah na pem san ta hi. Vienna khuapi ah a siate Haynd, Schenk leh a sia nunung pen a hi Albrechtsberger te kiang ah Kum nih sung siamna na sin beh lai hi.

1801 kum panin nopsakna lunkimna minthanna ngah kipan in,a mai hong taang ta hi. Hih bang a nopsakna te tawh kisai in a lawm pa lai a khak na ah " My composition bring me in a great deal, and I can say that I have more orders than I can excute. I have six or seven publishers for each one of my words, and could have more if I chose. No more bargaining! I name my terms and they pay."na ci ziau hi.

1801 kum panin a khuazak theihna hong buai pan ta a, kum 33 a cin ciang in khua zanawn kilkel lo hi. A hih zong in a khua zak theihlohna tawh ki lungkia sak tuan lo in a lawm pa kiang ah hih bang in lai na khak kik hi" I will as far as possible , defy my fate, though there must be moments when I shall be the most miserable of God's creatures." na ci hi. A tuah ding nopna dahna bang bang a hong tung zongin a lauhlona leh a hangsannate a hi hi. Lolai khawng ah a pai ciangin zongh Music mah ngaihsunin gelh khiat tawh thuah pahpah hi, Pasian bawlsa a piangsa nate paktain kuhkal , citak le a hanciam den mi khat ahi hi.

Piano siam tungtuang cih bek hi loin Music phuahna lam ah zongh a sang pen in kiciamteh mi khat ahi hi. Beethoven gelhsate, 9 symphonies, quartets tampi, sonatas, masses,concertos, one opera, leh pieces music a tom tampi tawh la pawlkhat ahi hi.

Beethoven pen a khuazak loh man bek hi tuan loin mi genhak, thu a hi lolam a sang pahpah, lungduai lo heh baih mi a hih lam amah leh amah a ki genna ah, " who did everything badly except compose music" na ki ci hi. A kim apam-a mite makaih zo in, a gitloh hangin mi dangte na ki-it sak zo veve hi.

1825 November khain a khualzinna pan Vienna ah hong ciah kik a,
1826 kum bei kuan pawlin thuap natna hong nei hi, a thuap hong khang semsem a, a siavuan (doctor) pa ii kepkhialna , a diklo pi'n khoi khial kha a hih manin March 26, 1827 in ,mual hong liam ta hi.

19 century a nuntak hun lai'in a min lawi bang thang tungtuang a, tuhun dongin khangthak te lungsim ah Beethoven Music te mitngei nawn lo hi. Ange (IC) la khat sungah Bethoven nga be akici laa khat zangei tek dingin hong lamen ing.

Et kak laibute :
-        Total Piano Tutor by Terry burrows
-        Everybody's favorite piano pieces by AMSCO Music Publishing Co.NYC


  • Blogger Comments
  • Facebook Comments

0 comments:

Post a Comment

Item Reviewed: KA SIAPA ‘LUDWIG VAN BEETHOVEN’ TANGTHU! Agelh ~ Kyawkhine @ Khuppu Description: Rating: 5 Reviewed By: cinpuzomi
Scroll to Top