728x90 AdSpace

Hot
Menu
Zon-ol na Donate

Latest News

A gualzo leh a lawhcing mite neih QUALITY NAM SAGIH. Agelh ~ Job Khup Sian Sang

A gualzo leh a lawhcing mite neih QUALITY NAM SAGIH.
Agelh ~  Job Khup Sian Sang


A gualzote i cihin Pasian in ama ading a koih (akhen sak sa) mun atung zote cihna ahi hi. (Achieving God’s Given Destiny) Pasian in hong hih sak nopna hong kamciam nate a tangtun zote hi. I nuntakna, i ngimna, i tung nai hiam? Lamkalah om lai maw? A gual zote i et ciang ngeina hoih kibang pawlkhat na nei uh hi. Tua te in;

1. Amau leh amau kithei hi (They know who they are) :
Mi a muangmawhte pen amau mahmah a muanhuailote hi. Samuel Johnson in ’Almost every man wastes part of his life in attempts to display quilities which he does not possess and to gain applause which he cannot keep’ ci hi. Kipawlna hi ta leh gualzawhna leh khantohna apua lam pen asung lam in abat kei leh picing lo ding hi.

2. A cidam hinna nei uh (They have healthy self identity) : 
Many people define who they are based on the opinion of others. Mi tampi in a mau tungah mite muhna tung tawn in a mau leh amau kiseh uh hi. Ph.D nei tungte in a pilna uh lak nuam ngiat uh aa, Ph.D lui ten bel Doctor hong ci kei-un cici phial uh hi. A pil taktakte kiniamkhiat hi. Doctor buai khawng sangin a taktakah a Quality phamawh kisa zaw ta hi. Asia gam ten mi neu lungsim nei uh hi. Lungsim galdona lel thei uh hi. Tua hang mah in i hih zah ding kihih zo lo takpi hi. Asia mite ahai hi tuan lo a, mangkangte apil hi tuan lo, kang hiahua na pi-in ahaina om veve lel hi. Kawlgam zo khuak zong a niam na hi het lo hi. Tua ahih manin amau System sungah lut vet leng mi nuaiah kiom tuan lo hi. Midangte tawh kitehkakna tawh buai nawn kei-ni ei line ahi lo, i kivaklohna khatah bangzahta in i hanciam zongin lawhcing ngei lo pawlkhat kiom hi. Hih nu/pa in lasa den veh aw a cici kiom phial lai hi. Pasian in nang bang kivakna hong pia hiam ci-aa i kan ding kisam mahmah hi.


3. Muhkholhna tawh nungta hi. Mai lam en sain kalsuan hi. Tup le ngim kician nei hi (They are visionary; They are forward looking goal oriented) : 
Tu na dinmun tawh omsuak dingin kium lo hing. Taih inn i lam laitakin bukno sungah om pen nuam lel hi. ’They begin with the end in mind’ I ma khup ding kalsuan lungtup in nei ding hi hang. ’Leader are architect’ Makai i cih pen innlamte bang hi. A lam ding inn pen Blueprint tawh mu khol thei hi. A gualzo i cihte in mite muh sang agamlazawin mu uh hi. ’They see beyond what the average person sees’ tulaitak haksa ka sak hangin ni khat ciang tua ding pa hing ci aa i nuntak ding kisam hi.     ’See the picture’ The best is yet to come’ A golzaw a muh theih ding kisam hi. Haksatna bangzahtain i thuak hang ei ading na a hoih penpente hong pai om lai hi cih i lungmuan ding kisam hi. Na pianna khua neu muh ke’n Pasian angtang zaw-in hong ci hi. Celebration your uniqueness, tua a kipan kilamdang hi ngiat ding cihna hi. Mihing ngeina leh pianzia kaanna Anthropology Field ah ngeina tawh kisai dawl thum om hi. Leitung mihing khempeuh Universal humanness ah kibang i hih manin i kituamna vun bek a kilamdang ahi hi.

4.  A ngim leh a sepkhiat mitsuan cinten uh;
A masa a nunung khentel thei uh (they stay focused; they set and keep priorities) :  Uuk a hau luate gamla tung lo hi. Focus pen thupi mahmah hi. Olympic champion i cihte suun leh zaan tua lian bek sem a, tuamah gualzawhpih zo uh hi. Billy Grahan zong Pasian nasem lakah a gualzo leh a lawhcingpen hi. Gupkhiatna thu bekbek Jesu in bang gen cih bekbek gen hi.

5. Lungkimna leh cihtakna nei uh hi (They have determination & perseverance) :
Ut buang utlo buang, khentatna siang nei lo (indecisive) mi in gamla tung het lo hi. Na khempeuh, Hih ah ding lian ning ei a ci (risktaker)te bek mah khua suak zo hi. Nungak pawlkhat a hoihzaw khat hong pai kha leh ci a risk la ngam lo uh ahih manin ahi ci pi suak uh hi. Pilna taktak Lecture tawh kingah lo hi. Sang naupangte tawh kichalleng kul hi. Not spoon feed sikkeu tawh ki tulh hun hi nawn lo hi. Cihtakna leh lungduai ding kisam pen hi.    

’The winner never quits, the quitter never wins’ cih paunak a om bangin a gualzote cikmahin lungkia a pusuak lo a, lungkia a pusuakte cikmah hunin gualzo ngei lo hi. Champion nakguh ngek kitan liang a traininglote Champion kisuak zo lo hi.

6.  Amau in a ngimna khat adingin a neih uh piakhia ngam hi (They are willing to pay the price) :
Tup leh ngimna kician khat i neih nakleh tua ngimna tangtun nangin na neihsa khat peuhpeuh na piak khiat kul ding hi. Tua loin ngimna tangtun omlo hi.

7. Mi thuhilhn a sang thei dingin lungsim puak nei uh hi (They  keep a learning and teachable attitude) :  
A khangto gamteah naupangno khat na ngawn thugen ciamteh tangtang uh hi. ’ Learn to think on paper’  Idea neu khat pan na lianpi hong piang thei ahih manin i ngaihsutna (idea)te lai mah tawh khum ciapteh ciatciat ding kisam hi. Tua hi leh i kisap ciang kien kik thei ding a, lem mahmah hi. Ei Zomite i zawnna pen sum leh paai zawnna hi lo a, ngaihsut (idea) zawnna ahi hi. Leitung hong kipia zongin bangmah suah lo ding hi hang. Tua ban ah kiniamkhiatna leh hilh theih sawn ding lungsim neihna kisam lai hi. Tua banah supna leh guallelhna a thuaksiamte in gualzawhna thupha  ngah hamtang uh hi. Christian upna sungah omin Topa Jesu Honpa leh Gumpa a i san pen a tomin ci leng Hell sung tun noploh man ahi hi.   


Ute naute tuni a kipanin hih a gualzo leh a lawhcing i cihte neih Quality nam sagih tawh i nuntakna kitehkakin kalsuan khop ding ka deih hi. I kalsuan nai kei leh zong kalsuan sawm ta ding hi hang tua ahih manin tuni-in hih thulu nam sagih mimal kim tungah a nei kim dingin Topan thupha hong pia ciat ta hen..... A men
  • Blogger Comments
  • Facebook Comments

0 comments:

Post a Comment

Item Reviewed: A gualzo leh a lawhcing mite neih QUALITY NAM SAGIH. Agelh ~ Job Khup Sian Sang Description: Rating: 5 Reviewed By: cinpuzomi
Scroll to Top