728x90 AdSpace

Hot
Menu
Zon-ol na Donate

Latest News

Kisikkikna Nam Nih. Agelh ~ En Khat Thang

Kisikkikna Nam Nih.
Agelh ~  En Khat Thang


 Na nuntakna ah nanglenang khial kisakna na, kisikna na nei ngei hiam?
Kisikna i cih ciangin hun beisa a, i kampau gamtatna, i sep khak, sep loh khak thute tungtawn pan kiphawk thakna pen kisikna kici hi. Kisikna nam nih gen pak leng;

1. Ei le ei lungsim tawngah kisikin kua mahin hong muhpih theih loh kisikna;
Ei mimal khat bek hong sukha khialhnate ahi hi. A kibawl, a kipuahphakik thei kisikna nam ahi hi. Gtn; I sum bawm mansuah leng eima tumtakin lungkhamin, lawmlawm aw ee, koiah nusia kha? kiatsuah kha ka hia le? ci-in, ei le ei kimawh sak hi hang. Tua bang dan khialhnate pen kipuahpha thei in, midangte a ding siatna a piang sak lo mimal kisikna thu khat ahi hi.

Ahi zongin, mawtaw hawl khawng kisiamsak zalzalin nawh hawl gawp, accident tuakin khut bai, khe bai lawh zenzen bang hi leng, mi dangte a sukkhak sese loh hang nuntak tawntung a ding, a kilakik thei nawn lo kisikna lianpi hong suak ding hi. Hi bang dan kisik theihnate a om lohna ding ei mimal ciat kidop theih kikhual theih ding kisam hi.


2. A ki-im thei lo, a kipuahkik thei lo khialhna hanga kisikna;
Eima gamtatna hangin innkuan sung, pawlpi sung, minam sung, gam bup huam le leitung bup nangawn, a sukha thei khialhna pen ahih leh a ki-im thei lo, a kipuahkik thei lo, kisikna lianpi a piangsak thu ahi hi. Gtn; Bo Aung San kawlgam suahtakna ngahna dinga makaipipa pen U Saw in hong thah ciangin U Saw bek sukha lo-in, tu ni dong Kawlgam bupin kisup lawh hi. Hi bangdan khialnate pen i kisik tulvei zongin kibawlpha thei lo khialhna ahi hi.

Tu hun, tulaitakin eite in zong computer screen mai ah tu hithiat in, lai tuamtuam i at zelzul hi. E-mail groups, facebook zangin i hun tampi i bei hi. Lai hoih lai manpha evidence kician takin thu kikupna pen hoih mahmah napi, Tua bang hi lo a, i gup nop mi khat maan takei leh tanggup, thumaan pi khat lah mimal ettheih loh man bek tawh tang gensiat, pengpelep tungnung kituh cih danin, kam tungnung kiselnate tampitak i sim kha zel hi. Atatakin hibang dan khialhnate pen tutadih i tel loh hang, i ta, i tute khangah na simkik dinguh a, i khang zomte in pil lawh lo-in, lungsim ginat lohna hong ngah lawh dinguh a, i minam bup a ding supna lianpi hong suak kha ding hi.

Khangthakte lungtang sungah kigal neih ding cihte teng nawn lo zaw a, kikhawl thei ding, nasem khawm ding, kilawmta ding, i kimlepam eite hangin, a nop zaw mun suaksak ding cihte kibul phuh toto ta hi. Tua ahih teh eite in khang thakte bang thu hoih thupha i nusiat ding hiam?
A kipuahkik thei lo kisikna a piang sak thei ding gamtat kampaute, nasep silbawl hoih lote khangnote lungsim sungah i vawh khak ding lauhuai mahmah ding hi. Kidawm siam ciat ni.

Source :

Hih Thute Manpha Sa Lua Ni Teh’ Laibu.
  • Blogger Comments
  • Facebook Comments

0 comments:

Post a Comment

Item Reviewed: Kisikkikna Nam Nih. Agelh ~ En Khat Thang Description: Rating: 5 Reviewed By: cinpuzomi
Scroll to Top