728x90 AdSpace

Hot
Menu
Zon-ol na Donate

Latest News

Na-puuk Ding Laukei-in. Agelh - Tuang Za Khai @ Khaikok (101)

Na-puuk Ding Laukei-in.
Agelh - Tuang Za Khai @ Khaikok (101) 


“(7) vein na-puuk hang’ phamawhlo hi,
(8) vei na thawhkik ding hilel hi…”
~ Japanese Proverb

Ø Tamveipi na puuk ngeikhin hi, a mangngilh-khin ta na hizaw hi.
Ø Lampai ding na kisin cil-in, na puuk pah hi.
Ø Tuipeek ding na kisin cil-in, tuisung ah tum dandan hilo na hi hiam?
Ø Pau’ na sincil-lai-in, haksa salua kisa na-awk tulhtulh vele…
Ø An-neek na ki sincil lai-in, na sik-keu nangawn natawi theihloh pi.
Ø Bawhlungsat khatpeuh na kimawl ngei hiam? Na ciampeek na nunglam-ah vik masa lo pi-in, na bawhlung na sat-thei kei hi.

Ø Bawhlung nasuih teh nakhe na nunglamah vik masa lo-in na suihtheih loh pi.
Ø Kumsawtpi a hanciam khit uhteh, a siamna hangun a minthang, Bawhlungsiam te nangawn in, suikhial zezel-lai uh-hi.
Ø R.H Macy, New York ah sumhau pen khat in a minthan’ main (7) vei sitset a sumzon-na-ah a tool (zero) vilvel ngei mikhat ahi hi.
Ø Thuleeng ngelhsiam John Creasy, Laibu (564) vei bangh a bawlna sungah, (753) vei bangh endik te in nolhkik zen hi.
Ø Baseball kimawl siam, Babe Ruth, guallelhna 1330 vei a ngah hangin, 714 vei bangh Home Run ngah zo hi.
Ø Na puuk-khak ding laukei-in, haksatna hangin nalung agimleh nopsakna na ngah-hunte phawk-kik inla, thalakik in na hanciamna behlap in…tua hileh nazo teitei lel dinghi.
‘Don’t Be Afraid to Fail’
Wall Street Journal pan.

Kum bangzah nungta dingcih
ih-hanciam theihloh hangin,
ih nuntaak hunsungteng
amanh-nei dingin ih-hanciam thei hi.
Ihmeel ahoih dingin ihpuah theihloh hangin,
ahoih omzia leh gamtat kampau’ ziate
ih neih theih nadingin ih-hanciam thei hi.
Ih nuntaaakna sungahhong
tung ding haksatna te ih khaktan theihloh hangin,
haksatna atawm thei pen dingin ih-hanciam thei hi.
Leitung siatna te ihpuah ihzuun theihloh hang’in,
ih lungsim ihpuah ihzuun thei hi.
Ihzawh-hetloh ding thu pawlkhat
ki-ukcip nuam thei napi,
ih uk zawh mahmah ding ih
LUNGSIM
uk ding ki mangngilh thei thapaai hi…
~ John C. Maxwell

Source :
A HIZOLO OMLO (Laibu).

(Tupna Kician Anei Khangnote a ding Thapiakna)
  • Blogger Comments
  • Facebook Comments

0 comments:

Post a Comment

Item Reviewed: Na-puuk Ding Laukei-in. Agelh - Tuang Za Khai @ Khaikok (101) Description: Rating: 5 Reviewed By: cinpuzomi
Scroll to Top