728x90 AdSpace

Hot
Menu
Zon-ol na Donate

Latest News

Numei pil le Numei hai.

Numei pil le Numei hai.

Model : Lulu Aung

Numei hai in a pasal langpan nop na tawh a thu nial hi. Numei pil in a pasal tha pia hi.

Numei hai in a pasal mawhna zong tawntung a. Numei pil in a pasal hoih na bek en in a lung nuamsak hi.

Numei hai te in mun le gam enlo in a pasal kam nial in a pasal maizumsak hi. Numei pil in ki lungnem sak in inn a tun ciang in a lungkim loh na dam gen kik zaw hi.

Numei hai in a pasal thanem sak a, a pasal thanem na in a mah a sukkhak lam thei lo hi. Numei pil in a pasal thupisak a, a pasal a thupit sak na in a mah pe amah vang a ki pia a hih lam thei hi.


Numei hai in a pasal' hunlui/ a zaullui te thu te tawh a pasal tung ah gualzawh na in nei uh a, Numei pil in a pasal tawh a mailam kalsuan na ding bek ngaihsut in nei hi.

Numei hai in a pasal mawh na maisak lo in, tua mawh na gan nakpheh bang in zang a,
Numei pil in a pasal mawh na maisak a, a pasal pen a khial thei ding mah in a ngaihsun lel hi.

Numei hai te in a pasal tawh tutkhop khawlkhop ding thupit ngaihsut lo a, Numae pil in, a pasal kiang ah ka kiang pan in pai khia ken ci zaw hi.

Numei hai in a pasal pen thaltang bang in nak kek mahmah a, nak kek tektek leh gamlapi a tun ding lam thei lo hi. Numei pil in a pasal pen khau tawh a ki khih gunkuang bang in a gamla pi a tun ciang in
kai kik zel hi.

Numei hai in kei ka pil hi ci in ki gengen a, Numei pil in a pasal belh haui lam, muan ding ahih lam thei zaw hi.

Numei hai te in a pasal suakta sak lo in a kiang ah om tawh tung a, numei pil in a pasal kiang naih zel kigamla zel cih bang in ze et hi.

Numei hai in ann huan puansawp ding thei na pin kipuah ding phawk kha lo hi. Numei pin in ann huan puansawp ding thei a, kizep kipuah ding zong phawk tawntung hi.

Numei hai in a khitui tawh a pasal tung ah gualzawh na la a, Numei pil in a maitai na tawh a pasal a ding in zimanpha khat asuak hi.

~ Job Cinpi

Source :

Nainai sanay
  • Blogger Comments
  • Facebook Comments

0 comments:

Post a Comment

Item Reviewed: Numei pil le Numei hai. Description: Rating: 5 Reviewed By: cinpuzomi
Scroll to Top