728x90 AdSpace

Hot
Menu
Zon-ol na Donate

Latest News

Lungdam pawi maw Lungdam bawl? Agelh ~ Rev. Khoi Lam Thang

Lungdam pawi maw Lungdam bawl?
Agelh ~ Rev. Khoi Lam Thang


Ci dihdih! Leitung ah Christmas min lawh dan nam tam peuhmah. Mizote bangin Mas ci ziau.
1.     Albanian: Krishtlindja       
2.     Croatian: Božić    
3.     Dutch: Kerstmiss
4.     Estonian: Jõulud  
5.     Finnish: Joulu      
6.     French: Joyeux Noël,      
7.     German: Frohe Weihnachten      
8.     Greek: Χριστούγεννα = Khristougenna   
9.     Hawai‘ian: Mele Kalikimaka         
10.  Hungarian: Karácsony     
11.  Japanese: Kurisumasu
12.  Latin: dies natalis solis invicti
13.  Mandarin Chinese: shèng dàn
14.  Old English: Cristes mæsse
15.  Portuguese:  Natal
16.  Romanian: Crăciun
17.  Russian & Bulgarian: Rozhdestvo Khristovo
18.  Scandinavian:  Jul
19.  Spanish:  Feliz Navidad
20.  Kayin:


Yangon thu thak:
Lampi mei tang kawikawisak ding, Biakna inn (Biakinn) khempeuh mei tangsak zihziah ding, pakhuan (Park) mun thum ah zanvak la (Carol song) kisasak ding, hong pai peuhpeuh Lungdam bawl letsong pia thei ding cih khawng kiliing hethaat hi. Lungdam huai. Leitung in zong i Christmas hong theih pih zaw deuh ding!

Gen kizom-in:
Pi Luan Za Cing (Mrs Hau Go) in gen: Cope topa in Christmas pen Tedim kamin bang ci ding cih a ngaihsut lai-in “Nuam mahmah, lungdam mahmah a vok khawng na gawh uh ciang bang ci min piak” a cih leh eimi te’n “Lungdam bawl” na ci a, tua pan in LUNGDAM BAWL kammal a nei hi hang.

Tua hi leh LUNGDAM PAWI maw LUNGDAM BAWL?
LUNGDAM PAWI:
Sanggam Mizote phadiak in - MAS hunin kum khat sung a nuam pen, innkuan kimin Pasian phat khawm, kal khat bang khuang dai lo. Tua mah bangin mi tampite in - puanthak silh, an nek khawm, kimawl khawm, zan hak, ciamnuih tuamtuam bawl, nuamsa mahmah. Hoih lua. LUNGDAM PAWI bawl zihziah. Ahi mah ding. Lungdam pawi in Pawlpi hong nuamsak, hong kithutuaksak, hong kikhawlsak, innkuan lungsim hong guan, phawk kikkik ding, lungsim ah thaam den ding, nuamsa mahmah ding, kikhenlah liangin kikhawl ding, …

Lungdamna taktak a nei lote in leitung gualnopna PAWI bangin ngaihsun: ne, dawn, nuamsa, pawngnawng, DUI kha, Lungdam pawi pen Lungkham pawi suak ?????

LUNG DAM BAWL:
Pasian mi bangin hong piang in Betlen khua bawng kuang sungah hong suahna in, “Mi khempeuh ading nakpi nuamna” ahi hi. Hih thu: zanvak (Carol) na tawh tangko ding, Thonginn, zatote ah thupha bawl kawm lungdamna thu gen ding, Christmas lungdamna a thei kha lo mite kiangah tawntung nuntakna thu genkhiat ding, a lungdam thei nai lo mite a LUNGDAM nading BAWL ding. Tua in lungdam bawl. Biakna dangte in kisuang lo tak a bang letsong hong pia ding hong ci, ei’n zong cilbawl lo a gupna thu gentheih hun.

LUNGDAM BAWL NI.
Hih Lungdam bawl ah na kihel khak leh: A gah muh loh nangawn na lungkim mahmah ding, Pasian a lungkim ding, a lungdam ngei lote a lungdam theih leh khangtawn kikhom lungdamna hi ding, Leitung nopna taksa semsem ding – Kha lungdamna van ah kitangko ding !!!!!

Tua ahih manin: LUNGDAM PAWI leh LUNG DAM BAWL cilbawl kei ni.

  • Blogger Comments
  • Facebook Comments

0 comments:

Post a Comment

Item Reviewed: Lungdam pawi maw Lungdam bawl? Agelh ~ Rev. Khoi Lam Thang Description: Rating: 5 Reviewed By: cinpuzomi
Scroll to Top